ପୁରୀ, ୨୭ ନଭେମ୍ବର (ହି.ସ.) - ପୁରୀ ଜିଲ୍ଲାର ପ ଏମ୍ ଶ୍ରୀ ସରକାରୀ ଉଚ୍ଚବିଦ୍ୟାଳୟ, ବଳଙ୍ଗା ଠାରେ ଉଦ୍ୟମ ସଂସାର ସମ୍ପର୍କିତ ଅନୁଷ୍ଠିତ ହୋଇଯାଇଛି । ଛାତ୍ରଛାତ୍ରୀ ମାନଙ୍କ ମଧ୍ୟରେ ଶିକ୍ଷା ଦକ୍ଷତା ବୃଦ୍ଧିପାଇଁ ସେମାନଙ୍କୁ ସଚେତନ କରିବା ଓ ଉଦ୍ୟମ ସଂସାର କାର?୍ୟ୍ୟକ୍ରମ ଉଦ୍ଦେଶ୍ୟରେ ପ୍ରସ୍ତୁତ କରାଇବା ପାଇଁ ଏହା ତା- ୨୭-୧୧-୨୪ ରିଖ ଠାରୁ ତା ୨୮-୧୧-୨୪ ରିଖ ପର୍ଯ୍ୟନ୍ତ ଦୁଇ ଦିନ ଧରି ପରିଚାଳିତ ହେବ । ଏହି କର୍ମଶାଳା ପରଖ (ଏନ୍ ସି ଇ ଆର୍ ଟି )ଓ (ପି ଏଚ୍ ଡି ସି ସି ପି ) ର ଉଦ୍ୟମ ସଂସାର ଅଭିଯାନ ଏକ ଅଂଶ ତଥା ଏହାକୁ ଭାରତର ସମୁଦାୟ ୩୬ ଗୋଟି ରାଜ୍ୟ ଓ କେନ୍ଦ୍ରଶାସିତ ଅଂଚଳ ମାନଙ୍କରେ ଦୁଇଟି ପର୍ଯ୍ୟାୟରେ ପ୍ରଚାର ଓ ପ୍ରସାର କରିବାପାଇଁ ଲକ୍ଷ୍ୟ ଧାର୍ଯ୍ୟ କରଯାଇଛି ।

ପ୍ରଥମ ପର୍ଯ୍ୟାୟରେ ଏହି ଅଭିଯାନ ସମୁଦାୟ ୧୮ ଟି ରାଜ୍ୟ ଓ କେନ୍ଦ୍ରଶାସିତ ଅଂଚଳ ଯଥା - ଆନ୍ଧ୍ରପ୍ରଦେଶ, ଆସାମ, ଚଣ୍ଡୀଗଡ଼, ଛତିଶଗଡ଼,ଗୋଆ, ହିମାଚଳ ପ୍ରଦେଶ, କେରଳ, କର୍ଣ୍ଣାଟକ, ମଧ୍ୟପ୍ରଦେଶ, ମେଘାଳୟ, ନାଗାଲାଣ୍ଡ, ଓଡ଼ିଶା, ପଣ୍ଡିଚେରୀ, ରାଜସ୍ଥାନ, ତ୍ରିପୁରା, ଉତରାଖଣ୍ଡ ଓ ପଶ୍ଚିମବଙ୍ଗ ପ୍ରଭୃତିରେ ଅନୁଷ୍ଠିତ ହେଉଅଛି । ଏହି କାର୍ଯ୍ୟକ୍ରମ ସମୁଦାୟ କର୍ମଶାଳା ଶୃଙ୍ଖଳାର ଷଷ୍ଠତମ ଶୃଙ୍ଖଳା ଓ ଏହା ପରଖ (ଘଉଋଜଞ )ର ବରିଷ୍ଠ ସାଧନକର୍ମୀ ମାନଙ୍କ ଦ୍ୱାରା ପରିଚାଳିତ ହେଉଛି । ଏହାର ଉଦ୍ଘାଟନ ଉତ୍ସବରେ ପରଖ ର ସି ଇ ଓ ତଥା ମୁଖ୍ୟ ପ୍ରଫେସର ଇନ୍ଦ୍ରାଣୀ ଭାଦୁରୀ, ପୁରୀ ଜିଲ୍ଲା ଶିକ୍ଷାଧିକାରୀ ଦୀପକ କୁମାର ପାଢ଼ୀ, ଅତିରିକ୍ତ ଜିଲ୍ଲା ଶିକ୍ଷାଧିକାରୀ ହିମାଂଶୁ ଭୂଷଣ ସମରଥ,ବି ଇ ଓ , ନିମାପଡ଼ା,ଦିତୀକାନ୍ତ ପ୍ରଧାନ, ପ୍ରଧାନ ଶିକ୍ଷକ ସରକାରୀ ଉଚ୍ଚବିଦ୍ୟାଳୟ ବଳଙ୍ଗା, ନନ୍ଦିତା ସାହୁ, ସହକାରୀ ସଚିବ, ଶାଳିନୀ ଏସ୍ ଶର୍ମା, ସାଧନକର୍ମୀ ଅନନ୍ୟା, ଓଡ଼ିଶା ଶିକ୍ଷା ବିଭାଗର ବରିଷ୍ଠ ଅଧିକାରୀଗଣ ଓ ପୁରୀ ପି ଏମ୍ ଶ୍ରୀ ବିଦ୍ୟାଳୟ ମାନଙ୍କରୁ ୧୫ ଜଣ ବରିଷ୍ଠ ଓ ଦକ୍ଷ ଶିକ୍ଷକ ଶିକ୍ଷୟିତ୍ରୀ ଅଂଶଗ୍ରହଣ କରିଥିଲେ ।

ଏହି ଅଭିଯାନର ପ୍ରଚାର ଓ ପ୍ରସାର ବିଦ୍ୟାଳୟ ସ୍ତରରୁ କରାଗଲେ ନବମ ଓ ଦଶମ ଶ୍ରେଣୀ ଛାତ୍ରଛାତ୍ରୀ ୩୬ ଗୋଟି ବିଭିନ୍ନ ଦିଗରେ ଦକ୍ଷତା ହାସଲ କରି ନିଜ ନିଜର ଭବିଷ୍ୟତ ପନ୍ଥା ନିର୍ଦ୍ଧାରଣ କରିବାରେ ସମର୍ଥ ହୋଇପାରିବେ ଯାହାକି ଉକ୍ତ କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ । ପୁନଶ୍ଚ ଏହି ଅଭିଯାନ ସେମାନଙ୍କୁ ଅତ୍ୟାଧୁନିକ ପ୍ରଯୁକ୍ତିବିଦ୍ୟା ଯଥା - ଫଳଦାୟକ କୃତ୍ରିମ ବୁଦ୍ଧିମତା ବିଷୟରେ ପ୍ରଯୁକ୍ତ କରିବା ସହ ଏହାର ସୁ ବ୍ୟବହାର ପାଇଁ ପଥ ପ୍ରଦର୍ଶକ ହୋଇପାରିବ।ଏହା ଆଜିର ପିଲାମାନଙ୍କୁ ଆସନ୍ତା କାଲିର ଶ୍ରମଶକ୍ତିରେ ଅନ୍ତର୍ଭୁକ୍ତ କରାଇବାରେ ସମର୍ଥ ହୋଇପାରିବ ବୋଲି ପ୍ରଫେସର ଇନ୍ଦ୍ରାଣୀ ଭାଦୁରୀ ମତବ୍ୟକ୍ତ କରିଥିଲେ ।

ଭାରତ ସରକାରଙ୍କ ଏହି ଅଭିଯାନ ପିଲାମାନଙ୍କ ମଧ୍ୟରେ ବିଭିନ୍ନ ଦକ୍ଷତା ସୃଷ୍ଟି କରାଇବାରେ ଏକ ବ୍ୟାପକ ଭିତିଭୂମି ପ୍ରସ୍ତୁତ କରିପାରିଛି । ସମ୍ପ୍ରତି ଚାକିରିର ଅବସ୍ଥା ଓ ଚାକିରି ନିର୍ଦ୍ଧାରଣ ୩୬ ଗୋଟି ଶିଳ୍ପସଂସ୍ଥା ରେ ସୂଚିତ ହେବା ସହ ବିଭିନ୍ନ ରାଜ୍ୟସରକାର ମାନଙ୍କ ଦ୍ୱାରା ଭିନ୍ନ ଭିନ୍ନ ସରକାରୀ ସଂସ୍ଥା ମାନଙ୍କର ନାମାଙ୍କିତ ତାଲିକା ପ୍ରସ୍ତୁତ କରାଯାଇ ସେହି ସେହି ନିର୍ଦ୍ଧାରିତ ଶିଳ୍ପସଂସ୍ଥା ମାନଙ୍କରେ ପ୍ରଶିକ୍ଷଣ ପ୍ରଦାନ କରାଯାଇ ନିଯୁକ୍ତି ସୁଯୋଗ ସୃଷ୍ଟି କରାଯାଇ ପାରିବ ବୋଲି ଉଦାହରଣ ମାଧ୍ୟମରେ ଶ୍ରୀ ସାହିଲ୍ ଏସ୍ ଶର୍ମା ମତପ୍ରକାଶ କରିଥିଲେ। ଉଦ୍ୟମ ସଂସାର ମାର୍ଗର ଦିଗ ବା ବୃତିଗତ ପନ୍ଥା ର ଦିଗ ଉନ୍ମୋଚନ ପାଇଁ ପ୍ରତି ବିଦ୍ୟାଳୟରେ କର୍ମଶାଳା କରିବା ଏହି ଅଭିଯାନର ଏକ ଅବିଚ୍ଛେଦ୍ୟ ଅଙ୍ଗ । ଏଥିପାଇଁ ବିଭିନ୍ନ ପ୍ରଚାର ପତ୍ର ପ୍ରଦାନ କରାଯାଇ କର୍ମଶାଳା କରାଯାଉଥିବା ବିଦ୍ୟାଳୟ ମାନଙ୍କରେ ଏଗୁଡ଼ିକ ପ୍ରତିଦିନ ପ୍ରଦର୍ଶନ କରାଗଲେ ନିକଟସ୍ଥ ବିଦ୍ୟାଳୟ ସମୂହ ଏହିପରି କର୍ମଶାଳା ପରିଚାଳନା ପାଇଁ ଉତ୍ସାହିତ ଓ ଅନୁପ୍ରାଣିତ ହୋଇପାରିବେ ।

ଛାତ୍ରଛାତ୍ରୀ ମାନଙ୍କର ସର୍ବାଙ୍ଗୀନ ଉନ୍ନତି ପାଇଁ ବିଦ୍ୟାଳୟୀୟ ଶିକ୍ଷା କ୍ଷେତ୍ରରେ ଭାରତୀୟ ଜାତୀୟ ପାଠ୍ୟ ଖସଡ଼ା ଧନ୍ଦାମୂଳକ ଶିକ୍ଷାକୁ ଅଗ୍ରାଧିକାର ଦେବା ସହ ସେମାନଙ୍କୁ ଏକବିଂଶ ଶତାବ୍ଦୀ ପାଇଁ ପ୍ରସ୍ତୁତ କରିବାକୁ ପ୍ରୟାସ ଜାରି ରଖିଛି । ଏହି ପାଠ୍ୟଖସଡାର ରୂପ କୁ କରିବା ଓ ଧନ୍ଦାମୂଳକ ଶିକ୍ଷାର ମାନବୃଦ୍ଧି ସହ ମୂଲ୍ୟ ନିର୍ଦ୍ଧାରଣ କରିବାର ଗୁରୁ ଦାୟିତ୍ୱ ପରଖ କୁ ପ୍ରଦାନ କରାଯାଇଛି । ବିଭିନ୍ନ ପ୍ରକାର କାର୍ଯ୍ୟ ମାଧ୍ୟମରେ ଛାତ୍ରଛାତ୍ରୀ ମାନଙ୍କୁ ଉନ୍ନତ ଅନୁଭୂତି ପ୍ରବଣ କରାଇ ସେମାନଙ୍କୁ ଦକ୍ଷ ଓ ଯୋଗ୍ୟ କରାଇବା ଶିକ୍ଷା ର ଉଦ୍ଦେଶ୍ୟ ଅଟେ । ଏହି ଦକ୍ଷତା ଓ ଯୋଗ୍ୟତା ବୃଦ୍ଧି କରାଇବାରେ ସମ୍ପ୍ରତି ପରଖ ମୁଖ୍ୟ ଭୂମିକା ଗ୍ରହଣ କରିଛି । ଆବଶ୍ୟକ ସ୍ୱଭାବ ଦକ୍ଷତା ଓ ଜ୍ଞାନକୁ ବୃଦ୍ଧି କରାଇବାକୁ ହେଲେ ଛାତ୍ରଛାତ୍ରୀ ମାନଙ୍କ ମଧ୍ୟରେ ସଚେତନତା ଓ ସୂକ୍ଷ୍ମାନୁଭୂତି ସୃଷ୍ଟି କରିବାକୁ ହେବ, ଯଦ୍ୱାରା ସେମାନଙ୍କ କାର୍ଯ୍ୟଶକ୍ତି ବୃଦ୍ଧି ରେ ତାହା ସହାୟକ ହୋଇପାରିବ ବୋଲି ଦକ୍ଷ ସାଧନକର୍ମୀ ମତବ୍ୟକ୍ତ କରିଥିଲେ ।

ହିନ୍ଦୁସ୍ଥାନ ସମାଚାର/ବିଜୟ/ଭାନୁ

ହିନ୍ଦୁସ୍ଥାନ ସମାଚାର / ବିଜୟ