ଜୟପୁର, ୭ ନଭେମ୍ବର (ହି.ସ.) - ମହାନ୍ ଅକ୍ଟୋବର ବିପ୍ଳବ ଦିବସ ବା ବିଶ୍ୱ ସମାଜବାଦ ପ୍ରତିଷ୍ଠା ଦିବସ ଅବସରରେ ଆଜି କୋରାପୁଟ ଜିଲ୍ଲା କମ୍ୟୁନିଷ୍ଟ ପାର୍ଟି ର ବିଭିନ୍ନ ଶାଖାରେ ପତାକା ଉତୋଳନ ଶାଖା ବୈଠକ ଓ ସଭ୍ୟ ସଂଗ୍ରହ ଅଭିଯାନ ଆରମ୍ଭ ହୋଇଛି । ଜୟପୁର ଶ୍ରମିକ କର୍ମଚାରୀ ଭବନ ଠାରେ ସିପିଆଇ ରାଜ୍ୟ କାର୍ଯ୍ୟକାରି କମିଟି ସଭ୍ୟ ପ୍ରମୋଦ କୁମାର ମହାନ୍ତି ପତାକା ଉତୋଳନ କରିଥିଲେ । ସେହିଭଳି ବାୟାଗୁଡା , ସୁଣ୍ଢିଗୁଡା, ବୈପାରିଗୁଡାର ମୁଦୁଲି ଗୁଡା ଶାଖା, କୋଟପାଡ଼ ର ଚାନ୍ଦଲି ଶାଖା , ଦଶମନ୍ତପୁର ଜୋନ୍ ର ବିଭିନ୍ନ ଶାଖା , ବୋରିଗୁମ୍ମା ର ମାଲଦା ଶାଖାରେ କାର୍ଯ୍ୟ କ୍ରମ ଅନୁଷ୍ଠିତ ହୋଇଯାଇଛି । ଆଗାମୀ ଦିନରେ ଜିଲ୍ଲା ର ବିଭିନ୍ନ ସମସ୍ୟା ସମାଧାନ ପାଇଁ ଆନ୍ଦୋଳନ କରିବା ପାଇଁ ସ୍ଥାନୀୟ ସମସ୍ୟା ଚିହ୍ନଟ କରାଯାଇଛି । ଜୟପୁର ଜଗନ୍ନାଥ ସାଗର, ନୀଳକଣ୍ଠ ସାଗର,ସେବା କାଗଜ କଳ ପୁନରୁଦ୍ଧାର ଏବଂ ଦରଦାମ୍ ବୃଦ୍ଧି ପ୍ରତିବାଦରେ, ବେକାର ସମସ୍ୟା ସମାଧାନ ଦାବିରେ ଆନ୍ଦୋଳନ କରାଯିବ। ଆସନ୍ତା ୧୬,୧୭ ଭୁବନେଶ୍ୱର ରାଜ୍ୟ ସାଂଗଠାନିକ ସମ୍ମିଳନୀ ରେ ଜିଲ୍ଲା ରୁ ସାତଜଣ ସଭ୍ୟ ଯୋଗଦେବାକୁ ସ୍ଥିର ହୋଇଛି।ଆଜିର ବିଭିନ୍ନ କାର୍ଯ୍ୟକ୍ରମରେ ସର୍ବଶ୍ରୀ ରାମକୃଷ୍ଣ ଦାସ, ନନ୍ଦ ହରିଜନ, ବସନ୍ତ ବେହେରା, ସତ୍ୟବ୍ରତ ନନ୍ଦ, ଉତମ ମଲ୍ଲିକ, ଅଲେଖ ପାତ୍ର, ବୁଦ୍ରା ବଡନାୟକ ପ୍ରମୁଖ ଅଂଶଗ୍ରହଣ କରିଥିଲେ।
ହିନ୍ଦୁସ୍ଥାନ ସମାଚାର/ପବନ/ଭାନୁ
ହିନ୍ଦୁସ୍ଥାନ ସମାଚାର / ପବନ
