କେନ୍ଦ୍ରାପଡା, ୬ ଡିସେମ୍ବର (ହିସ) - କେନ୍ଦ୍ରାପଡା ଷ୍ଟେଟ୍ ବ୍ୟାଙ୍କ ମୁଖ୍ୟ ଶାଖା ପରିସରରେ ଜାତୀୟ ପେନଶନର ଦିବସ ପାଳନ କରାଯାଇଛି । କେନ୍ଦ୍ରାପଡା ପେନଶନର ସଂଘ ସଭାପତି ପିତାମ୍ବର ଦାସଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ଷ୍ଟେଟ୍ ବ୍ୟାଙ୍କର ଆଂଚଳିକ ମୁଖ୍ୟ ପରିଚାଳକ ଦେବାଶିଷ ରଥ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ କେନ୍ଦ୍ରାପଡା ଶାଖା ମୁଖ୍ୟ ପରିଚାଳକ ବିଶ୍ୱଜିତ୍ ରାଉତରାୟ ଓ ଉପ ପରିଚାଳକ ସୁପ୍ରିୟା ମଲିକ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ମୁଖ୍ୟ ଅତିଥି ଶ୍ରୀଯୁକ୍ତ ରଥ ବରିଷ୍ଠ ନାଗରିକ ଓ ପେନଶନଧାରୀ ମାନଙ୍କ ସମସ୍ୟା ସମାଧାନ ପାଇଁ ପ୍ରତିଶୃତି ଦେଇଥିଲେ । ସଂଘ ସଂପାଦକ ହେମନ୍ତ ଜେନା ପ୍ରାରମ୍ଭିକ ସୂଚନା ଦେବା ସହ ଏହି ଦିବସ ପାଳନର ତାତ୍ପର୍ଯ୍ୟ ଉପରେ ଆଲୋକପାତ କରିଥିଲେ । ଅନ୍ୟ ମାନଙ୍କ ମଧ୍ୟରେ କରୁଣାକର ଦାସ, ସମୀକ୍ଷକ ରବୀନ୍ଦ୍ରନାଥ ରଥ, ଉପ ସଭାପତି ବ୍ରଜ ବିହାରୀ ଜେନା ପ୍ରମୁଖ ବକ୍ତବ୍ୟ ରଖି ପେନଶନଧାରୀ ମାନଙ୍କ ବିଭିନ୍ନ ଅସୁବିଧା ସଂପର୍କରେ ବ୍ୟାଙ୍କ କତୃପକ୍ଷଙ୍କ ଦୃଷ୍ଟି ଆକର୍ଷଣ କରି ସମାଧାନ କରିବା ପାଇଁ ପରାମର୍ଶ ଦେଇଥିଲେ । ଏହି ଅବସର ରେ ହେମାଙ୍ଗିନୀ ସାହୁ ଓ ମୋନାଲିସା ବିଶ୍ୱାଳଙ୍କୁ ସମ୍ବର୍ନ୍ଧିତ କରାଯାଇ ଥିଲା । କାର୍ଯ୍ୟକ୍ରମ ପରିଚାଳନାରେ ବ୍ୟାଙ୍କ କର୍ମଚାରୀ ଜଗନ୍ନାଥ ପଣ୍ଡା ଓ ରାମେଶ୍ୱର ନାୟକ ସହାୟତା କରିଥିଲେ ।

ହିନ୍ଦୁସ୍ଥାନ ସମାଚାର / ରବିନାରାୟଣ/ ଗଗନ

-----------

---------------

ହିନ୍ଦୁସ୍ଥାନ ସମାଚାର / ରବି