କୋରେଇ, ୨୧ ଡିସେମ୍ବର(ହି.ସ.) - ପାଣିକୋଇଲିର ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ଆମେ ଆପଣଙ୍କ ପାଇଁ ହେଲପିଂଗ ଗ୍ରୁପ ପକ୍ଷରୁ ଅସହାୟ ମାନଙ୍କୁ ଶୀତବସ୍ତ୍ର(କମ୍ବଳ) ବଂଟନ କରାଯାଇଛି । ବିଭିନ୍ନ ସମୟରେ ବିଭିନ୍ନ କାର୍ଯ୍ୟକ୍ରମ ଜାରି ରଖିଥିବା ଏହି ସଂଗଠନର କମ୍ବଳ ବଂଟନ କାର୍ଯ୍ୟକ୍ରମରେ ପାଣିକୋଇଲି ଥାନାର ଭାରାପ୍ରାପ୍ତ ଅଧିକାରୀ ରଂଜିତ କୁମାର ମହାନ୍ତି, ପାଣିକୋଇଲି ବିଦ୍ୟୁତ୍ ଉପନଖଣ୍ଡ ଅଧିକାରୀ ଅସିତ ଅମିତାଭ ଧଳ, ଉପଦେଷ୍ଟା ସୁବାସ ଧଳ ପୋଟ୍ରୋଲିଂଗ ଅଧିକାରୀ ଅଶୋକ କୁମାର ବଳ, ସଭାପତି ଅଶୋକ କୁମାର ଦାସ, ପ୍ରଦୀପ ମାଝୀ, ହରେକୃଷ୍ଣ ପଣ୍ଡା, ସୁନିଲ ଓଝା, ହରେକୃଷ୍ଣ ସାହୁ, ଅଜିତ ସାହୁ ସାମିଲ ହୋଇଥିଲେ । ପ୍ରଥମେ ଶେଷ ପରିଚୟ ବୃଦ୍ଧାଶ୍ରମରେ ଅନ୍ତେବାସୀଙ୍କୁ କମ୍ବଳ ପ୍ରଦାନ ପରେ ରାଜପଥ କଡରେ ଓ ବିଭିନ୍ନ ସ୍ଥାନରେ ରହୁଥିବା ଅସହାୟ ମାନଙ୍କୁ କମ୍ବଳ ଦିଆଯାଇଥିଲା । ସୁଧାଶଙ୍କର ବିଶ୍ୱାଳ, ରାକା ପରିଡା ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ।

ହିନ୍ଦୁସ୍ଥାନ ସମାଚାର/ଭାସ୍କର/ଭାନୁ

ହିନ୍ଦୁସ୍ଥାନ ସମାଚାର / ଭାନୁ ଚରଣ