ସୁବର୍ଣ୍ଣପୁର, ୨୧ ଡିସେମ୍ବର (ହି.ସ.)- ସୁବର୍ଣ୍ଣପୁର ଜିଲ୍ଲା ନରସିଂହଗଡ଼ ଷ୍ଟେସନ ନିକଟରେ ରେଲୱେ ଟ୍ରାକ୍ ପାର୍ ହେବାବେଳେ ବୃଦ୍ଧାଙ୍କ ଉପରେ ମାଡିଗଲା ପାସେଞ୍ଜର ଟ୍ରେନ୍ । ମୃତ ବୃଦ୍ଧା ଜଣକ ହେଲେ ରତିକା ପୋଢ଼ । ତାଙ୍କ ଘର ନିକଟସ୍ଥ ଖମ୍ବେଶ୍ୱରୀପାଲି ଗ୍ରାମରେ ବୋଲି ଜଣାପଡିଛି ।

ଆଜି ସକାଳେ ବୃଦ୍ଧା ଜଣକ ରେଲୱେ ଟ୍ରାକ୍ ପାର୍ ହୋଇ ନିଜ ବିଲକୁ ଯାଉଥିଲେ । ଏହି ସମୟରେ ତାଙ୍କ ଉପରେ ଟ୍ରେନ ମାଡ଼ି ଯାଇଥିଲା । ଟ୍ରେନ ଧକ୍କାରେ ବୃଦ୍ଧାଙ୍କ ମୁଣ୍ଡ ଗଣ୍ଡି ଅଲଗା ହୋଇଯାଇଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଂଚି ମୃତଦେହକୁ ଉଦ୍ଧାର କରିଛି । ଶବ ଜବତ ପରେ ଏହାକୁ ବ୍ୟବଚ୍ଛେଦ ନିମନ୍ତେ ପଠାଯାଇଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ