ମେଲବର୍ଣ୍ଣ, ୨୪ ଡିସେମ୍ବର (ହି.ସ.)- ବର୍ଡ଼ର- ଗାଭାସ୍କର ଟ୍ରଫି (ବିଜିଟି)ର ବକ୍ସିଂ ଡେ ଟେଷ୍ଟ ପୂର୍ବରୁ ଭାରତୀୟ କ୍ୟାପଟେନ ରୋହିତ ଶର୍ମା ମଙ୍ଗଳବାର କହିଛନ୍ତି ଯେ, ସେ ବର୍ତମାନ କେବଳ ଆଗାମୀ ଟେଷ୍ଟ ମ୍ୟାଚ୍ ଉପରେ ଧ୍ୟାନ କେନ୍ଦ୍ରିତ କରୁଛନ୍ତି ଏବଂ ମେଲବର୍ଣ୍ଣରେ ଏକ ମଜବୁତ ପ୍ରଦର୍ଶନ କରିବା ନିମନ୍ତେ ଉତ୍ସୁକ ଅଛନ୍ତି ।

ପ୍ରି-ମ୍ୟାଚ୍ ପ୍ରେସ୍ କନଫରେନ୍ସରେ ରୋହିତ କହିଛନ୍ତି ଯେ, ଚାଲିଥିବା ବିଜିଟି ସିରିଜ୍ ର ପର୍ଥ ଟେଷ୍ଟ ରେ ଆମେ ବାସ୍ତବରେ ବହୁତ ଭଲ କ୍ରିକେଟ୍ ଖେଳିଛୁ । ଆମେ ମଧ୍ୟ ଭାଗ୍ୟଶାଳୀ ରହିଲୁ, ଯେତେବେଳେ ଆମେ ପର୍ଥ ରେ ପ୍ରଥମ ଟେଷ୍ଟ ମ୍ୟାଚ୍ ରେ ବିଜୟ ଲାଭ କଲୁ । ଯେତେବେଳେ ଆପଣ ୧୫୦ ରନ୍ ରେ ଆଉଟ୍ ହୋଇଯାଇଥାନ୍ତି, ସେତେବେଳେ ଆପଣକୁ ଲାଗିଥାଏ ଯେ, ଆପଣ ଟିକେ ଚାପରେ ଅଛନ୍ତି । ହେଲେ ଟିମ୍ ର ଖେଳାଳୀ ମାନେ ଭଲ ପ୍ରଦର୍ଶନ କରିଥିଲେ ଏବଂ ଅଷ୍ଟ୍ରେଲିଆକୁ ୧୦୦ ରନ୍ ରେ ଆଉଟ୍ କରିଥିଲେ ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ