ବଲାଙ୍ଗିର, ୨୬ ଏପ୍ରିଲ୍ (ହି ସ) : ବିଜେଡିରେ ଯୋଗଦେଲେ ନିକଟରେ କଂଗ୍ରେସ ଛାଡ଼ିଥିବା ପ୍ରଦେଶ କଂଗ୍ରେସ କମିଟି ସାଧାରଣ ସଂପାଦକ, ଏଆଇସିସି ମେମ୍ବର ତଥା ପିପିସି ମେମ୍ବର ବିଧୁଭୂଷଣ ତ୍ରିପାଠୀ । ଆଜି ଭୁବନେଶ୍ୱର ସ୍ଥିତ ଶଙ୍ଖ ଭବନ ଆୟୋଜିତ ମିଶ୍ରଣ ପର୍ବରେ ନିଜ ସାଥୀଙ୍କ ସହ ଶଙ୍ଖ ଧରିଛନ୍ତି ବିଧୁଭୂଷଣ । ପିସିସି ସଭାପତି ଶରତ ପଟ୍ଟନାୟକଙ୍କ ଅତ୍ୟନ୍ତ ଘନିଷ୍ଟ ସହଯୋଗୀ ଥିବା ବଲାଙ୍ଗିର କଂଗ୍ରେସ ଦଳର ବିଭିନ୍ନ ପଦପଦବୀରେ ରହି ଅନେକ ଦାୟିତ୍ଵ ତୁଲାଇ ଥିଲେ ବିଧୁଭୂଷଣ ତ୍ରିପାଠୀ । ଦୀର୍ଘ ୩୫ ବର୍ଷର କଂଗ୍ରେସ ସହ ରହିଥିବା ସମ୍ପର୍କକୁ ଛିନ୍ନ କରି ଆଜି ବିଜେଡିରେ ଯୋଗ ଦେଇଛନ୍ତି । ବଲାଙ୍ଗିର କଂଗ୍ରେସ ଏବେ ଆଉ ଦଳ ହୋଇ ରହିନାହିିଁ, ଏହା ବ୍ୟକ୍ତି କୈନ୍ଦ୍ରିକ ହୋଇ ସାରିଛି ବୋଲି ଅଭିଯୋଗ କରି ନିକଟରେ କଂଗ୍ରେସ ଛାଡ଼ିଥିବା ବିଧୁଭୂଷଣ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କାର୍ଯ୍ୟଦକ୍ଷତା ଓ ସ୍ୱଚ୍ଛତାରେ ଅନୁପ୍ରାଣି ହୋଇ ତଥା ବଲାଙ୍ଗିର ବିଜେଡ଼ି ବିଧାୟକ ପ୍ରାର୍ଥୀ କଳିକେଶ ନାରାୟଣ ସିଂହଦେଓଙ୍କ ଜନାଭିମୁଖୀ କାର୍ଯ୍ୟକଳାପରେ ଆକୃଷ୍ଟ ହୋଇ ବିଜେଡ଼ିରେ ଯୋଗ ଦେଇଥିବା କହିଛନ୍ତି । ବଲାଙ୍ଗିର ବିଜେଡ଼ି ବିଧାୟକ ପ୍ରାର୍ଥୀ କଳିକେଶ ନାରାୟଣ ସିଂହଦେଓଙ୍କ ସହ ବିଶିଷ୍ଟ ବିଜେଡ଼ି ନେତାଙ୍କ ଉପସ୍ଥିତିରେ ବିଧୁଭୂଷଣ ଆଜି ଶଙ୍ଖ ଭବନରେ ଶଙ୍ଖ ଧରିଛନ୍ତି ।
ହିନ୍ଦୁସ୍ଥାନ ସମାଚାର/ ଗୋପବନ୍ଧୁ /ବନ୍ଦନା
