ଭୁବନେଶ୍ୱର, 28 ଜାନୁଆରି (ହି.ସ.)- ଭୁବନେଶ୍ୱର ସ୍ଥିତ ବିଜୁ ପଟ୍ଟନାୟକ ଅନ୍ତର୍ଜାତୀୟ

ଏୟାରପୋର୍ଟ ପ୍ରଶାସନ ମହାକୁମ୍ଭ ମେଳାକୁ ଦୃଷ୍ଟିରେ ରଖି ପ୍ରୟାଗରାଜ ପାଇଁ ସ୍ୱତନ୍ତ୍ର ବିମାନ

ସେବା ଆରମ୍ଭ କରିଛନ୍ତି । ମହାକୁମ୍ଭ ମେଳାରେ ପ୍ରବଳ ଭିଡକୁ ଦୃଷ୍ଟିରେ ରଖି ଏହି ନିଷ୍ପତି

ନିଆଯାଇଛି ।

ଭୁବନେଶ୍ୱରରୁ ମହାକୁମ୍ଭ ମେଳା ପାଇଁ ସ୍ୱତନ୍ତ୍ର ଉଡାଣ ପ୍ରତି

ବୁଧବାର ବିଜ ପଟ୍ଟନାୟକ ଏୟାରପୋର୍ଟରୁ ବାହାରିବ । ଏବେ ଭୁବନେଶ୍ୱରରୁ ପ୍ରୟାଗରାଜ ପାଇଁ

ଚାରିଟି ସପ୍ତାହିକ ଉଡାଣ ରହିଛି । କାଲିଠାରୁ ଉଡାଣ ସଂଖ୍ୟା ବୃଦ୍ଧି ପାଇଁ ପାଂଚ ହେବ । ତେବେ

ମହାକୁମ୍ଭ ପରେ ବିଶେଷ ଉଡାଣ ଜାରି ରଖିବା ନେଇ ଚୂଡାନ୍ତ ନିଷ୍ପତି ଯାତ୍ରୀଙ୍କ ଭିଡକୁ ଦେଖି

ନିଆଯିବ ।

ବିଜୁ ପଟ୍ଟନାୟକ ଏୟାରେପାର୍ଟର ନିର୍ଦ୍ଦେଶକ ପ୍ରସନ୍ନ ପ୍ରଧାନ

କହିଛନ୍ତି ଯେ, ଭୁବନେଶ୍ୱରରୁ ପ୍ରୟାଗରାଜ ପାଇଁ ଚାରୋଟି ସପ୍ତାହିକ ଉଡାଣ ରହିଛି ଏବଂ

ମହାକୁମ୍ଭର ଭିଡକୁ ଦେଖି ସରକାର ସ୍ୱତନ୍ତ୍ର ବିମାନ ପାଇଁ ଦାବି କରିଥିଲେ । ଏଲାୟନ୍ସ ଏୟାର

ସହିତ ଆଲୋଚନା ପରେ ଆମେ ବୁଧବାର ଆଉ ଏକ ସାପ୍ତାହିକ ଉଡାଣ ଆରମ୍ଭ କରୁଛି । ଏହା 72 ସିଟ

ବିଶିଷ୍ଟ ବିମାନ ଅଟେ ।

ସେ କହିଛନ୍ତି ଯେ, ଏବେ ଭୁବନେଶ୍ୱର ଓ ପ୍ରୟାଗରାଜ ମଧ୍ୟରେ ଚାରୋଟି

72 ସିଟ ବିଶିଷ୍ଟ ବିମାନ ଚାଲୁଛି । ଏଥିପାଇଁ ଭବିଷ୍ୟତରେ ମହାକୁମ୍ଭ ପରେ ବିଶେଷ ଉଡାଣକୁ ଜାରି

ରଖିବାର ନିଷ୍ପତି ଯାତ୍ରୀଙ୍କ ସଂଖ୍ୟା ଉପରେ ନିର୍ଭର କରିବ ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା