ସମ୍ବଲପୁର, ୯ ଜାନୁଆରୀ (ହି.ସ.)- ସମ୍ବଲପୁର ଜିଲ୍ଲା କୁଚିଣ୍ଡା ସ୍ଥିତ କୁଚିଣ୍ଡା ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟରେ ଅଧ୍ୟକ୍ଷ ଅଧିକାରୀ ସାହୁଙ୍କ ଅଧ୍ୟକ୍ଷତାରେ ଗୁରୁବାର ଦିନ ଛାତ୍ରୀମାନଙ୍କ ଭବିଷ୍ୟତ ଜୀବନର ଉନ୍ନତି ଲକ୍ଷ୍ୟ ନିର୍ଦ୍ଧାରଣ ପାଇଁ ଏକ କ୍ୟାରିୟର କାଉନସେଲିଂ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବରିଷ୍ଠ ଅଧ୍ୟାପିକା ସୁଚେତା ନାୟକ ଅତିଥୀ ପରିଚୟ ଓ ସଭା ସଂଯୋଜନା କରିଥିଲେ। ଏହି ଅବସରରେ କୁଚିଣ୍ଡା ସ୍ଥିତ ଏକାଡେମି ଅଫ କମ୍ୟୁଟର ଏଜୁକେଶନ ଶିକ୍ଷାନୁଷ୍ଠାନର ନିର୍ଦ୍ଦେଶକ ରାଜେଶ ଶର୍ମା ମୁଖ୍ୟ ଅତିଥୀ ଓ ଅଧ୍ୟାପିକା ପୂଜା ଧୁରୁଆ ଏବଂ ମାର୍କେଟିଂ ମ୍ୟାନେଜର ଦିପାଞ୍ଜଳି ସାହୁ ସହଯୋଗ କରିଥିଲେ . କ୍ୟାରିଅର କାଉନସେଲଙ୍କର ଗୁରୁତ୍ବ ଓ ଯୁକ୍ତ ଦୁଇ ପରେ ବିଭିନ୍ନ କ୍ୟାରିୟର ଉପରେ ସୂଚନା ଦେଇଥିଲେ ଏବଂ କେଉଁ କ୍ୟାରିୟର ନେଲା ପରେ ଆତ୍ମ ନିଯୁକ୍ତି ହୋଇପାରିବ ବୋଲି ମାର୍ଗଦର୍ଶନ ଦେଇଥିଲେ। ଶେଷରେ ଅଧ୍ୟାପିକା ଶୁଚେତା ନାୟକ ସମସ୍ତ ଙ୍କୁ ଧନ୍ୟବାଦ ଅର୍ପଣ ଦେଇଥିଲେ। ଏହି କାର୍ଯ୍ୟକ୍ରମରେ ଏକାଦଶ ଓ ଦ୍ବାଦଶ ଉଭୟ ଶ୍ରେଣୀ ର ଛାତ୍ରୀମାନେ ଏବଂ ବିଦ୍ୟାଳୟ ର ସମସ୍ତ ଅଧ୍ୟାପକ ଅଧ୍ୟାପିକା ମାନେ ଉପସ୍ଥିତ ରହିଥିଲେ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ
