ନୂଆଦିଲ୍ଲୀ, 9 ଜାନୁଆରି (ହି.ସ.)
- କେନ୍ଦ୍ର ଗୃହ
ମନ୍ତ୍ରାଳୟ ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଂଚଳକୁ ଟିବି ଉନ୍ମୋଳନ ଅଭିଯାନକୁ ନେଇ ଚିଠି
ଲେଖିଛି । ଏଥିରେ କୁହାଯାଇଛି ଯେ, ଭାରତରେ ଏହି ରୋଗକୁ ଶେଷ କରିବା ପାଇଁ କେନ୍ଦ୍ର ସରକାରଙ୍କ
ପ୍ରତିବଦ୍ଧତା ଅନ୍ତର୍ଗତ ଜେଲ ଓ ସୁଧାର ସଂସ୍ଥାନରେ ଟିବି ଉନ୍ମୋଳନ ଉପରେ ଶହେଦିନିଆ ଏକ
ଅଭିଯାନ ଆୟୋଜନ କରନ୍ତୁ ।
ଏମଏଚଏ ସମସ୍ତ ରାଜ୍ୟ ଓ
କେନ୍ଦ୍ର ଶାସିତ ଅଂଚଳର ମୁଖ୍ୟ ସଚିବ(ଗୃହ/ଜେଲ), ଡିଜି-ଆଇଜି ଜେଲକୁ ଟିବି ଉନ୍ମୋଳନ ଉପରେ ଶହେ
ଦିବସ ଅଭିଯାନ ଆୟୋଜନ କରିବାକୁ ଚିଠି ଲେଖି କହିଛି ଯେ, ଯେପରି ଆପଣ ଜାଣନ୍ତି ଟିବି ଜେଲରେ ଏକ
ଗୁରୁତ୍ୱପୂର୍ଣ୍ଣ ସ୍ୱାସ୍ଥ୍ୟ ଚିନ୍ତାର ବିଷୟ ଅଟେ କାରଣ ଜେଲରେ ବନ୍ଦ ସେଟିଂଗ ଓ ଗହଳି ଅଂଚଳରେ
ଟିବି ସଂକ୍ରମଣର ପ୍ରଜନନ ସ୍ଥାନ ହେବାର ସମ୍ଭାବନା ରହିଥାଏ, ଯେଉଁଥିରେ କଏଦୀଙ୍କ ଜନସଂଖ୍ୟାରେ
ରୋଗର ଭାର ବଢିଯାଇଥାଏ ଏବଂ କଏଦୀଙ୍କୁ ମୁକ୍ତ ପରି ଓ ସେମାନଙ୍କ ଆଗନ୍ତୁକଙ୍କ ସହିତ
କଥାବର୍ତ୍ତା ସମୟରେ ସାର୍ବଜନୀନ ସ୍ୱାସ୍ଥ୍ୟ ପାଇଁ ବିପଦ ସୃଷ୍ଟି କରିଥାଏ । ଅପର୍ଯ୍ୟାପ୍ତ ଯାଂଚ
ଓ ସଚେତନତାର ଅଭାବ କାରଣରୁ ଜେଲ ଭିତରେ ଟିବିକୁ ନିୟନ୍ତ୍ରଣ କରିବା ଚ୍ୟାଲେଂଜ ହୋଇଥାଏ ।
ତେଣୁ ସମସ୍ତ ଜେଲ ଓ
କାର୍ଯ୍ୟାଳୟ ଓ ସଙ୍ଗଠନରେ ସୂଚନା, ଶିକ୍ଷା ଓ ସଂଚାର ସାମଗ୍ରୀର ପ୍ରଦର୍ଶନ କରାଯାଉ । ଜେଲ ଓ
ସୁଧାର କେନ୍ଦ୍ରରେ କର୍ମଚାରୀଙ୍କ ମଧ୍ୟରେ ରୋଗ ସଂପର୍କରେ ସଚେତନତା ସୃଷ୍ଟି କରାଯାଉ ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
09 Jan 2025