ନୂଆଦିଲ୍ଲୀ, 9 ଜାନୁଆରି (ହି.ସ.)-

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଓଡ଼ିଶାର ରାଜଧାନୀ ଭୁବନେଶ୍ୱରରେ 18ତମ ପ୍ରବାସୀ

ଭାରତୀୟ ଦିବସ (ପିବିଡି) ସମ୍ମିଳନୀର ଉଦଘାଟନ କରିଛନ୍ତି । ବୈଦେଶିକ ମନ୍ତ୍ରାଳୟ ଓ ଓଡ଼ିଶା

ସରକାରଙ୍କ ଦ୍ୱାରା ମିଳିତ ଭାବେ ଆୟୋଜିତ ତିନି ଦିବସୀୟ ପ୍ରବାସୀ ଭାରତୀୟ ସମ୍ମିଳନୀର ଥିମ

ବିକଶିତ ଭାରତର ସଂକଳ୍ପନାରେ ପ୍ରବାସୀ ଭାରତୀୟଙ୍କ ଯୋଗଦାନ ରହିଛି । ପ୍ରଧାନମନ୍ତ୍ରୀ ଏହି

ଅବସରରେ ପ୍ରବାସୀ ଭାରତୀୟ ଏକ୍ସପ୍ରେସକୁ ସବୁଜ ପତାକା ଦେଖାଇ ଶୁଭାରମ୍ଭ କରିଛନ୍ତି । ଏହା

ପ୍ରବାସୀ ଭାରତୀୟଙ୍କ ପାଇଁ ଏକ ସ୍ୱତନ୍ତ୍ର ପର୍ଯ୍ୟଟକ ଟ୍ରେନ ଅଟେ ।

ଏହି ଅବସରରେ

ପ୍ରଧାନମନ୍ତ୍ରୀ ମୋଦୀ ତାଙ୍କ ସମ୍ବୋଧନର ଆରମ୍ଭ ଭଗବାନ ଜଗନ୍ନାଥ ଓ ଭଗବାନ ଲିଙ୍ଗରାଜଙ୍କର

ପବିତ୍ର ଧର୍ମଭୂମିରେ ପୂରା ଦୁନିଆରୁ ଆସିଥିବା ଭାରତବଂଶୀ ପରିବାରକୁ ସ୍ବାଗତ କରିଛନ୍ତି। ସେ

କହିଛନ୍ତି ଯେ, ଏହା

ଭାରତରେ ଜୀବନ୍ତ ଉତ୍ସବ ଓ ସମାରୋହର ସମୟ ଅଟେ। କିଛି ଦିନରେ ପ୍ରୟାଗରାଜରେ ମହାକୁମ୍ଭ ଆରମ୍ଭ

ହେବ,

ମକର ସଂକ୍ରାନ୍ତି, ଲୋହଡ଼ୀ, ପୋଙ୍ଗଲ ଓ ମାଘ ବିହୁ ପର୍ବ ମଧ୍ୟ ଆସୁଛି। ପ୍ରତି ସ୍ଥାନରେ ଖୁସିର

ମାହାଲ ଅଛି। ଏହି ବିଶେଷ ଦିନରେ, 1915 ମସିହାରେ ମହାତ୍ମା ଗାନ୍ଧୀ ଦୀର୍ଘଦିନ ପାଇଁ ବିଦେଶରେ ରହିବା ପରେ ଭାରତକୁ

ଫେରିଥିଲେ। ଏହି ଅଦ୍ଭୁତ ସମୟରେ ଆପଣମାନେ ଭାରତରେ ଅଛନ୍ତି, ଯାହା ଉତ୍ସବର ଆନନ୍ଦକୁ ଆହୁରି ବୃଦ୍ଧି କରୁଛି।

ଏହାପୂର୍ବରୁ ବିଦେଶ

ମନ୍ତ୍ରୀ ଜୟଶଙ୍କର କହିଛନ୍ତି ଯେ, ପ୍ରତି 2 ବର୍ଷରେ ଆୟୋଜିତ ହେଉଥିବା ଏହି ଉତ୍ସବ ପରିବାର ପୁନର୍ମିଳନ

ଭଳି ଅଟେ । ବିଦେଶରେ ରହୁଥିବା ଭାରତୀୟମାନେ ସେମାନଙ୍କର ଦେଶରେ ଘଟୁଥିବା ପ୍ରଗତି ଓ ବିକାଶକୁ

ସ୍ୱୟଂ ଦେଖିଥାନ୍ତି । ସେ କହିଛନ୍ତି ଯେ, ଏହି ଉତ୍ସବ ଆମକୁ ଆମର ପ୍ରବାସୀ ଭାରତୀୟମାନେ ସହିତ ଯୋଗାଯୋଗ କରିବା

ଓ ପରସ୍ପର ସହିତ ଆଲୋଚନା କରିବାର ଏକ ମଞ୍ଚ ଦିଏ। ସେ କହିଛନ୍ତି ଯେ, ପ୍ରବାସୀ ସମୁଦାୟ ପ୍ରତିବର୍ଷ ବିତିବା ସହ ଅଧିକ ଗୁରୁତ୍ୱପୂର୍ଣ୍ଣ ହୋଇଯାଇଥାନ୍ତି

। ଜୟଶଙ୍କର କହିଛନ୍ତି ଯେ, ଭାରତରେ ଆମେ ଯେଉଁ ସମାଜ କେନ୍ଦ୍ରିତ ପରିବର୍ତ୍ତନଗୁଡିକୁ ପ୍ରୋତ୍ସାହିତ କରୁଛୁ, ସେଥିରୁ ପ୍ରବାସୀ ସମୁଦାୟକୁ ମଧ୍ୟ ଲାଭ ମିଳୁଛି।

ମୁଖ୍ୟମନ୍ତ୍ରୀ ମୋହନ ଚରଣ

ମାଝୀ କହିଛନ୍ତି ଯେ, ଓଡିଶା ରାଜ୍ୟ ବିବିଧ ସଂସ୍କୃତି ଓ ଐତିହାସିକ ଉତ୍କୃଷ୍ଟତାର ଏକ ସମଗ୍ର

କେନ୍ଦ୍ର ଅଟେ । ଓଡ଼ିଶୀ ଭାରତର ସବୁଠୁ ପୁରୁଣା ଶାସ୍ତ୍ରୀୟ ନୃତ୍ୟ ରୂପ ମଧ୍ୟରୁ ଅନ୍ୟତମ ।

ପଟ୍ଟଚିତ୍ରର ଜଟିଳ କଳା ଦୁନିଆକୁ ମନ୍ତ୍ରମୁଗ୍ଧ କରିଥାଏ । ସମ୍ବଲପୁରର ବିଶ୍ୱପ୍ରସିଦ୍ଧ

ହସ୍ତତନ୍ତ କପଡା ଆମର ସମସ୍ତଙ୍କର ପ୍ରତିୟ ଓ ଜୀବନ୍ତ ପରମ୍ପରାରୁ ଗୋଟିଏ । ଐତିହ୍ୟରେବି ଉପରେ,

ଓଡିଶା ପ୍ରାକୃତିକ ସୁନ୍ଦରତାର ଗନ୍ତାଘର ଅଟେ ।

ଏହି ଅବସରରେ

ପ୍ରଧାନମନ୍ତ୍ରୀଙ୍କ ସହିତ ମଂଚ ଉପରେ ଓଡ଼ିଶାର ରାଜ୍ୟପାଳ ଡ.ହରିବାବୁ କମ୍ଭମପତି ଓ

ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ବୈଦେଶିକ ମନ୍ତ୍ରୀ ଏସ ଜୟଶଙ୍କର, କେନ୍ଦ୍ର ଶିକ୍ଷାମନ୍ତ୍ରୀ

ଧର୍ମେନ୍ଦ୍ର ପ୍ରଧାନ, ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଓ ଉପମୁଖ୍ୟମନ୍ତ୍ରୀ କେଭି ସିଂହଦେଓ

ପ୍ରମୁଖ ଉପସ୍ଥିତ ଥିଲେ ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା