ଗ୍ୱୌହାଟୀ, 16 ଅକ୍ଟୋବର (ହି.ସ.)- ପ୍ରସିଦ୍ଧ ଗାୟକ

ଜୁବିନ୍ ଗର୍ଗଙ୍କ ମୃତ୍ୟୁ ମାମଲାରେ ପାଞ୍ଚ ଅଭିଯୁକ୍ତଙ୍କୁ ବାକ୍ସା ଜେଲ୍‌କୁ ପଠାଯିବା ପରେ

ବୁଧବାର ଦିନ ସୃଷ୍ଟି ହୋଇଥିବା ଆଇନ-ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ସମ୍ପୂର୍ଣ୍ଣ

ବାକ୍ସା ଜିଲ୍ଲାରେ ଇଣ୍ଟରନେଟ୍ ସେବା ବନ୍ଦ କରାଯାଇଛି। ସମ୍ପ୍ରତି ଘଟିଥିବା ପରିସ୍ଥିତିକୁ ଦେଖି

ରାଜ୍ୟ ଗୃହ ବିଭାଗ ଏହି ନିଷ୍ପତି ନେଇଛି। ସମସ୍ତ ମୋବାଇଲ୍ ସେବା ପ୍ରଦାନକାରୀ ସଂସ୍ଥାଗୁଡ଼ିକୁ

ଇଣ୍ଟରନେଟ୍ ଓ ମୋବାଇଲ୍ ଡାଟା ସେବା ବନ୍ଦ କରିବା ନିର୍ଦ୍ଦେଶ ଦିଆଯାଇଛି। ଆଗାମୀ ନିର୍ଦ୍ଦେଶ

ଆସିବା ପର୍ଯ୍ୟନ୍ତ ଏହି ନିର୍ଦ୍ଦେଶ ଜାରି ରହିବ। ଏହି ଅବଧିରେ ଭଏସ କଲ୍ଓ ବ୍ରଡବ୍ୟାଣ୍ଡ ଟେଲିଫୋନ୍ ଲାଇନ୍ ଚାଲୁ ରହିବ। ଏହି ନିର୍ଦ୍ଦେଶ

ରାଜ୍ୟ ସରକାରର ଗୃହ ଓ ରାଜନୈତିକ ବିଭାଗ ଦ୍ୱାରା ଜାରି କରାଯାଇଛି।

ଜୁବିନ୍ ଗର୍ଗଙ୍କ ମୃତ୍ୟୁ

ମାମଲାରେ ଅଭିଯୁକ୍ତ ଥିବା ପାଞ୍ଚ ଜଣଙ୍କୁ ବାକ୍ସା ଜେଲକୁ ପଠାଯିବା ପରେ ଜେଲ ପରିସର ବାହାରେ ପ୍ରବଳ

ଉତ୍ତେଜନା ଓ ବିବାଦ ସୃଷ୍ଟି ହୋଇଥିଲା। ଏହି ପାଞ୍ଚ ଅଭିଯୁକ୍ତ — କ୍ରମଶଃ ଶ୍ୟାମକାନୁ ମହନ୍ତ, ସିଦ୍ଧାର୍ଥ ଶର୍ମା, ସନ୍ଦୀପନ୍ ଗର୍ଗ, ପରେଶ ବୈଶ୍ୟ ଓ ନନ୍ଦେଶ୍ୱର ବୋର — 14 ଦିନର ସିଆଇଡି ରିମାଣ୍ଡ ସମାପ୍ତ ହେବା ପରେ ବୁଧବାର ଦିନ ସିଜେଏମଅଦାଲତରେ ହାଜର ହୋଇଥିଲେ, ଯେଉଁଠାରୁ ତାଙ୍କୁ

ଜେଲକୁ ପଠାଯାଇଥିଲା। ଗ୍ୱୌହାଟି ସେଣ୍ଟ୍ରାଲ୍ ଜେଲ ପରିବର୍ତ୍ତେ ତାଙ୍କୁ ବାକ୍ସା ଜେଲକୁ

ପଠାଯିବା ପରେ ଲୋକମାନେ ଆକ୍ରୋଶିତ ହୋଇ ବିରୋଧ ପ୍ରଦର୍ଶନ ଆରମ୍ଭ କରିଦେଇଥିଲେ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା