ପାଟନା/ଔରଙ୍ଗାବାଦ, ୪ ନଭେମ୍ବର (ହିସ)- ବରିଷ୍ଠ କଂଗ୍ରେସ ନେତା ଏବଂ ସାଂସଦ ରାହୁଲ ଗାନ୍ଧୀ ମଙ୍ଗଳବାର ଦିନ ବିହାରର ଔରଙ୍ଗାବାଦରେ ଏକ ନିର୍ବାଚନୀ ରାଲିକୁ ସମ୍ବୋଧିତ କରିବା ସମୟରେ ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ଉପରେ କେନ୍ଦ୍ର ସରକାରଙ୍କ ନିର୍ଦ୍ଦେଶରେ କାମ କରିବାର ଅଭିଯୋଗ ଆଣିଥିଲେ।
ରାହୁଲ ଗାନ୍ଧୀ କହିଛନ୍ତି ଯେ ନୀତିଶ କୁମାର ରାଜ୍ୟର ଯୁବକମାନଙ୍କ ପାଇଁ ସମସ୍ତ ନିଯୁକ୍ତି ବିକଳ୍ପକୁ ସମାପ୍ତ କରିଦେଇଛନ୍ତି। ବିହାରର ବର୍ତମାନର ଜାତୀୟ ଗଣତାନ୍ତ୍ରିକ ମେଂଟ ସରକାରଙ୍କୁ ଟାର୍ଗେଟ କରି ରାହୁଲ ଗାନ୍ଧୀ କହିଛନ୍ତି ଯେ ନୀତିଶ କୁମାର କେବଳ ବିହାରର ଯୁବକମାନଙ୍କୁ ଶ୍ରମିକରେ ପରିଣତ କରିବାକୁ ଚାହୁଁଛନ୍ତି। ବିହାରରେ ପ୍ରଶ୍ନପତ୍ର ଲିକ୍ ମଧ୍ୟ ସାଧାରଣ, ଯାହା ଆର୍ôଥକ ଦୃଷ୍ଟିରୁ ସଶକ୍ତ ଛାତ୍ରମାନଙ୍କୁ ଲାଭ ପହଂଚାଉଛି।
ରାହୁଲ ଗାନ୍ଧୀ କହିଛନ୍ତି ଯେ କେନ୍ଦ୍ର ସରକାରଙ୍କ ଉଦ୍ଦେଶ୍ୟ ହେଉଛି ଯୁବକମାନଙ୍କୁ ସୋସିଆଲ ମିଡିଆରେ ରିଲ୍ ତିଆରି କରିବାରେ ବ୍ୟସ୍ତ ରଖିବା, ଯାହା ଦ୍ୱାରା ଶିକ୍ଷା, ସ୍ୱାସ୍ଥ୍ୟ ଏବଂ ନିଯୁକ୍ତି ଭଳି ଗମ୍ଭୀର ପ୍ରସଙ୍ଗରୁ ସେମାନଙ୍କ ଧ୍ୟାନ ହଟାଇବା। ସେ କହିଛନ୍ତି ଯେ ଏହା ଏକବିଂଶ ଶତାବ୍ଦୀର ନୂତନ ନିଶା। ସେ ଏହା ଚାହୁଁଛନ୍ତି କାରଣ ଏହା ଯୁବକମାନଙ୍କୁ ବିଚଳିତ ରଖିବ ଏବଂ ସେମାନଙ୍କ ଶିକ୍ଷା, ସ୍ୱାସ୍ଥ୍ୟ ଏବଂ ନିଯୁକ୍ତି ସମସ୍ୟା ପାଇଁ ତାଙ୍କ ସରକାରଙ୍କୁ ଦାୟୀ କରିବାରୁ ସେମାନଙ୍କୁ ବାଧା ଦେବ।
----------------
---------------
ହିନ୍ଦୁସ୍ଥାନ ସମାଚାର / ଗଗନ