ଖୋର୍ଦ୍ଧା, ୨ ଏପ୍ରିଲ୍ (ହି.ସ.) - ବେଆଇନ ବ୍ରାଉନ ସୁଗାର ଅଭିଯୋଗରେ ଜଟଣୀ ପୋଲିସ ଜଣକୁ ଗିରଫ କରିଛି। ଗିରଫ ଜଣକ ହେଲା ନନ୍ଦୁ ଓରଫ ଅଜୟ ନାୟକ। ପୋଲିସ ତାଠାରୁ ୧୬ ଗ୍ରାମ ଓଜନର ବ୍ରାଉନ ସୁଗାର ଜବତ କରିଛି । ବିଶେଷ ସୂତ୍ରରୁ ଖବର ପାଇ ଜଟଣୀ ପୋଲିସର ଏକ ସ୍ପେଶାଲ ଟିମ ରାମଚନ୍ଦ୍ରପୁର ବଜାରସ୍ଥିତ ସାଇମନ୍ଦିର ନିକଟରେ ଚଢଉ କରିବା ସହିତ ବେଆଇନ ବ୍ରାଉନ ସୁଗାର ବିକ୍ରୟ ଅଭିଯୋଗରେ ନନ୍ଦୁ ଓରଫ ଅଜୟ ନାୟକଙ୍କୁ ଗିରଫ କରିଛି।ପଚରାଉଚରା ସମୟରେ ଅଭିଯୁକ୍ତ ନନ୍ଦୁ ବେଆଇନ ବ୍ରାଉନ ସୁଗାର ଖୋର୍ଦ୍ଧା ଅଂଚଳରୁ ଆଣି ଜଟଣୀ ଅଂଚଳରେ ବିକ୍ରି କରୁଥିବା କଥା ସ୍ୱୀକାର କରିଥିଲେ। ଏହି ଘଟଣାକୁ କେନ୍ଦ୍ରକରି ଜଟଣୀ ଥାନା ପୁଲିସ ଏକ ବେଆଇନ ବ୍ରାଉନସୁଗାର ବିକ୍ରି ଜନିତ ମାମଲା ରୁଜୁ କରିବା ସହିତ ଅଭିଯୁକ୍ତ ନନ୍ଦୁଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ଅଭିଯୁକ୍ତ ନନ୍ଦୁଙ୍କ ନାମରେ ପୂର୍ବରୁ ମଧ୍ୟ ଜଟଣୀ ଥାନାରେ ୨୬ ଟି ରୁ ଅଧିକ ଅଭିଯୋଗ ମାମଲା ରହିଥିବା ଜଣାପଡିଛି ।
ହିନ୍ଦୁସ୍ଥାନ ସମାଚାର/ରାକେଶ/ଭାନୁ
ହିନ୍ଦୁସ୍ଥାନ ସମାଚାର / ରାକେଶ