ଭଦ୍ରକ, ୨ ଅପ୍ରେଲ (ହି.ସ.) - ଏହି ଜିଲାର ଧାମରା ନିକଟସ୍ଥ ହୃ୍‌ଦୟପ୍ରସାଦ ସରକାରୀ ପ୍ରାଥମିକ ବିଦ୍ୟାଳୟରେ ଅବସକାଳିନ ସମ୍ବର୍ନ୍ଧନା ସଭା ଅନୁଷ୍ଠିତ ହୋଇ ଯାଇଛି। ଉକ୍ତ ବିଦ୍ୟାଳୟରେ ରବିନ୍ଦ୍ର କୁମାର ଦଳେଇ ପ୍ରଧାନ ଶିକ୍ଷକ ଭାବେ କାର୍ଯ୍ୟକରି ଅବସର ନେଇଛନ୍ତି। ଶିକ୍ଷାବିତ ଓ ସମାଜସେବୀ ସୁକୁମାର ହାଇତିଙ୍କ ସଭାପତିତ୍ୱରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ପ୍ରଧାନ ଶିକ୍ଷକ ଅଜୟ କୁମାର ନାୟକ, ମୁଖ୍ୟବକ୍ତା ଭାବେ ପୂର୍ବତନ ସିଆରସିସି ତଥା ସୁକଚାନ୍ଦ ମାନ୍ନା ବିଦ୍ୟାଳୟର ପ୍ରଧାନ ଶିକ୍ଷକ ଅନୁପ କୁମାର ଦାସ, ସିଆରସିସି ତ୍ରିଲୋଚନ ଦାସ, ଶଶିକାଦେଇପୁର ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ରେବତୀକାନ୍ତ ବେହେରା, ଅକ୍ଷୟ ବିନ୍ଧାଣୀ, ବସନ୍ତ କୁମାର ରାଉତ, ଅଜୟ କୁମାର ରାଉତ, ସମାଜସେବୀ ସୁଧାଂଶୁ ଶେଖର ପରିଡା, ତପନ କୁମାର ମାଇତି, ପ୍ରମୁଖ ସମ୍ମାନୀତ ଅତିଥି ଭାବେ ଯୋଗଦାନ ପୂର୍ବକ ରବିନ୍ଦ୍ର ସାରଙ୍କ କର୍ମମୟ ଜୀବନର ଗୁଣଗାନ କରିଥିଲେ। ଉକ୍ତ ସଭାରେ ରବିନ୍ଦ୍ର କୁମାର ଦଳେଇଙ୍କୁ ମାନପତ୍ର ସହ ଉପଢୌକନ ପ୍ରଦାନ କରାଯାଇଥିଲା। ବିଦ୍ୟାଳୟର ପ୍ରତିଷ୍ଠାତା ସୁଶୀଲ କୁମାର ପରିଡାଙ୍କୁ ଉକ୍ତ ସଭାରେ ଗ୍ରାମବାସୀ ଓ ବିଦ୍ୟାଳୟ ତରଫରୁ ଗାଁ ଗୌରବ ସମ୍ମାନରେ ସମ୍ମାନୀତ କରାଯାଇଥିଲା। ଶିକ୍ଷକ ମାନସ କୁମାର ପରିଡା ଅତିଥି ପରିଚୟ ପ୍ରଦାନ କରିଥିବା ବେଳେ ମାନିକ ଲାଲ ଦାସ ଧନ୍ୟବାଦ ଅର୍ପଣ କରିଥିଲେ।ବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ଦ୍ୱାରା ସ୍ୱାଗତ ନୃତ୍ୟ ଓ ଶିକ୍ଷକ କାଳିପଦ ମଣ୍ଡଳଙ୍କ ଦ୍ୱାରା ବିଦାୟ ସଙ୍ଗୀତ ପରିବେଷଣ କରାଯାଇଥିଲା। ସମାଜସେବୀ ନିତ୍ୟାନନ୍ଦ ପ୍ରଧାନଙ୍କ ତତ୍ୱାବଧାନରେ ଶିକ୍ଷକ ବଳରାମ ଦାସ, ବନବିହାରୀ ସିଂ, ଦୀପକ ମହାନ୍ତି,ବିକାଶ ମାଳି, ଅମୀୟ ଦୁଆରୀ, ଶିକ୍ଷୟତ୍ରୀ ସଂଯୁକ୍ତା ମାଇତି ପ୍ରମୁଖ ସଭା ପରିଚାଳନାରେ ସହଯୋଗ କରିଥିଲେ। ହିନ୍ଦୁସ୍ଥାନ ସମାଚାର / ପ୍ରମୋଦ

ହିନ୍ଦୁସ୍ଥାନ ସମାଚାର / ପ୍ରମୋଦ କୁମାର ରାୟ