ଭଦ୍ରକ, ୨ ଅପ୍ରେଲ (ହି.ସ.) - ଭଦ୍ରକ ଜିଲ୍ଲା ତିହିଡ଼ି ବ୍ଲକ ସୟା ପଂଚାୟତ ଅଧୀନ ନିଶ୍ଚନ୍ତପୁର ସେବା ସମବାୟ ସମିତି ଚଳିତ ଖରିଫ୍ ଋତୁରେ ଶତପ୍ରଶତ ଧାନ କ୍ରୟ କରି ସଫଳତା ହାସଲ କରିଛି। ଯାହା ଫଳରେ ସମିତି ଅଧୀନରେ ଥିବା ଚାଷୀମାନେ ଅତ୍ୟନ୍ତ ଆନନ୍ଦିତ ହୋଇଛନ୍ତି। ସେମାନଙ୍କ ଧାନ ସରକାରୀ ମୂଲ୍ୟରେ ସମିତିର ସମ୍ପାଦିକା ଗୀତାଞ୍ଜଳି ଦାସଙ୍କ ତତ୍ୱାବଧାନରେ କ୍ରୟ କରାଯାଇଛି। ସମିତିର ଚାଷୀ କମିଟି ଧାନ କ୍ରୟରେ ସମ୍ପାଦିକା ଶ୍ରୀମତୀ ଦାସଙ୍କୁ ସହଯୋଗ କରିଥିବାରୁ ଚାଷୀ ମହଲ କ୍ରୟ କମିଟିକୁ ଧନ୍ୟବାଦ ଜଣାଇଛନ୍ତି। ସ୍ଥାନୀୟ ଅଂଚଳର ଚାଷୀମାନେ ସମ୍ପାଦିକା ଶ୍ରୀମତୀ ଦାସ ଓ କ୍ରୟ କମିଟିର ସଦସ୍ୟମାନଙ୍କୁ ସମ୍ବର୍ଦ୍ଧିତ କରିଛନ୍ତି। ଏହି ଅବସରରେ ସମିତି ପରିସରରେ ଏକ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଥିଲା। କ୍ରୟ କମିଟିର ସଦସ୍ୟ ଶରତ କୁମାର ଲେଙ୍କାଙ୍କ ସଭାପତିତ୍ୱରେ ଏକ ସଭା ଅନୁଷ୍ଠିତ ହୋଇଥିଲା। ଏଥିରେ କ୍ରୟକମିଟି ସଦସ୍ୟ ବିଜୟ ନାୟକ, ଜୀବନ ନାୟକ, ସୌମ୍ୟଗୋପାଳ ନାୟକ, ସୁବାସ ଚନ୍ଦ୍ର ମଳିକ, ପ୍ରେମାନନ୍ଦ ମଳିକ ପ୍ରମୁଖ ଯୋଗ ଦେଇ ସମିତି ଧାନ କ୍ରୟରେ ସଫଳତା ହାସଲ କରିଛି। ସମିତିରେ ମୋଟ ୬୪୫ ଚାଷୀ ପଞ୍ଜୀକୃତ ହୋଇଥିବା ବେଳେ ୬୪୨ଜଣ ଚାଷୀ ଧାନ ବିକ୍ରି କରିଛନ୍ତି। ସମିତିର ୬୪୨ ଚାଷୀଙ୍କ ଠାରୁ ୩୧୭୦୦ କୁଇଣ୍ଟାଲ ଧାନ କ୍ରୟ କରାଯାଇଥିବା ବେଳେ ୩୧୯୦୦ କୁଇଂଟାଲ ଧାନ କ୍ରୟ କରିବାକୁ ଲକ୍ଷ୍ୟ ଧାର୍ଯ୍ୟ ଥିଲା ବୋଲି ଉପସ୍ଥିତ ଚାଷୀମାନଙ୍କୁ ସୂଚନା ଦେଇଥିଲେ। ଧାନ କ୍ରୟ କରିବା ଦିଗରେ ସମ୍ପାଦିକା ଶ୍ରୀମତୀ ଦାସଙ୍କର ଭୂମିକା ଗୁରୁତ୍ୱପୂର୍ଣ୍ଣ ଥିବା ବେଳେ କ୍ରୟ କମିଟି ମଧ୍ୟ ସମ୍ପୂର୍ଣ୍ଣ ସହଯୋଗ କରିଥିବା ନେଇ କମିଟି ସଦସ୍ୟମାନେ ମତବ୍ୟକ୍ତ କରିଥିଲେ। ଏଥିସହ ସମିତିରେ ଗୋଦାମ ଘର ନଥିବାରୁ ବହୁ ଅସୁବିଧାରେ ସମ୍ମୁଖୀନ ହୋଇ ଚାଷୀମାନଙ୍କ ଧାନକୁ ସୁରକ୍ଷିତ ରଖାଯାଇ ସେମାନଙ୍କୁ ଧାନର ମୂଲ୍ୟ ପ୍ରଦାନ କରାଯାଇଛି। ତୁରନ୍ତ ସମିତିରେ ଏକ ଗୋଦାମ ଘର ନିର୍ମାଣ କରାଯିବା ନେଇ ପ୍ରଶାସନ ଦୃଷ୍ଟି ଦେବାକୁ ସଦସ୍ୟମାନେ ଦାବି କରିଥିଲେ। ସୂଚନା ଯୋଗ୍ୟ ଯେ ସମିତିର ସୁପରିଚାଳନା ପାଇଁ ଏକ ୧୪ଜଣିଆ କମିଟି ଗଠନ କରାଯାଇଛି। ବିଶେଷ କରି ଜଣେ ମହିଳା ସମ୍ପାଦିକା ସମସ୍ତ କାର୍ଯ୍ୟକୁ ସୁଚାରୁ ରୂପେ ସମ୍ପାଦନ କରିଥିବାରୁ ଚାଷୀମାନେ ତାଙ୍କୁ ଭୂୟସୀ ପ୍ରଶଂସା କରିଛନ୍ତି। ଏହି ସମ୍ବର୍ଦ୍ଧନା ଉତ୍ସବରେ ସରପଂଚ ପ୍ରତିନିଧି ରବିନ୍ଦ୍ର ଶତପଥି, ସମିତିସଭ୍ୟ ପ୍ରତିନିଧି ସୁକାନ୍ତ ବିଶ୍ୱାଳ, ଚାଷୀ ସୁରେନ୍ଦ୍ର ନାୟକ, ରାଜକିଶୋର ନାୟକ, ଅଭୟ ପତି, ଶିବ ଚରଣ ନାୟକ, ଧୀରେନ୍ଦ୍ର ସେଠୀ, ଦାମୋଦର ମଲ୍ଲିକ, ବଳରାମ କବି, ବିଜୟ ପଣ୍ଡା, ରମେଶ ଲେଙ୍କା, ଅଶୋକ ବିଶ୍ୱାଳ, ହୃଷିକେଶ ନାୟକ, ସୁକାନ୍ତ ମହାନ୍ତି, ଜଗବନ୍ଧୁ ମଲିକ, ବିଶ୍ୱନାଥ ପୃଷ୍ଟି, ଶ୍ରୀନାଥ ମଲିକ, ପୂର୍ଣ୍ଣଚନ୍ଦ୍ର ମଲିକ, ଜଗବନ୍ଧୁ ମଲିକ, ନବକିଶୋର ସାହୁ, ବଳରାମ ମଲିକ, ସୁକାନ୍ତ ମହାନ୍ତି ପ୍ରମୁଖଙ୍କ ସହିତ ବହୁ ଚାଷୀ ଉପସ୍ଥିତ ଥିଲେ।

ହିନ୍ଦୁସ୍ଥାନ ସମାଚାର / ପ୍ରମୋଦ

ହିନ୍ଦୁସ୍ଥାନ ସମାଚାର / ପ୍ରମୋଦ କୁମାର ରାୟ