ସମ୍ବଲପୁର, ୦୨ ଏପ୍ରିଲ୍ (ହି.ସ.)

ସମ୍ବଲପୁର ଜିଲ୍ଲା ଯୁଯୋମୁରା ବ୍ଲକ ଅର୍ନ୍ତଗତ କବରାପାଲି ଗ୍ରାମର ପୂର୍ବତନ ଶିକ୍ଷକ ରାମପ୍ରସାଦ ସାହୁଙ୍କର ତୀର୍ଥଯାତ୍ରା ସମୟରେ ବାରାଣସୀ ଠାରେ ଗତ ସୋମବାର ପରଲୋକ ହୋଇଯାଇଛି । ମଙ୍ଗଳବାର ମଧ୍ୟରାତ୍ରରେ କବରାପାଲି ସ୍ଥିତ ବାସଭବନରେ ତାଙ୍କର ଶବ ପହଞ୍ଚିବା ପରେ ବୁଧବାର ଭୋର ସକାଳୁ ସ୍ଥାନୀୟ ସ୍ମଶାନ ରେ ଶବଦାହ କରାଯାଇଛି। ସେ ନିଜ ସ୍ତ୍ରୀ ସରୋଜିନୀ ସାହୁ ଏବଂ ସମ୍ପର୍କୀୟ ମାନଙ୍କ ସହ ତୀର୍ଥଯାତ୍ରାରେ ଯାଇଥିଲେ । ବାରାଣସୀରେ ବିଭିନ୍ନ ତୀର୍ଥକ୍ଷେତ୍ର ଭ୍ରମଣ ସମୟରେ ସେ ଅସୁସ୍ଥତା ଅନୁଭବ କରିଥିଲେ। ତାଙ୍କୁ ବାରାଣାସୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ପରଲୋକ ହୋଇଥିଲା। ଖବରପାଇ ତାଙ୍କର ସାନପୁଅ ସୁକାନ୍ତ ସାହୁ ବାରାଣାସୀ ଯାଇ ଶବକୁ ନିଜ ଗାଁ କୁ ଆଣିଥିଲେ। ଶବ ପହଞ୍ଚିବା ପରେ ଗ୍ରାମବାସୀମାନଙ୍କ ଉପସ୍ଥିତିରେ ବଡ଼ପୁଅ ସୁଶାନ୍ତ ସାହୁ ମୁଖାଗ୍ନୀ ଦେଇଥିଲେ । ସ୍ବର୍ଗତ ରାମପ୍ରସାଦ ପଦ୍ମପୁର ସ୍ଥିତ ଦେଉଲି ପ୍ରାଥମିକ ବିଦ୍ୟାଳୟ ରେ ଶିକ୍ଷକତା ଆରମ୍ଭ କରିଥିଲେ। ୨୦୦୫ ମସିହାରେ ସେ ଡଙ୍ଗାରପଡା ନୂଆମୁଡା ପ୍ରାଥମିକ ବିଦ୍ୟାଳୟରୁ ଅବସର ଗ୍ରହଣ କରିଥିଲେ। ସେ ଜଣେ ସୁ ଲେଖକ ଭାବେ ମଧ୍ୟ ପରିଚିତ ଥିଲେ। ପରଲୋକ ଅନ୍ତେ ତାଙ୍କର ଧର୍ମପତ୍ନୀ ସରୋଜିନୀ ସାହୁ, ଦୁଇପୁଅ ଦୁଇ ଝିଅ,ବହୁ ଏବଂ ନାତିନାତୁଣୀ ଙ୍କୁ ଛାଡିଯାଇଛନ୍ତି।

---------------

ହିନ୍ଦୁସ୍ଥାନ ସମାଚାର / ଶୈଳେଶ