ଚଣ୍ଡିଗଡ, 13 ମେ (ହି.ସ.)
-ଭାରତ-ପାକିସ୍ତାନ ମଧ୍ୟରେ ହେଉଥିବା ସେନା ସଂଘର୍ଷ ସମୟରେ ପଞ୍ଜାବର
ଫିରୋଜପୁରରେ ଡ୍ରୋନ୍ ଆକ୍ରମଣରେ ଗଭୀର ଭାବେ ଆହତ ହୋଇଥିବା ଜଣେ ମହିଳାଙ୍କର ସୋମବାର ବିଳମ୍ବିତ
ରାତିରେ ଲୁଧିଆନା ହସ୍ପିଟାଲରେ ମୃତ୍ୟୁ ଘଟିଛି। ଜିଲ୍ଲା ପ୍ରଶାସନ ଓ ହସ୍ପିଟାଲ ଅଧିକାରୀ
ମହିଳାଙ୍କର ପରିବାରକୁ ଏହି ସଂପର୍କରେ ସୂଚନା ଦେଇଛନ୍ତି। ଫିରୋଜପୁର ଜିଲ୍ଲା ପ୍ରଶାସନକୁ ମଧ୍ୟ
ଏହା ସୂଚିତ କରାଯାଇଛି।
ଫିରୋଜପୁର ଜିଲ୍ଲାର ଖାଇ ଗାଁରେ ୯ ମେରେ ଡ୍ରୋନ୍ ଖସିବା କାରଣରୁ ସୁଖବିନ୍ଦର କୌର ଆହତ
ହୋଇଥିଲେ। ତାଙ୍କର ଅବସ୍ଥା ଗୁରୁତର ଥିବାରୁ ତାଙ୍କୁ ଲୁଧିଆନା ସ୍ଥିତ ଦୟାନନ୍ଦ ମେଡିକାଲ କଲେଜ୍ରେ
ଭର୍ତ୍ତି କରାଯାଇଥିଲା। ଏଠାରେ ଚିକିତ୍ସା ଦେଉଥିବାବେଳେ ସୋମବାର ବିଳମ୍ବିତ ରାତିରେ ତାଙ୍କର
ମୃତ୍ୟୁ ହୋଇଛି । ଦୟାନନ୍ଦ ମେଡିକାଲ କଲେଜ୍ରେ ଏବେ ଫିରୋଜପୁର ବାସିନ୍ଦା ଲଖବିନ୍ଦର ସିଂହ୍ ଓ
ସୋନୁଙ୍କ ଚିକିତ୍ସା ଚାଲିଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା