ଜୟପୁର, ୧୫ ଜୁନ୍ (ହି.ସ.)- ଜିଲ୍ଲା ଆଇନ ସେବା ପ୍ରାଧିକରଣ, କୋରାପୁଟ-ଜୟପୁର ଆନୁକୂଲ୍ୟରେ ଆଜି ବିଶ୍ବ ବୟସ୍କ ନିର୍ଯାତନା ସଚେତନତନା ଦିବସ ବୈପାରିଗୁଡା ବ୍ଲକ ଅନ୍ତର୍ଗତ ମୁଣ୍ଡାଗୁ଼ଡା ଠାରେ ଥିବା ବରିଷ୍ଠ ନାଗରିକ ନିବାସ ଠାରେ ପାଳନ କରାଯାଇଅଛି। ଏଥିରେ ମଞ୍ଚାସିନ ଅତିଥି ଭାବରେ ଉପ-ଆଇନଗତ ସହାୟତା ପ୍ରତିରକ୍ଷା ପରାମର୍ଶଦାତା କେ.ଦିବାକର ରାଓ, ହରିଶ୍ଚନ୍ଦ୍ର ମୁଦୁଲି, ସମ୍ମୁଖ କାର୍ଯ୍ୟ।ଳୟ, ରିଟେନର ତଥା ଆଇନଜୀବି କେ.ଦିବାକର ଗୌଡ, ପେନାଲ ଆଇନଜୀବି ଶୁରେଶ ହୁଡ୍ଡୁପ, ଜିଲ୍ଲା ଆଇନସେବା ପ୍ରାଧିକରଣର ମୁଖ୍ୟ କିରାଣି ଶ୍ରୀକାନ୍ତ ଦଣ୍ଡସେନା, କନିଷ୍ଠ କିରାଣି ଦେବେନ୍ଦ୍ର କଂହର ଏବଂ ବରିଷ୍ଠ ନାଗରିକ ନିବାସର ସୁଶ୍ରୀ ଚମ୍ପା ପୁଲା, ସୁଶ୍ରୀ ପ୍ରିୟଙ୍କା ଲାକ୍ରା ଏବଂ କର୍ମକର୍ତ୍ତା ବୃନ୍ଦ ଉପସ୍ଥିତ ରହି ପ୍ରତିବର୍ଷ ଜୁନ୍ ୧୫ ତାରିଖରେ ପାଳନ କରାଯାଉଥିବା ବିଶ୍ୱ ବୟସ୍କ ନିର୍ଯାତନା ସଚେତନତା ଦିବସ ପାଳନ କରାଯାଇଛି। ଏହି ଦିବସ ବିଶ୍ୱବ୍ୟାପୀ ସମ୍ପ୍ରଦାୟଗୁଡ଼ିକୁ ବୃଦ୍ଧ ବ୍ୟକ୍ତିଙ୍କ ପ୍ରତି ହେଉଥିବା ନିର୍ଯାତନା ଏବଂ ଅବହେଳାକୁ ପ୍ରଭାବିତ କରୁଥିବା ସାଂସ୍କୃତିକ, ସାମାଜିକ, ଅର୍ଥନୈତିକ ଏବଂ ଜନସଂଖ୍ୟାଗତ ପ୍ରକ୍ରିୟା ବିଷୟରେ ସଚେତନତା ସୃଷ୍ଟି କରି ଏକ ଉତ୍ତମ ଜୀବନକୁ ପ୍ରୋତ୍ସାହିତ କରିବା ସହିତ ବୟସ୍କମାନଙ୍କ ଦ୍ୱାରା ସମ୍ମୁଖୀନ ହେଉଥିବା ବିଶ୍ୱବ୍ୟାପୀ ନିର୍ଯାତନା ଏବଂ ଅବହେଳାର ପ୍ରଭାବକୁ ଚିହ୍ନଟ କରିବା ଏବଂ କାର୍ଯ୍ୟାନୁଷ୍ଠାନ ପାଇଁ ତଥ୍ୟ-ଚାଳିତ ପଦ୍ଧତି ବ୍ୟବହାର କରିବା ଉପରେ ଗୁରୁତ୍ୱାରୋପ କରାଯାଇଥିଲା ।
ହିନ୍ଦୁସ୍ଥାନ ସମାଚାର / ପିକେପି
