ନୂଆଦିଲ୍ଲୀ, ଜୁନ ୧୭ (ହି.ସ.)- କେନ୍ଦ୍ର ମହିଳା ଏବଂ ଶିଶୁ ବିକାଶ ରାଷ୍ଟ୍ରମନ୍ତ୍ରୀ ସାବିତ୍ରୀ ଠାକୁର କହିଛନ୍ତି ଯେ ସୁରକ୍ଷିତ ପ୍ରସବଠାରୁ ଆରମ୍ଭ କରି ଝିଅମାନଙ୍କ ଶିକ୍ଷା ସୁନିଶ୍ଚିତ କରିବା ପର୍ଯ୍ୟନ୍ତ, ଆର୍ôଥକ ପ୍ରବେଶଠାରୁ ଆରମ୍ଭ କରି ଆଇନଗତ ସୁରକ୍ଷା ପର୍ଯ୍ୟନ୍ତ - ଏହି ଦଶନ୍ଧି ନାରୀ ଶକ୍ତି ନେତୃତ୍ୱରେ ଏକ ନୂତନ ଭାରତର ମୂଳଦୁଆ ପକାଇଛି। ଗତ ୧୧ ବର୍ଷ ମଧ୍ୟରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦୂରଦୃଷ୍ଟିପୂର୍ଣ୍ଣ ନେତୃତ୍ୱରେ, ଭାରତ ମହିଳା ଏବଂ ଶିଶୁମାନଙ୍କୁ ସୁରକ୍ଷିତ, ସୁସ୍ଥ, ସଶକ୍ତ ଏବଂ ସ୍ୱାବଲମ୍ବୀ କରିବା ପାଇଁ ଅଭୂତପୂର୍ବ ପଦକ୍ଷେପ ନେଇଛି।
ମଙ୍ଗଳବାର ଦିନ, କେନ୍ଦ୍ର ମହିଳା ଏବଂ ଶିଶୁ ବିକାଶ ରାଷ୍ଟ୍ରମନ୍ତ୍ରୀ ସାବିତ୍ରୀ ଠାକୁର ଇନ୍ଦୋରର ସେଠିନଗର ଅଙ୍ଗନୱାଡି କେନ୍ଦ୍ରରେ ଗଣମାଧ୍ୟମ ସହ କଥାବାର୍ତା ସମୟରେ ଏହା କହିଥିଲେ। ଏହି ଅବସରରେ, ସେ ସରକାରଙ୍କ ଗତ ୧୧ ବର୍ଷରେ ଅଙ୍ଗନୱାଡି ସେବା ଏବଂ ମହିଳା-ଶିଶୁ କଲ୍ୟାଣ ଯୋଜନାର ପରିବର୍ତନକାରୀ ପ୍ରଭାବ ଉପରେ ଆଲୋକପାତ କରିଥିଲେ।
ସେ ଆଉଟରିଚ୍ ଏବଂ କ୍ଷେତ୍ର ଯାଂଚ କାର୍ଯ୍ୟକ୍ରମର ଅଂଶ ଭାବରେ ମଧ୍ୟପ୍ରଦେଶର ଇନ୍ଦୋରର ସେଠି ନଗରରେ ଅବସ୍ଥିତ ଅଙ୍ଗନୱାଡି କେନ୍ଦ୍ର (ଏଡବ୍ଲୁସି) ପରିଦର୍ଶନ କରିଥିଲେ। ମନ୍ତ୍ରୀଙ୍କ ସହିତ ଏକ ଜାତୀୟ ଗଣମାଧ୍ୟମ ପ୍ରତିନିଧି ଦଳ, ମନ୍ତ୍ରଣାଳୟର ବରିଷ୍ଠ ଅଧିକାରୀ, ସ୍ଥାନୀୟ ପ୍ରଶାସନ ଏବଂ ଆଇସିଡିଏସ୍ ଅଂଶୀଦାରମାନେ ଉପସ୍ଥିତ ଥିଲେ।
ସାବିତ୍ରୀ ଠାକୁର ଅଙ୍ଗନୱାଡି କେନ୍ଦ୍ରରେ ଉପସ୍ଥିତ ମହିଳାମାନଙ୍କୁ ଘରୋଇ ହିଂସା ଏବଂ ନିର୍ଯାତନା ବିରୁଦ୍ଧରେ ସ୍ୱର ଉଠାଇବା ଶିଖାଇଥିଲେ। ସେ କହିଥିଲେ ଯେ ମହିଳାମାନେ ୧୮୧ ନମ୍ବରରେ କଲ୍ କରି ସରକାରଙ୍କ ଦ୍ୱାରା ଯୋଗାଇ ଦିଆଯାଉଥିବା ଯୋଜନାରୁ ସାହାଯ୍ୟ ନେବା ଉଚିତ। ସେ ମନ୍ତ୍ରଣାଳୟଗୁଡ଼ିକର ସେବା ସମୀକ୍ଷା କରିଥିଲେ ଏବଂ ମହିଳା ଏବଂ ଶିଶୁମାନଙ୍କ ପାଇଁ ପୁଷ୍ଟିସାର, ସ୍ୱାସ୍ଥ୍ୟ ଏବଂ ଶିକ୍ଷା ହସ୍ତକ୍ଷେପର ଭୂମିସ୍ତରୀୟ ପ୍ରଭାବ ବୁଝିବା ପାଇଁ ଅଙ୍ଗନୱାଡି କର୍ମୀ (ଏଡବ୍ଲୁ ଡବ୍ଲୁ), ହିତାଧିକାରୀ ଏବଂ ସମ୍ପ୍ରଦାୟ ସହିତ ଆଲୋଚନା କରିଥିଲେ।
------------------
---------------
ହିନ୍ଦୁସ୍ଥାନ ସମାଚାର / ଗଗନ
17 Jun 2025