ବଲାଙ୍ଗିର, 21 ଜୁନ୍ (ହି.ସ.)
ଅନ୍ତର୍ଜାତୀୟ ଯୋଗ ଦିବସ ଅବସରରେ ବଲାଙ୍ଗିର ଜିଲ୍ଲା ଜେଲର ଏକ ଅପୂର୍ବ ଉଦ୍ୟମ ଦ୍ୱାରା ଏକ ନୂତନ ଦିଗର ଆରମ୍ଭ ହେଲା। ବନ୍ଦୀମାନେ ଯେଉଁଠି ଜୀବନର ଏକ ଅନ୍ୟ ପ୍ରବାହରେ ଅଛନ୍ତି, ସେଠି ସେମାନଙ୍କୁ ଯୋଗ ମାଧ୍ୟମରେ ଶାନ୍ତି, ଅନୁଶାସନ ଓ ଆଶା ଦିଆଯାଇଛି।ସହଯୋଗ ଫାଉଣ୍ଡେସନ ଓ ଜେଲ ପ୍ରଶାସନ ଙ୍କ ସଂଯୁକ୍ତ ପ୍ରୟାସର ଫଳ। ଏହି ବିଶେଷ ଅବସରରେ ବନ୍ଦୀମାନେ ଓ କର୍ମଚାରୀମାନେ ଏକାଥିରେ ଯୋଗ ଅଭ୍ୟାସ କଲେ ଓ ଆତ୍ମିକ ଶକ୍ତିର ସ୍ପର୍ଶ ପାଇଲେ।
ଯୋଗ ଅଧ୍ୟାପିକା ସୁଶୋଭିତା ଗୁରୁ ଏହି କାର୍ଯ୍ୟକ୍ରମ ସଂଚାଳନ କରିଥିଲେ। ସେ କହିଛନ୍ତି, ଯୋଗ କେବଳ ଶାରୀରିକ ଅଭ୍ୟାସ ନୁହେଁ, ଏହା ଆତ୍ମା ଓ ମନ ର ସମ୍ମିଳନ ଅଟୁଟ ବନ୍ଧନ। ଏହା ଦ୍ୱାରା ମନୁଷ୍ୟ ନିଜ ଭିତରେ ଥିବା ଶକ୍ତିକୁ ଜାଣିପାରେ ଓ ନିଜ ଅସ୍ତିତ୍ୱ ପ୍ରତି ଆଶା ବଢ଼େ।
ସେ ବନ୍ଦୀମାନେଙ୍କୁ ବ୍ୟାସ୍ଥ ମନ, ଚିନ୍ତା ଓ ମାନସିକ ତାଣାପୋଡ଼ାରୁ ମୁକ୍ତି ପାଇଁ ନିୟମିତ ଯୋଗ ଅଭ୍ୟାସ କରିବା ପାଇଁ ପ୍ରେରିତ କଲେ। ସେ କହିଛନ୍ତି ଯେ ଅନେକ ବନ୍ଦୀ ତାଙ୍କ ଅନ୍ତର ଜ୍ୟୋତିକୁ ଅନୁଭବ କରି ବିକାଶ ଓ ନୂତନ ଆରମ୍ଭ ପାଇଁ ପ୍ରସ୍ତୁତ ହେଉଛନ୍ତି।
ଜେଲ ସୁପରିଣ୍ଟେଣ୍ଡେଣ୍ଟ ଶ୍ରୀ ସର୍ବେଶ୍ୱର ସାହୁ ବନ୍ଦୀମାନେଙ୍କୁ ଉଦ୍ବୋଧନ କରି କହିଛନ୍ତି, ଯଦି ଏକ ବ୍ୟକ୍ତି ଦିନକୁ କେବଳ ୩0 ମିନିଟ୍ ଯୋଗ କରନ୍ତି, ତେବେ ସେ ନିଜ ମନ ଓ ଶରୀର ଉପରେ ଅଭିଯାନ ଆରମ୍ଭ କରିପାରିବେ। ଏହା କେବଳ ଅଂଗସୂଚନା ନୁହେଁ — ଏହା ଜୀବନ ଧାରାକୁ ଦିଗଦର୍ଶନ ଦିଏ।*
ଏହି ଯୋଗ ଅନୁଷ୍ଠାନକୁ ସଫଳ କରିବାରେ ଅନେକ ଜଣ ମୁଖ୍ୟ ଭୂମିକା ନିଭାଇଥିଲେ ଅସିଷ୍ଟାଣ୍ଟ ଜେଲର ବିଜୟ ବେହେରା,ହରିଶଙ୍କର ପୁରୋହିତ,ମଗନ ଭାଇ ପଟେଲ,ପ୍ରଭାତ ଶ୍ରୀବାସ୍ତବ,ରାମନାରାୟଣ ଦାଶ,ସୁଦୀପ୍ତ ତ୍ରିପାଠୀ,ତୋଫାନ ପାତ୍ର,ଡ଼ା. ପଞ୍ଚାନନ ପ୍ରଧାନ।
ଏହି ଅବସରରେ ସହଯୋଗ ଫାଉଣ୍ଡେସନର ସାଧାରଣ ସମ୍ପାଦିକା ଶ୍ରୀମତୀ ପିଙ୍କି ମୋଦି* କରିଛନ୍ତି ଯେ, ବର୍ଷା ଆରମ୍ଭ ସହିତ ବଲାଙ୍ଗିର ଓ ଜିଲ୍ଲା ଜେଲ ଅଞ୍ଚଳରେ ଏକ ବୃହତ ବୃକ୍ଷରୋପଣ କାର୍ଯ୍ୟକ୍ରମ ଆରମ୍ଭ କରାଯିବ। ପରିବେଶ ସୁରକ୍ଷା ପାଇଁ ଏହା ଏକ ଆବଶ୍ୟକ ପଦକ୍ଷେପ ହେବ।
ସେ କହିଛନ୍ତି ଯେ ସହଯୋଗ ଫୋୖଣ୍ଡସନ କେବଳ ଭୋଜନ ଓ ବସ୍ତ୍ର ଦେବାରେ ନୁହେଁ, ବରଂ ଆତ୍ମିକ ଓ ମାନସିକ ସୃଷ୍ଟି ଉପରେ ମଧ୍ୟ କାମ କରୁଛି। ଯେଉଁଠି ମନ ମଜବୁତ ହୁଏ, ଶରୀର ତାଳମେଳ ଧରେ, ସେଠି ସଂସ୍କାର ଓ ସମାଜ ମାନବିକ ହୁଏ।
ସହଯୋଗ ଫୋୖଣ୍ଡସନ ପ୍ରମାଣ କରିଛି ଯେ, ବାହ୍ୟ ସୀମା ଓ ଦେହ ର ମର୍ଯ୍ୟାଦା ବ୍ୟକ୍ତିକୁ ବନ୍ଧି ପାରେ, କିନ୍ତୁ ଯୋଗ ମାନବ ଆତ୍ମାକୁ ସ୍ୱାଧୀନତା ଦିଏ।
ହିନ୍ଦୁସ୍ଥାନ ସମାଚାର / ଗୋପବନ୍ଧୁ
21 Jun 2025
