ଇନ୍ଦୋର, 23 ଜୁନ୍ (ହି.ସ.)

- ଇନ୍ଦୋରରୁ

ଭୁବନେଶ୍ୱର ଯିବାକୁ ଥିବା ଇଣ୍ଡିଗୋ ଏୟାରଲାଇନ୍ସର ଫ୍ଲାଇଟ୍ 6ଇ6332 (ଏୟାରବସ୍ ଏ320 ନିଓ) ସୋମବାର ଦିନ ଦେବୀ

ଅହିଲ୍ୟାବାଇ ହୋଲକର ବିମାନବନ୍ଦରରେ ରନୱେ ମଧ୍ୟରୁ ହଠାତ୍ ଫେରିଆସିଛି । ଖବର ଅନୁସାରେ ବିମାନ

ଟେକଅଫ୍ ପାଇଁ ପ୍ରସ୍ତୁତ ଥିବାବେଳେ ଏଥିରେ ଯାନ୍ତ୍ରିକ ତ୍ରୁଟି ଦେଖାଦେଇଥିଲା। ବିମାନରେ ପ୍ରାୟ

୮୦ ଯାତ୍ରୀ ଉପସ୍ଥିତ ଥିଲେ। ପାଇଲଟ୍ ଏହି ଯାନ୍ତ୍ରିକ ଅସୁବିଧାକୁ ଅନୁଭବ କରିବା ପରେ,

ସେ ତୁରନ୍ତ ବିମାନକୁ ରନୱେରୁ ଫେରାଇ ଟର୍ମିନାଲକୁ ନେଇ

ଆସିଥିଲେ। ଏହାର ଫଳରେ ଯାତ୍ରୀମାନଙ୍କୁ ପ୍ରାୟ ଅଢେଇ ଘଣ୍ଟା ପର୍ଯ୍ୟନ୍ତ ବିମାନ ଭିତରେ ଅପେକ୍ଷା

କରିବାକୁ ପଡିଥିଲା।

ଇନ୍ଦୋରର ଦେବୀ ଅହିଲ୍ୟାବାଇ

ହୋଲକର ବିମାନବନ୍ଦରର ଅଧିକାରୀମାନେ କହିଛନ୍ତି ଯେ, ଇଣ୍ଡିଗୋର ଏହି ଫ୍ଲାଇଟ୍ ଭୁବନେଶ୍ୱରରୁ ସକାଳ 6:15 ଟାରେ ଉଡାଣ ଭରି,

ପ୍ରାୟ 8:15 ଟାରେ ଇନ୍ଦୋର ବିମାନବନ୍ଦରକୁ ପହଞ୍ଚିଥାଏ

। କିନ୍ତୁ ଏହି ଫ୍ଲାଇଟ୍ ପ୍ରାୟ ସକାଳ 7:39 ଟାରେ ଇନ୍ଦୋର ବିମାନବନ୍ଦରରେ ପହଞ୍ଚିଥିଲା। ଭୁବନେଶ୍ୱରରୁ

ଇନ୍ଦୋରକୁ ଆସିବା ପରେ, ଫ୍ଲାଇଟ୍ ସକାଳ

9ଟାରେ ପୁଣିଠାରୁ ଉଡାଣ ଭରିଥାଏ ଏବଂ ଭୁବନେଶ୍ୱର ପହଞ୍ଚିବା ପରେ ଏହି ବିମାନ ଅହମଦାବାଦ ଯାଇଥାଏ।

ବିମାନବନ୍ଦର ନିର୍ଦେଶକ

ବିପିନକାନ୍ତ ସେଠ୍ କହିଛନ୍ତି ଯେ, ସୋମବାର ସକାଳେ ଇନ୍ଦୋର ବିମାନବନ୍ଦରରୁ ଭୁବନେଶ୍ୱରକୁ ଉଡାଣ ଭରିବା ପୂର୍ବରୁ ଇଣ୍ଡିଗୋର

ଫ୍ଲାଇଟ୍ ସଂଖ୍ୟା ‘6ଇ6332’ ରେ ଏକ ଛୋଟ ଯାନ୍ତ୍ରିକ ତ୍ରୁଟି ଦେଖାଦେଇଥିଲା, ଫଳରେ ତୁରନ୍ତ ବିମାନକୁ ପଛକୁ ଫେରାଇ ନିଆଯାଇଥିଲା। ତ୍ୱରିତ କାର୍ଯ୍ୟାନୁଷ୍ଠାନ ଗ୍ରହଣ କରି

ସମସ୍ୟା ସମାଧାନ କରିବା ପରେ ବିମାନକୁ ଇନ୍ଦୋରରୁ ଭୁବନେଶ୍ୱରକୁ ପଠାଯାଇଛି । ସମସ୍ୟା ସମାଧାନ ବେଳେ

ବିମାନ ରନୱେରେ ଥିଲା ଏବଂ ସମସ୍ତ ଯାତ୍ରୀ ବିମାନରେ ବସିଥିଲେ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା