କେନ୍ଦୁଝର, ୨୯ ଅଗଷ୍ଟ (ହି.ସ.) - କେନ୍ଦୁଝର ଜିଲ୍ଲା ପାଟଣା ବ୍ଲକ ମୁରୁସୁଆଁ ପଂଚାୟତ ଡେଣୁଆଁ ଗଣପତି କମିଟି ପକ୍ଷରୁ ୨୮ତମ ଗଣେଶପୂଜା ମହୋତ୍ସବ ଅନୁଷ୍ଠିତ ହୋଇଯାଇଛି। ଦ୍ୱିତୀୟ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ କରା ଯାଇଥିଲା । ଅବସର ପ୍ରାପ୍ତ ଶିକ୍ଷକ ଡମ୍ବରୁଧର ମହାନ୍ତ ଙ୍କ ସଭାପତିତ୍ୱ ରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ରାଜ୍ୟସଭା ସାଂସଦ ମମତା ମହାନ୍ତ ଯୋଗଦେଇ କମିଟିର ସଦସ୍ୟ ଓ ଲୋକଙ୍କୁ ଉତ୍ସାହିତ କରିଥିଲେ। ଗ୍ରାମରେ ଏଭଳି ପୂଜା ଦ୍ୱାରା ଲୋକଙ୍କ ମନରେ ଭକ୍ତି ଭାବନା ଜାଗ୍ରତ ହେବା ସହ ଭାଇଚାରା ସୃଷ୍ଟି ହୋଇଥାଏ। ଏକାଠି ହୋଇ ଆଗକୁ ଗ୍ରାମର ଉନ୍ନତି ଓ ବିକାଶ ପାଇଁ କାର୍ଯ୍ୟ କରିବାକୁ ଶ୍ରୀମତୀ ମହାନ୍ତ କହିଥିଲେ। ମୁଖ୍ୟ ବକ୍ତା ଭାବରେ ସାମ୍ବାଦିକ ସନ୍ତୋଷ କୁମାର ପତି ଯୋଗଦେଇ କମିଟିର ସଦସ୍ୟ ଙ୍କ ଦୀର୍ଘଦିନର ପ୍ରୟାସ କୁ ଭୁୟସୀ ପ୍ରଶଂସା କରିଥିଲେ। ସମ୍ମାନିତ ଅତିଥ୍ ଭାବରେ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ପ୍ରତିନିଧୂ ଗଣେଶ ମହାନ୍ତ, ଶିକ୍ଷକ ଦୟାନିଧୂ ମହାନ୍ତ,ଆନ୍ତର୍ଜାତୀୟ ଫୁଟବଲ କୋଚ ବିରେନ୍ଦ୍ର ମହାନ୍ତ, ରାଜ୍ୟ କୁଡୁମି ସେନା ଉପସଭାପତି ମିତ୍ରଭାନୁ ମହାନ୍ତ ଅବସର ପ୍ରାପ୍ତ ଶିକ୍ଷକ ଡମ୍ବରୁଧର ମହାନୁ ମଂଚ ପରିଚାଳନା କରିବା ସହ ଧନ୍ୟବାଦ ଦେଇଥିଲେ । କାର୍ଯ୍ୟକ୍ରମରେ ଡେଣୁଆଁ, ଗଣପତି କମିଟିର ସଭାପତି ଭକ୍ତବନ୍ଧୁ ସାହୁ ସମ୍ପାଦକ ଦିବ୍ୟଲୋଚନ ସାହୁ, ଜଗତବନ୍ଧୁ ସାହୁ, ଧୀରେନ ମହାନ୍ତ, ଲିପୁ ନାଏକ ବିଶ୍ୱରଞ୍ଜନ ସାହୁଙ୍କ ସମେତ ଅନ୍ୟ ସଦସ୍ୟ ମାନେ ପରିଚାଳନାରେ ସହଯୋଗ କରିଥିଲେ।

ହିନ୍ଦୁସ୍ଥାନ ସମାଚାର / SANTOSH KUMAR MOHAPATRA