କେନ୍ଦୁଝର, ୨୯ ଅଗଷ୍ଟ(ହି.ସ.) – ପାଟଣା ବ୍ଲକ ମୁଖ୍ୟାଳୟ ଆଂଚଳିକ ମହାବିଦ୍ୟାଳୟରେ ଆଜି ଜାତୀୟ କ୍ରୀଡ଼ା ଦିବସ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ କ୍ରୀଡ଼ା ଶିକ୍ଷକ ତଥା ଏନସିସି ଅଧୂକାରୀ କ୍ୟାପଟେନ ଧର୍ମେନ୍ଦ୍ର କୁମାର ସାହୁ ସଂଯୋଜନା କରିଥିବା ବେଳେ ମୁଖ୍ୟ ଅତିଥି ଭାବେ ପାଟଣା ଥାନାଧୂକାରୀ ମାନସ କୁମାର ମହାକୁଳ ଯୋଗଦେଇ କ୍ରୀଡ଼ା ପାଇଁ ବିଶ୍ୱ ଦରବାରରେ ହକିରେ ଟେକ ଦେଖୁଥିବା ମେଜର ଧ୍ୟାନଚାନ୍ଦଙ୍କ ଜୟନ୍ତୀକୁ କ୍ରୀଡ଼ା ଦିବସ ଭାବେ ପାଳିତ କରାଯାଇଛି। ଏହି ଅବସରରେ ଅନୁଷ୍ଠିତ ଏହି କ୍ରୀଡାଦିବସ କ୍ରୀଡ଼ା ପ୍ରତି ଖେଳାଳିଙ୍କ ଏକାଗ୍ରତା ଓ ନିଷ୍ଠାର ବାର୍ତା ଦେଇଥାଏ ବୋଲି ମତ ରଖୁଥିଲେ। ସଂମ୍ମାନୀତ ଅତିଥି ଭାବେ ମହାବିଦ୍ୟାଳୟ ର ରଜତ କୁମାର ଦାଶ, ଓ ବ୍ରଜେନ୍ଦ୍ର କୁମାର ପତି ଯୋଗ ଦେଇଥିଲେ। ଗୋବିନ୍ଦ ଚନ୍ଦ୍ର ପାତ୍ର ଓ ଭୁତ ମହାନ୍ତି ପ୍ରମୁଖ ଙ୍କ ପ୍ରତ୍ୟକ୍ଷ ତତ୍ୱାବଧାନରେ ଏନସିସି ଛାତ୍ରଛାତ୍ରୀଙ୍କ ଦ୍ୱାରା ପାଟଣା ବଜାର ପରିକ୍ରମା କରି କ୍ରୀଡ଼ା ପ୍ରତି ଆଗ୍ରହ ଓ ସଚେତନତା ହେବା ପାଇଁ ବାର୍ତା ନେଇ ଏକ ଶୋଭାଯାତ୍ରା କରିଥିଲେ।

ହିନ୍ଦୁସ୍ଥାନ ସମାଚାର/ସନ୍ତୋଷ/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / SANTOSH KUMAR MOHAPATRA