ନାରୀ ନିର୍ଯ୍ୟାତନା ବିରୋଧୀ ନାଗରିକ କନଭେନସନ୍
ଜୟପୁର, ୩୧ ଅଗଷ୍ଟ (ହି.ସ.)- ଜୟପୁର ମହାରାଣୀ ପେଟା ସ୍ଥିତ ସରୋଜିନୀ ଭବନ ଠାରେ ନାରୀ ନିର୍ଯ୍ୟାତନା ବିରୋଧୀ ଏକ ନାଗରିକ କନଭେନସନ୍ ଅନୁଷ୍ଠିତ ହୋଇଯାଇଛି l ଏହି କନଭେନସନରେ ଜୟପୁର ଅଞ୍ଚଳର ଅନେକ ବୁଦ୍ଧିଜୀବୀ, ଛାତ୍ର ଛାତ୍ରୀ, ଅଭିଭାବକ, ଶିକ୍ଷକ ବିଶେଷ ଭାବରେ ମହିଳାମାନେ ଯୋଗ ଦେଇଥିଲେ l ମହିଳା ମାନ
ନାରୀ ନିର୍ଯ୍ୟାତନା ବିରୋଧୀ ନାଗରିକ କନଭେନସନ୍


ଜୟପୁର, ୩୧ ଅଗଷ୍ଟ (ହି.ସ.)- ଜୟପୁର ମହାରାଣୀ ପେଟା ସ୍ଥିତ ସରୋଜିନୀ ଭବନ ଠାରେ ନାରୀ ନିର୍ଯ୍ୟାତନା ବିରୋଧୀ ଏକ ନାଗରିକ କନଭେନସନ୍ ଅନୁଷ୍ଠିତ ହୋଇଯାଇଛି l ଏହି କନଭେନସନରେ ଜୟପୁର ଅଞ୍ଚଳର ଅନେକ ବୁଦ୍ଧିଜୀବୀ, ଛାତ୍ର ଛାତ୍ରୀ, ଅଭିଭାବକ, ଶିକ୍ଷକ ବିଶେଷ ଭାବରେ ମହିଳାମାନେ ଯୋଗ ଦେଇଥିଲେ l ମହିଳା ମାନଙ୍କ ଉପରେ ବଢ଼ିଚାଲିଥିବା ଅତ୍ୟାଚାର, ଗଣ ଦୁଷ୍କର୍ମ ଓ ହତ୍ୟା ବିରୋଧରେ ନାଗରିକ ମାନଙ୍କୁ ସଚେତନ କରିବା ଉଦ୍ଦେଶ୍ୟରେ ଏହି କନଭେନସନ ଆୟୋଜନ କରାଯାଇଥିଲା l ମୁଖ୍ୟବକ୍ତା ଭାବେ ଅବସରପ୍ରାପ୍ତ ଶିକ୍ଷୟିତ୍ରୀ ଶ୍ରୀମତି ଇନ୍ଦୁମତି ଦାସ, ମୁଖ୍ୟ ଅତିଥି ଆଡଭୋକେଟ ପ୍ରଶାନ୍ତ ତ୍ରିପାଠୀ, ଅନ୍ୟତମ ବକ୍ତାଭାବେ ପ୍ରଶାନ୍ତ ଦାସ ଓ ଶ୍ରୀ ଜଗନ୍ନାଥ ହରିଜନ ଯୋଗ ଦେଇଥିଲେ l ଏହି ସଭାକୁ ଅବସର ପ୍ରାପ୍ତ ଶିକ୍ଷକ ଶ୍ରୀଯୁକ୍ତ ପ୍ରଦ୍ୟୁମ୍ନ ସାନ୍ତ୍ରା ପରିଚାଳନା କରିଥିଲେ l ଏହି ସଭାରେ ସ୍ଥାନୀୟ ସରକାରୀ ନର୍ସିଂ ସ୍କୁଲର ଛାତ୍ରୀ ମାନଙ୍କ ଦ୍ଵାରା ଏକ ସୁନ୍ଦର ନାଟକ ପରିବେଷଣ କରାଯାଇଥିଲା l ଶେଷରେ ନାରୀ ନିର୍ଯ୍ୟାତନା ବିରୋଧରେ ସଂଗ୍ରାମ କରିବା ପାଇଁ ଏକ ନାଗରିକ କମିଟି ଗଠନ କରାଯାଇ ସଭା ସାଙ୍ଗ ହୋଇଥିଲା l

ହିନ୍ଦୁସ୍ଥାନ ସମାଚାର / ପିକେପି


 rajesh pande