ଭୁବନେଶ୍ୱର, 07 ଜାନୁଆରି (ହି.ସ.) - ଆଜି ବାଣପୁରରେ ରାଜ୍ୟବ୍ୟାପୀ ୧୧୮ ଟି ଗୋଦାବରୀଶ
ମିଶ୍ର ଆଦର୍ଶ ପ୍ରାଥମିକ ବିଦ୍ୟାଳୟର ଭିତ୍ତିପ୍ରସ୍ତର ସ୍ଥାପନ କରାଯାଇଛି । ଏନେଇ
ସୋସିଆଲ ମିଡିଆ ଏକ୍ସରେ ମୁଖ୍ୟମନ୍ତ୍ରୀ କହିଛନ୍ତି ଯେ, ଆମ ସରକାର ପ୍ରାଥମିକ ଶିକ୍ଷା
ବ୍ୟବସ୍ଥାକୁ ଉନ୍ନତ କରିବା ସହିତ ପ୍ରତିଟି ଶିଶୁଙ୍କୁ ଏକ ବିଶ୍ୱସ୍ତରୀୟ ଶୈକ୍ଷିକ ପରିବେଶ
ଯୋଗାଇଦେବା ପାଇଁ ସଂକଳ୍ପବଦ୍ଧ । ଏହି ପରିକଳ୍ପନାକୁ ସାକାର କରିବା ପାଇଁ ଆଜି ବାଣପୁରଠାରେ ଏକ
ସ୍ୱତନ୍ତ୍ର କାର୍ଯ୍ୟକ୍ରମରେ ରାଜ୍ୟବ୍ୟାପୀ ୧୧୮ ଟି ଗୋଦାବରୀଶ ମିଶ୍ର ଆଦର୍ଶ ପ୍ରାଥମିକ
ବିଦ୍ୟାଳୟର ଭିତ୍ତିପ୍ରସ୍ତର ସ୍ଥାପନ କରାଯାଉଛି ।
ମୁଖ୍ୟମନ୍ତ୍ରୀ କହିଛନ୍ତି ଯେ, ଆଗାମୀ ପିଢ଼ିର ପିଲାମାନେ ଯେପରି
ଗୁଣାତ୍ମକ ମାନର ଶିକ୍ଷା ପାଇ ଉଜ୍ଜ୍ୱଳ ଭବିଷ୍ୟତ ଗଢ଼ିପାରିବେ ଏବଂ ସମୃଦ୍ଧ
ଓଡ଼ିଶାର ସାରଥୀ ହେବେ,
ତାହା ହିଁ ଆମ
ସରକାରଙ୍କ ମୂଳ ଲକ୍ଷ୍ୟ ଓ ଦୂରଦୃଷ୍ଟି ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
