ଜମ୍ମୁ, 08 ଜାନୁଆରି (ହି.ସ.)- ଗୁରୁବାର ସକାଳେ ସୁରକ୍ଷା ବାହିନୀ ଜମ୍ମୁ–କାଶ୍ମୀରର କଠୁଆ ଜିଲ୍ଲାର

ଏକ ଜଙ୍ଗଲ ଅଞ୍ଚଳରେ ଲୁଚିଥିବା ଆତଙ୍କବାଦୀମାନଙ୍କୁ ଖୋଜିବା ପାଇଁ ପୁଣିଥରେ ତଲାଶି ଅଭିଯାନ

ଆରମ୍ଭ କରିଛନ୍ତି। ଏହି ଅଭିଯାନ ସମୟରେ ଜଣେ ସୁରକ୍ଷାକର୍ମୀ ସାମାନ୍ୟ ଆହତ ହୋଇଛନ୍ତି। ଘନ

ଜଙ୍ଗଲରେ ଲୁଚିଥିବା ଆତଙ୍କବାଦୀମାନଙ୍କୁ ଧରିବା ପାଇଁ ଆକାଶମାର୍ଗର ନିରୀକ୍ଷଣ ସହିତ ଅତିରିକ୍ତ

ବାହିନୀକୁ ମଧ୍ୟ ଡକାଯାଇଛି।

ଜମ୍ମୁ–କାଶ୍ମୀର ପୋଲିସର ବିଶେଷ ଅଭିଯାନ ଗୋଷ୍ଠୀ (ଏସ୍‌ଓଜି) ଏବଂ ଅନ୍ୟାନ୍ୟ

ସୁରକ୍ଷା ବାହିନୀ ବୁଧବାର ସନ୍ଧ୍ୟାରେ ବିଲୱାର ଅଞ୍ଚଳର କହୋଗ ଗାଁରେ ଯୁକ୍ତ ଅଭିଯାନ ଆରମ୍ଭ

କରିଥିଲେ, ଯାହା ପରେ ମୁକାବିଲା ଆରମ୍ଭ ହୋଇଥିଲା। ସାରା ରାତି ଘେରାଉ ପରେ ଆଜି

ସକାଳେ ଧନୁ ପରୋଲ–କମାଧ ନାଳା ଅଞ୍ଚଳରେ ପୁଣି ତଲାଶି ଅଭିଯାନ ଆରମ୍ଭ କରାଯାଇଛି।

ଜମ୍ମୁ ଜୋନର ଆଇଜିପି ଭୀମ ସେନ ତୁତି କହିଛନ୍ତି ଯେ ଘନ ଅନ୍ଧକାର,

ଘନ

ଜଙ୍ଗଲ ଓ ଦୁର୍ଗମ ଭୂମି ସତ୍ତ୍ୱେ ମଧ୍ୟ ଏସ୍‌ଓଜି ଆତଙ୍କବାଦୀମାନଙ୍କ ସହ ଲଗାତାର ମୁକାବିଲା

କରୁଛି। ସିଆରପିଏଫ୍‌ର ଦଳମାନେ ମଧ୍ୟ ଏହି ଯୁକ୍ତ ଅଭିଯାନରେ ସାମିଲ ହୋଇଛନ୍ତି। ଉଭୟ ପକ୍ଷ

ମଧ୍ୟରେ ଗୁଳିବିନିମୟ ଏକ ଘଣ୍ଟାରୁ ଅଧିକ ସମୟ ଧରି ଚାଲିଥିଲା,

ଯାହା

ପରେ ଗୁଳିବର୍ଷା ବନ୍ଦ ହୋଇଥିଲା। ଗୁଳିବିନିମୟରେ କୌଣସି ଆତଙ୍କବାଦୀ ଆହତ ହୋଇଛନ୍ତି କି ନାହିଁ,

ସେଥିପାଇଁ

ତତ୍କାଳିକ ଭାବେ ସୂଚନା ମିଳିପାରିନାହିଁ। ଅଞ୍ଚଳରେ ଅନୁପ୍ରବେଶ କରିଥିବା ତିନିଟି ଆତଙ୍କବାଦୀ

ଦଳର କାର୍ଯ୍ୟକଳାପ ସମ୍ପର୍କରେ ମଧ୍ୟ ସୂଚନା ମିଳିଛି। ଗୁଳିବିନିମୟ ସମୟରେ ଜଣେ ସୁରକ୍ଷାକର୍ମୀ

ଗୁଳି ବାଜି ସାମାନ୍ୟ ଆହତ ହୋଇଥିଲେ ଏବଂ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା