ଭୁବନେଶ୍ୱର, 01 ନଭେମ୍ବର (ହି.ସ.)- ରାଜ୍ୟ ସରକାରଙ୍କ
ଗୃହ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ହେମନ୍ତ ଶର୍ମା ଓ ଜେଲ୍ ଡିଜି ସୁଶାନ୍ତ ନାଥଙ୍କୁ
ହାଜିରା ପାଇଁ ନୋଟିସ ଜାରି ହୋଇଛି । ଆସନ୍ତା ନଭେମ୍ବର ୩ ତାରିଖରେ ପାର୍ଲିଆମେଣ୍ଟ କମିଟି
ଆଗରେ ହାଜର ହୋଇ ରାଜ୍ୟର ଜେଲ୍ ରେ କଏଦୀ ମାନଙ୍କ ସୁରକ୍ଷା ନେଇ ତଥ୍ୟ ପ୍ରଦାନ କରିବା ପାଇଁ
ହୋଇଛି ଚିଠି ।
ସାଂସଦ ସୁଜିତ୍ କୁମାରଙ୍କ
ଅଭିଯୋଗ ଆଧାରରେ ପାର୍ଲିଆମେଣ୍ଟ କମିଟି ପକ୍ଷରୁ ଗୃହ ସଚିବ ଓ ଜେଲ ଡିଜି ସୁଶାନ୍ତ ନାଥଙ୍କୁ
ହୋଇଛି ନୋଟିସ । ଚୌଦ୍ଵାର ଜେଲରୁ ଦୁଇ ହାର୍ଡକୋର୍ କଏଦୀ ଫେରାର ଘଟଣାକୁ ନେଇ ପ୍ରଶ୍ନ ଉଠାଇଥିଲେ
ସାଂସଦ ସୁଜିତ୍ କୁମାର । ଏପରିକି କଏଦୀ ଫେରାର ପଛରେ ଜେଲ୍ ବିଭାଗର ହାତ ଥିବା ଦର୍ଶାଇବା ସହ ଏ
ନେଇ ତଦନ୍ତ କରିବା ପାଇଁ ରାଜ୍ୟ ସରକାରଙ୍କ ଗୃହ ବିଭାଗ ଓ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଥିଲେ
। ଏହା ବ୍ୟତୀତ ଜେଲ୍ ବିଭାଗ ମୁଖ୍ୟ ତଥା ଜେଲ୍ ଡିଜି ସୁଶାନ୍ତ ନାଥଙ୍କ ବିରୋଧରେ ଚୌଦ୍ଵାର
ଥାନାରେ ଏକ ଏତଲା ମଧ୍ୟ ଦେଇଥିଲେ ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
