ମାଲକାନଗିରି, ୨୮ ଫେବୃଆରୀ (ହି.ସ.)- ମାଲକାନଗିରି ବିଧାୟକ ନରସିଂହ ମାଡ଼କାମି ଓ ଭାରତୀୟ ଜନତା ପାର୍ଟିର ପୂର୍ବତନ ଜିଲ୍ଲା ସଭାପତି ନିମାଇଁ ଚନ୍ଦ୍ର ପାଲ, ବିଧାୟକ ପ୍ରତିନିଧି ନିହାର ରାୟ, ମ୍ୟୁନିସିପାଲଟି ସାଂସଦ ଓ ବିଧାୟକ ପ୍ରତିନିଧି ବିଜୟ ମହାରଣା, ରାୱାଲ ତାୱରି ଓ ଅନ୍ୟାନ୍ୟ କାର୍ଯ୍ୟକର୍ତ୍ତାଙ୍କ ଉପସ୍ଥିତିରେ ଏବଂ ବିଭାଗୀୟ ଅଧିକାରୀଙ୍କ ଉପସ୍ଥିତିରେ ଆଜି ଜିଲ୍ଲାର ବିଭିନ୍ନ ବିକାଶ ଓ ପର୍ଯ୍ୟଟନ ସମ୍ଭାବନା ଯୁକ୍ତ ସ୍ଥାନମାନଙ୍କର ଏକ ବ୍ୟାପକ କ୍ଷେତ୍ର ପରିଦର୍ଶନ କରାଯାଇଛି। ଏହି ପରିଦର୍ଶନରେ ବିଧାୟକ ଶ୍ରୀ ମାଡ଼କାମୀ ବିଭିନ୍ନ ଚାଲିଥିବା ପ୍ରକଳ୍ପର ଅଗ୍ରଗତି ସମୀକ୍ଷା କରିବା ସହିତ ନୂଆ ବିକାଶ ଯୋଜନା ପାଇଁ ଦିଶାନିର୍ଦ୍ଦେଶ ଦେଇଛନ୍ତି। ପରିଦର୍ଶନ ସମୟରେ ବିଧାୟକ ନୂଆ ନିର୍ମାଣାଧୀନ ଭୈରବ ମନ୍ଦିର, ମାଲକାନଗିରି ବସ୍ ଷ୍ଟାଣ୍ଡ, ଦୈନିକ ବଜାର, ପ୍ରଧାନିଗୁଡ଼ା ଖେଳପଡ଼ିଆ, ଗୋଶାଳା ପାଇଁ ସ୍ଥାନ, ସରଗିଗୁଡ଼ା ଜଳପ୍ରପାତ, ହରଗୌରୀ ମନ୍ଦିର ଯାଇ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି।
ଏହି ପରିଦର୍ଶନ ମାଧ୍ୟମରେ ବିଧାୟକ ଶ୍ରୀ ମାଡ଼କାମୀ ମାଲକାନଗିରିର ପର୍ଯ୍ୟଟନ, ଧାର୍ମିକ ସ୍ଥଳ, ସ୍ଥାନୀୟ ଅର୍ଥନୀତିକୁ ମଜବୁତ କରିବା ପାଇଁ ପ୍ରତିବଦ୍ଧତା ପ୍ରକାଶ କରିଛନ୍ତି। ସମସ୍ତ ବିଭାଗକୁ ଶୀଘ୍ର କାର୍ଯ୍ୟ ଆରମ୍ଭ କରିବାକୁ ନିର୍ଦ୍ଦେଶ ଦିଆଯାଇଛି। ଜନସାଧାରଣଙ୍କ ସହଯୋଗରେ ମାଲକାନଗିରିକୁ ଆହୁରି ଉନ୍ନତ ଓ ଆକର୍ଷଣୀୟ କରିବା ଲକ୍ଷ୍ୟରେ କାର୍ଯ୍ୟ ଜାରି ରହିବ ବୋଲି ସେ କହିଛନ୍ତି।
ହିନ୍ଦୁସ୍ଥାନ ସମାଚାର / ଶିବବ୍ରତ
