ନୋଏଡା, 20 ମାର୍ଚ୍ଚ (ହି.ସ.)- ରକ୍ଷାମନ୍ତ୍ରୀ ଏବଂ

ଉତ୍ତର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ରାଜନାଥ ସିଂହଙ୍କ ଦୂରଦର୍ଶିତା ଓ ପରିକଳ୍ପନା ଏବେ

ସାକାର ହୋଇ ଜେୱର ଏୟାରପୋର୍ଟ ରୂପେ ସାମ୍ନାକୁ ଆସିଛି। ବର୍ଷ 2001ରେ ଉତ୍ତର ପ୍ରଦେଶର

ତତ୍କାଳୀନ ମୁଖ୍ୟମନ୍ତ୍ରୀ ରାଜନାଥ ସିଂହ ଜେୱରରେ ଇଣ୍ଟରନ୍ୟାସନାଲ ଏୟାରପୋର୍ଟ ନିର୍ମାଣ ପାଇଁ

ପ୍ରସ୍ତାବ ତତ୍କାଳୀନ କେନ୍ଦ୍ର ସରକାରକୁ ପଠାଇଥିଲେ। ଏବେ ଏହି ଅତ୍ୟାଧୁନିକ ଗ୍ରିନଫିଲ୍ଡ

ଏୟାରପୋର୍ଟକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ 28 ମାର୍ଚ୍ଚରେ ଉଦ୍ଘାଟନ କରିବେ।

ବର୍ଷ 2001ରେ ତତ୍କାଳୀନ

ମୁଖ୍ୟମନ୍ତ୍ରୀ ରାଜନାଥ ସିଂହ ଜେୱର ଅଞ୍ଚଳରେ ଏକ ସଭାରେ ଯୋଗ ଦେବାକୁ ଆସିଥିଲେ। ସେତେବେଳେ

ଜେୱରରେ ଏୟାରପୋର୍ଟ ନିର୍ମାଣ ନେଇ ଆଲୋଚନା ଚାଲିଥିଲା। ପରେ ସେ ମୁଖ୍ୟମନ୍ତ୍ରୀ ଥିବାବେଳେ

ଜେୱରରେ ଇଣ୍ଟରନ୍ୟାସନାଲ ଏୟାରପୋର୍ଟ ପ୍ରସ୍ତାବ କେନ୍ଦ୍ର ସରକାରକୁ ପଠାଇଥିଲେ। ସେ ସମୟରେ

କେନ୍ଦ୍ରରେ ଭାଜପା ସରକାର ଥିଲା ଏବଂ ଅଟଳ ବିହାରୀ ବାଜପେୟୀ ପ୍ରଧାନମନ୍ତ୍ରୀ ଥିଲେ। 2003ରେ

କେନ୍ଦ୍ର ସରକାର ଏୟାରପୋର୍ଟ ସ୍ଥାପନା ପାଇଁ ଟେକ୍ନିକାଲ ବ୍ୟବହାର୍ଯ୍ୟତା ରିପୋର୍ଟକୁ ଅନୁମୋଦନ

କରିଥିଲା।

ଯମୁନା ନଦୀ କୂଳରେ ଅବସ୍ଥିତ

ଏହି ଅଞ୍ଚଳ ପୂର୍ବରୁ ବିକାଶରୁ ଦୂର ଏବଂ ଅଭାବଗ୍ରସ୍ତ ଥିଲା। ପରେ ସରକାର ପରିବର୍ତ୍ତନ ହେଲା

ଏବଂ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ମାୟାବତୀ ହେଲେ। ସେ ମଧ୍ୟ ଜେୱର ଏୟାରପୋର୍ଟ ପ୍ରକଳ୍ପକୁ

ଆଗକୁ ବଢ଼ାଇଥିଲେ,

କିନ୍ତୁ ଧୀରେଧୀରେ ଏହା ଫାଇଲରେ ଅଟକିଗଲା। ପରେ ପ୍ରାୟ 16 ବର୍ଷ ଧରି

ଏୟାରପୋର୍ଟ ପ୍ରକଳ୍ପ ଅଗ୍ରଗତି ହୋଇନଥିଲା। ମଧ୍ୟରେ କେବେ ରାଜସ୍ଥାନର ଭିୱାନୀ, କେବେ ହରିୟାଣା ଓ କେବେ ଉତ୍ତର ପ୍ରଦେଶର ଫିରୋଜାବାଦରେ ଇଣ୍ଟରନେଶନାଲ

ଏୟାରପୋର୍ଟ ନିର୍ମାଣ ପ୍ରୟାସ ହୋଇଥିଲା। ତତ୍କାଳୀନ ରାଜ୍ୟ ସରକାରମାନେ ଏହାକୁ ଜେୱରରୁ ଅନ୍ୟତ୍ର

ସ୍ଥାନାନ୍ତର କରିବାକୁ ଚେଷ୍ଟା କରିଥିଲେ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା