ପାଟଣା, 05 ମାର୍ଚ୍ଚ (ହି.ସ.)- ନୀତୀଶ କୁମାରବିହାରର ରାଜନୈତିକ ଅଟକଳନକୁ ସମାପ୍ତ
କରିଛନ୍ତି । ସେ ଏକ୍ସରେ ପୋଷ୍ଟ କରି କହିଛନ୍ତି ଯେ ଗତ ଦୁଇ ଦଶକରୁ ଅଧିକ ସମୟ ଧରି ଆପଣମାନେ
ମୋ ଉପରେ ନିରନ୍ତର ଭରସା ଓ ସମର୍ଥନ ରଖିଆସୁଛନ୍ତି, ଏବଂ ସେହି ଭରସାର ଶକ୍ତିରେ ଆମେ
ବିହାର ଓ ଆପଣମାନଙ୍କ ସମସ୍ତଙ୍କ ସେବା ସମ୍ପୂର୍ଣ୍ଣ ନିଷ୍ଠା ସହ କରିପାରିଛୁ। ଆପଣମାନଙ୍କ ଭରସା
ଓ ସମର୍ଥନର ଶକ୍ତିରେ ବିହାର ଆଜି ଉନ୍ନତି ଓ ସମ୍ମାନର ଏକ ନୂଆ ଦିଗ ଦେଖାଉଛି। ଏଥିପାଇଁ ଆଗରୁ
ମଧ୍ୟ ମୁଁ ଆପଣମାନଙ୍କ ପ୍ରତି ଅନେକ ଥର ଆଭାର ବ୍ୟକ୍ତ କରିଛି।
ମୁଖ୍ୟମନ୍ତ୍ରୀ କହିଛନ୍ତି ଯେ ସାଂସଦୀୟ ଜୀବନ ଆରମ୍ଭ କରିବା
ସମୟରୁ ମୋ ମନରେ ଏକ ଇଚ୍ଛା ଥିଲା—ମୁଁ ବିହାର ବିଧାନମଣ୍ଡଳର ଉଭୟ ସଦନ ସହିତ ସଂସଦର ମଧ୍ୟ ଉଭୟ
ସଦନର ସଦସ୍ୟ ହେବି। ସେହି କ୍ରମରେ ଏଥର ହେଉଥିବା ନିର୍ବାଚନରେ ମୁଁ ରାଜ୍ୟସଭାର ସଦସ୍ୟ ହେବାକୁ
ଚାହୁଁଛି। ମୁଁ ସମ୍ପୂର୍ଣ୍ଣ ସତ୍ୟନିଷ୍ଠା ସହ ଆପଣମାନଙ୍କୁ ନିଶ୍ଚିତ କରୁଛି ଯେ ଆପଣମାନଙ୍କ
ସହିତ ମୋର ଏହି ସମ୍ପର୍କ ଆଗାମୀଦିନରେ ମଧ୍ୟ ଜାରି ରହିବ ଏବଂ ଆପଣମାନଙ୍କ ସହ ମିଶି ଏକ ଉନ୍ନତ
ବିହାର ଗଢ଼ିବାର ସଂକଳ୍ପ ପୂର୍ବବତ ଅତୁଟ ରହିବ। ଯେଉଁ ନୂଆ ସରକାର ଗଠିତ ହେବ, ତାକୁ ମୋର ସମ୍ପୂର୍ଣ୍ଣ ସହଯୋଗ ଓ
ମାର୍ଗଦର୍ଶନ ମିଳିବ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
05 Mar 2026