ରୁଦ୍ରପ୍ରୟାଗ, ଏପ୍ରିଲ ୧୯ (ହି.ସ.)। ବିଶ୍ୱ ପ୍ରସିଦ୍ଧ କେଦାରନାଥ ଧାମର ବାର୍ଷିକ ଯାତ୍ରାର ଅଂଶ ଭାବରେ, ଭଗବାନ କେଦାରନାଥଙ୍କ ପଞ୍ଚମୁଖୀ ଉତ୍ସବ ପାଲକି ରବିବାର ଦିନ ଏହାର ଶୀତକାଳୀନ ଆସନ - ଓଁକାରେଶ୍ୱର ମନ୍ଦିରରୁ ରିତିନୀତି ଅନୁଯାୟୀ ପୁଜାର୍ଚ୍ଚନା ସରିବା ପରେ ଧାମ ପାଇଁ ପ୍ରସ୍ଥାନ କରିଛିା।ବୈଦିକ ମନ୍ତ୍ର ଜପ ଏବଂ ପାରମ୍ପରିକ ରୀତିନୀତି ପାଳନ ମଧ୍ୟରେ, ପାଲକି ଯାତ୍ରା ଆରମ୍ଭ କରିବା ସମୟରେ ସମଗ୍ର ଅଞ୍ଚଳ ହର ହର ମହାଦେବ ର ଧ୍ୱନିରେ ପ୍ରକମ୍ପିତ ହୋଇଥିଲା। ମନ୍ଦିର ପରିସର ପ୍ରାୟ ଆଠ କ୍ୱିଣ୍ଟାଲ ଫୁଲରେ ଚମତ୍କାର ଭାବରେ ସଜ୍ଜିତ ହୋଇଥିଲା, ଯାହା ଶୁଦ୍ଧ ଭକ୍ତିରେ ପରିପୂର୍ଣ୍ଣ ଏକ ପରିବେଶ ସୃଷ୍ଟି କରିଥିଲା।ପୁର୍ବ ପରମ୍ପରା ଅନୁଯାୟୀ, ଶନିବାର ରାତିରେ ମଧ୍ୟ ଭଗବାନ ଭୈରବନାଥଜୀଙ୍କ ପୂଜା ବିଧି ସମ୍ପନ୍ନ କରାଯାଇଛି।ପାଲକି ଶୋଭାଯାତ୍ରାରେ ବହୁ ସଂଖ୍ୟକ ଭକ୍ତ ଅଂଶଗ୍ରହଣ କରିଥିଲେ, ଅନେକ ପଦଯାତ୍ରାରେ ଯୋଗ ଦେଇଥିଲେ।ନିର୍ଦ୍ଧାରିତ ଯାତ୍ରା ଅନୁସାରେ, ପାଲକି ଉଖିମଠରୁ ବାହାରି ଗୁପ୍ତକାଶୀକୁ ପହଁଞ୍ଚିବେ, ଯେଉଁଠାରେ ଶ୍ରୀ ବିଶ୍ୱନାଥ ମନ୍ଦିରରେ ଭକ୍ତମାନଙ୍କୁ ଦର୍ଶନ ଦେବା ପାଇଁ ଅଳ୍ପ ସମୟ ପାଇଁ ଅଟକିବେ।ଏହା ପରେ, ପାଲକି ଫାଟା ଅଭିମୁଖେ ଯାତ୍ରା କରିବ, ଯେଉଁଠାରେ ଏହା ରାତ୍ରିକାଳୀନ ରହିବାର କାର୍ଯ୍ୟକ୍ରମ ରହିଛି। ଏପ୍ରିଲ 20 ତାରିଖରେ, ପାଲକି ଫାଟାରୁ ବାହାରି ଗୌରୀକୁଣ୍ଡର ଗୌରୀମାଈ ମନ୍ଦିରରେ ପହଞ୍ଚିବ, ଯେଉଁଠାରେ ଏହା ରାତ୍ରିକାଳୀନ ରହିବ।ପରଦିନ, ଏପ୍ରିଲ 21 ତାରିଖରେ, ଏହା କେଦାରନାଥ ଧାମରେ ପହଞ୍ଚିବ ଏବଂ ମନ୍ଦିରର ଭଣ୍ଡାର ମଧ୍ୟରେ ବିଧିବଦ୍ଧ ଭାବରେ ରଖାଯିବ। ଶେଷରେ, ଏପ୍ରିଲ 22 ତାରିଖ ସକାଳ 8:00 ଟାର ଶୁଭ ମୁହୂର୍ତ୍ତରେ,କେଦାରନାଥ ଧାମର ଦ୍ୱାର ଭକ୍ତମାନଙ୍କ ପାଇଁ ଖୋଲାଯିବ, ଯାହା ଦ୍ୱାରା ଯାତ୍ରା ଆନୁଷ୍ଠାନିକ ଆରମ୍ଭ ହେବ।

---------------

ହିନ୍ଦୁସ୍ଥାନ ସମାଚାର / ରଶ୍ମିତା