ଭୁବନେଶ୍ୱର, 22 ଏପ୍ରିଲ୍ (ହି.ସ.)- ରାଜ୍ୟ ସରକାର ରାଜ୍ୟରେ ଚାଲୁଥିବା ଜନଗଣନା
ପ୍ରକ୍ରିୟାରେ ନିଯୁକ୍ତ କର୍ମଚାରୀମାନଙ୍କ ସୁରକ୍ଷା ଏବଂ କଳ୍ୟାଣ ସୁନିଶ୍ଚିତ କରିବା ପାଇଁ
ନିର୍ଦେଶ ଜାରି କରିଛନ୍ତି। ଅତିରିକ୍ତ ମୁଖ୍ୟ ସଚିବ, ରାଜସ୍ୱ ଓ ବିପର୍ଯ୍ୟୟ ବିଭାଗର ଅରବିନ୍ଦ ପାଢ଼ୀ ଏହା ସମ୍ପର୍କରେ ସମସ୍ତ ଜିଲ୍ଲାପାଳ ଓ
ମ୍ୟୁନିସିପାଲ୍ କମିଶନରମାନଙ୍କୁ ପତ୍ର ଲେଖିଛନ୍ତି।
ଏହି ପତ୍ରରେ କୁହାଯାଇଛି ଯେ, ଜନଗଣନା 2027ର ପ୍ରଥମ ପର୍ଯ୍ୟାୟ—ହାଉସ୍ ଲିଷ୍ଟିଂ ଓ ହାଉସିଂ ଜନଗଣନା—୧୬ ଏପ୍ରିଲରୁ ସମଗ୍ର
ରାଜ୍ୟରେ ଆରମ୍ଭ ହୋଇଛି, ଯାହା ୧୫ ମେ ୨୦୨୬ ପର୍ଯ୍ୟନ୍ତ
ଚାଲିବ। ଏହି ସମୟରେ ଜନଗଣନା କର୍ମଚାରୀମାନେ ଘରକୁ ଘର ଯାଇ ଆବାସୀୟ ସ୍ଥିତି, ଘରୋଇ ସୁବିଧା ଓ ସମ୍ପତ୍ତି ସମ୍ପର୍କିତ ତଥ୍ୟ ସଂଗ୍ରହ କରୁଛନ୍ତି।
ରାଜ୍ୟର ବିଭିନ୍ନ ଜିଲ୍ଲାରୁ ଆସିଥିବା ଚିନ୍ତାଜନକ ଘଟଣା ପରେ
ଏହି ପତ୍ର ଲେଖାଯାଇଛି। ସୋନପୁର ଜିଲ୍ଲାରେ ଜଣେ ଗଣନାକର୍ମୀ ଡ୍ୟୁଟିରୁ ଫେରିବା ପରେ ହୃଦ୍ରୋଗରେ
ମୃତ୍ୟୁ ଘଟିଥିବା ସୂଚନା ମିଳିଛି। ମୟୁରଭଞ୍ଜ ଜିଲ୍ଲାରେ ଜଣେ ମହିଳା ଗଣନାକର୍ମୀ ନିଖୋଜ
ହୋଇଥିବା ଖବର ମିଳିଛି। ଏହା ସହିତ ବାଲେଶ୍ୱର ଜିଲ୍ଲାରେ ହିଟ୍ଷ୍ଟ୍ରୋକ୍ ଓ ସାଧାରଣ ଦୁର୍ଘଟଣାର
କିଛି ଘଟଣା ସମ୍ମୁଖୀନ ହୋଇଛନ୍ତି, ରାଉରକେଲାରୁ ମଧ୍ୟ ଏକ
ଦୁର୍ଘଟଣାର ସୂଚନା ମିଳିଛି।
ଏହି ଘଟଣାକୁ ଦୃଷ୍ଟିରେ ରଖି ରାଜ୍ୟ ସରକାର ସମସ୍ତ କଲେକ୍ଟର-କମ୍-ପ୍ରିନ୍ସିପାଲ୍
ଜନଗଣନା ଅଧିକାରୀ ଓ ନଗର ନିଗମ ଆୟୁକ୍ତମାନଙ୍କୁ ନିର୍ଦେଶ ଦେଇଛନ୍ତି ଯେ, ସେମାନେ ହିଟ୍ ୱେଭ ସମ୍ବନ୍ଧୀୟ ବିପଦକୁ କମାଇବା, ଆଂଚଳିକ ସ୍ତରରେ କାମ କରିବା ସମୟରେ ସମ୍ଭାବ୍ୟ ବିପଦଗୁଡିକୁ ଚିହ୍ନଟ କରିବା ଏବଂ
ଗଣନାକର୍ମୀମାନଙ୍କର ନିୟମିତ ନିରୀକ୍ଷଣ ସୁନିଶ୍ଚିତ କରିବା।
ଏହା ସହିତ ଗଣନାକର୍ମୀମାନଙ୍କୁ ସୁରକ୍ଷା ପ୍ରୋଟୋକଲ୍ ଓ
ସାବଧାନତାମୂଳକ ପଦକ୍ଷେପ ସମ୍ବନ୍ଧରେ ସଚେତନ କରିବା ପରେ ମଧ୍ୟ ଜୋର ଦିଆଯାଇଛି, ଯାହା ଦ୍ୱାରା ସେମାନଙ୍କ ସୁରକ୍ଷା ସୁନିଶ୍ଚିତ ହେବା ସହ ଜନଗଣନା କାର୍ଯ୍ୟ ସୁଚାରୁ ଭାବେ
ସମ୍ପନ୍ନ ହେବ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
