କୋଲକାତା, ୨୬ ଅପ୍ରେଲ (ହି.ସ.)- ପଶ୍ଚିମବଙ୍ଗରେ ଦ୍ୱିତୀୟ ପର୍ଯ୍ୟାୟ ମତଦାନ ପୂର୍ବରୁ ନିର୍ବାଚନ ଆୟୋଗ କର୍ମଚାରୀଙ୍କ ଅଭାବର ସମ୍ମୁଖୀନ ହେଉଛନ୍ତି । ଏହି ସମସ୍ୟାକୁ ଦୂର କରିବା ପାଇଁ, ପ୍ରଥମ ପର୍ଯ୍ୟାୟରେ କାର୍ଯ୍ୟ କରିଥିବା କେନ୍ଦ୍ର ସରକାରୀ କର୍ମଚାରୀଙ୍କୁ ପୁନର୍ବାର ନିୟୋଜିତ କରିବାକୁ ଆୟୋଗ ନିଷ୍ପତି ନେଇଛନ୍ତି । ଦ୍ୱିତୀୟ ପର୍ଯ୍ୟାୟ ମତଦାନରେ ୧୭,୨୭୬ ରୁ ଅଧିକ କର୍ମଚାରୀଙ୍କୁ ନିୟୋଜିତ କରିବାକୁ ଆୟୋଗ ଯୋଜନା କରିଛନ୍ତି ।

ଆୟୋଗ ଦ୍ୱାରା ଜାରି ବିଜ୍ଞପ୍ତି ଅନୁଯାୟୀ, ଏହି କର୍ମଚାରୀଙ୍କୁ ତୁରନ୍ତ ଜିଲ୍ଲା ସ୍ତରରେ ନିଯୁକ୍ତି ଦେବା ଏବଂ ସେମାନଙ୍କୁ ନିଯୁକ୍ତି ପତ୍ର ଜାରି କରିବାକୁ ନିର୍ଦ୍ଦେଶ ଦିଆଯାଇଛି ।

ସୂଚନା ଦିଆଯାଇଛି ଯେ, ଏହି ସମସ୍ତ କର୍ମଚାରୀ ପ୍ରଥମ ପର୍ଯ୍ୟାୟ ମତଦାନରେ ସେମାନଙ୍କର ଦାୟିତ୍ୱ ନିର୍ବାହ କରିସାରିଛନ୍ତି ଏବଂ ବର୍ତମାନ ଦ୍ୱିତୀୟ ପର୍ଯ୍ୟାୟରେ ମଧ୍ୟ ନିୟୋଜିତ ହେବେ । ସେମାନଙ୍କୁ ପ୍ରିଜାଇଡିଂ ଅଫିସରଙ୍କ ସମେତ ଚାରୋଟି ଭିନ୍ନ ଭିନ୍ନ ବର୍ଗରେ ନିଯୁକ୍ତି ଦିଆଯିବ ।

ରବିବାର ଦିନ ନିର୍ବାଚନ ଆୟୋଗର ଜଣେ ଅଧିକାରୀ କହିଛନ୍ତି ଯେ ଦକ୍ଷିଣ ୨୪ ପ୍ରଗଣାରେ ସର୍ବାଧିକ ୬୬୨୦ ଜଣ ଜିଲ୍ଲାୱାରୀ କର୍ମଚାରୀ ନିୟୋଜିତ ହେଉଛନ୍ତି । ଏହା ପରେ ୫୬୮୦ ସହିତ ଉତର ୨୪ ପ୍ରଗଣା, ୧୭୪୫ ସହିତ ନାଦିଆ, ମୋଟ୍ ୭୨୪ ସହିତ ହାୱଡ଼ା (ଡୋମଜୁର୍ ରେ ୨୨୧ ସହିତ) ରହିଛି । ଏହା ବ୍ୟତୀତ ଦକ୍ଷିଣ କୋଲକାତାରେ ୧,୧୦୯ ଜଣ, ହୁଗଲିରେ ୭୧୨ ଜଣ ଏବଂ ପୂର୍ବ ବର୍ଦ୍ଧମାନରେ ୬୮୬ ଜଣ କର୍ମଚାରୀଙ୍କୁ ନିଯୁକ୍ତି ଦେବାକୁ ନିର୍ଦ୍ଦେଶ ଦିଆଯାଇଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ