ଅବର୍ନ, ୧୦ ଜୁନ୍ (ହିସ) ବିଶ୍ୱକପ୍ ପୂର୍ବରୁ ବୁଧବାର ଦିନ ସେମାନଙ୍କର ଅନ୍ତିମ ଅଭ୍ୟାସ ମ୍ୟାଚ୍ରେ ଆଇସଲ୍ୟାଣ୍ଡକୁ ୩-୦ ଗୋଲରେ ପରାସ୍ତ କରି ଡିଫେଣ୍ଡିଂ ବିଶ୍ୱ ଚାମ୍ପିଅନ୍ ଆର୍ଜେଣ୍ଟିନା ଦୃଢ଼ ପ୍ରସ୍ତୁତିର ସଙ୍କେତ ଦେଇଛି।
ଆମେରିକାର ଆଲାବାମାର ଆଉବର୍ନର ଜୋର୍ଡାନ-ହେର ଷ୍ଟାଡିୟମରେ ଖେଳାଯାଇଥିବା ମ୍ୟାଚ୍ରେ ଲିଓନେଲ୍ ମେସି ବେଂଚରୁ ଆସି ପେନାଲ୍ଟି ସ୍କୋର କରି ତାଙ୍କ ଦଳର ବିଜୟକୁ ସ୍ମରଣୀୟ କରିଦେଇଥିଲେ।
ମ୍ୟାଚ୍ ଆରମ୍ଭରୁ ଆର୍ଜେଂଟିିନା ଆକ୍ରମଣାତ୍ମକ ଖେଳ ପ୍ରଦର୍ଶନ କରିଥିଲା। ମ୍ୟାଚ୍ର ପ୍ରଥମ ଦଶ ମିନିଟ୍ ମଧ୍ୟରେ ଏକ ଚମତ୍କାର ଗୋଲ ଦେଇ ଭାଲେଂଟିନ୍ ବାର୍କୋ ଦଳକୁ ପ୍ରାରମ୍ଭିକ ଅଗ୍ରଣୀ ଦେଇଥିଲେ।
ବିଶ୍ୱକପ୍ରେ ପ୍ରାୟ ୨୦ ମିନିଟ୍ ବାକି ଥିବା ବେଳେ ଲିଓନେଲ୍ ମେସି ପଡ଼ିଆକୁ ଆସିଥିଲେ। କିଛି ମିନିଟ୍ ପରେ, ଲୌଟାରୋ ମାର୍ଟିନେଜ୍ଙ୍କୁ ବକ୍ସ ଭିତରେ ଫାଉଲ୍ କରାଯିବା ପରେ ଆର୍ଜେଂଟିନାକୁ ପେନାଲ୍ଟି ମିଳିଥିଲା। ମେସି ସୁଯୋଗର ପୂର୍ଣ୍ଣ ସଦୁପଯୋଗ କରି ବଲ୍କୁ ନେଟରେ ପକାଇଥିଲେ।
ଏହି ଗୋଲ ମେସିଙ୍କ ପାଇଁ ସ୍ୱତନ୍ତ୍ର ଥିଲା କାରଣ ସେ ୨୦୧୮ ବିଶ୍ୱକପ୍ରେ ଆଇସଲ୍ୟାଣ୍ଡ ବିପକ୍ଷରେ ଏକ ପେନାଲ୍ଟି ହାତଛଡ଼ା କରିଥିଲେ। ଏଥର, ସେ ସମାନ ପ୍ରତିପକ୍ଷ ବିପକ୍ଷରେ ଗୋଲ ଦେଇ ସେହି ସ୍ମୃତିକୁ ପଛରେ ପକାଇ ଦେଇଥିଲେ।
ମ୍ୟାଚ୍ର ଶେଷ ପର୍ଯ୍ୟାୟରେ ଆର୍ଜେଂଟିନା ସେମାନଙ୍କର ଅଗ୍ରଣୀକୁ ଆହୁରି ମଜବୁତ କରିଥିଲା। ୮୬ତମ ମିନିଟ୍ରେ ରୋଡ୍ରିଗୋ ଡି ପଲଙ୍କ ଏକ ଚମତ୍କାର ପାସ୍ରେ ଥିଆଗୋ ଆଲମାଡା ଗୋଲ ଦେଇ ର୍ସ୍କୋକୁ ୩-୦ କରିଥିଲେ।
ସାରା ମ୍ୟାଚ୍ରେ ଆର୍ଜେଂଟିନା ବଲ୍ ଉପରେ ନିୟନ୍ତ୍ରଣ ବଜାୟ ରଖିଥିଲା ଏବଂ ଆଇସଲ୍ୟାଣ୍ଡକୁ ପ୍ରତ୍ୟାବର୍ତନ କରିବାର କୌଣସି ସୁଯୋଗ ଦେଇନଥିଲା। ଏହି ବିଜୟ ସେମାନଙ୍କ ବିଶ୍ୱକପ୍ ଅଭିଯାନ ପୂର୍ବରୁ ଦଳର ଆତ୍ମବିଶ୍ୱାସ ବୃଦ୍ଧି କରିଥିଲା।
ଆର୍ଜେଂଟିନା ଏବେ ଜୁନ୍ ୧୬ ତାରିଖରେ କାନସାସ୍ ସିଟିରେ ଆଲଜେରିଆ ବିପକ୍ଷରେ ସେମାନଙ୍କର ବିଶ୍ୱକପ୍ ଅଭିଯାନ ଆରମ୍ଭ କରିବ।
--------------
---------------
ହିନ୍ଦୁସ୍ଥାନ ସମାଚାର / ଗଗନ
