ମସ୍କୋ, ୨୦ ଜୁନ୍ (ହି.ସ.)- ଆମେରିକା କତାର ସହିତ ମିଶି ଇରାନକୁ ମାନବୀୟ ଖର୍ଚ୍ଚ ପାଇଁ ୬ ଅରବ ଡଲାରର ସମ୍ପତି ବ୍ୟବହାର କରିବାକୁ ଅନୁମତି ଦେବାକୁ ବିଚାର କରୁଛି ।
ଦି ୱାଲ୍ ଷ୍ଟ୍ରିଟ୍ ଜର୍ଣ୍ଣାଲ୍ ଶନିବାର ଦିନ ସୂତ୍ରକୁ ଦର୍ଶାଇ ରିପୋର୍ଟ କରିଛି ଯେ, ଆମେରିକା କତାର ସହିତ ଏକ ଯୋଜନା ଉପରେ କାର୍ଯ୍ୟ କରୁଛି । ଏହା ଅଧୀନରେ ଇରାନକୁ ମାନବୀୟ ଖର୍ଚ୍ଚ ପାଇଁ ନିଜର ୬ ଅରବ ଡଲାର ଫ୍ରିଜ୍ ହୋଇଥିବା ସମ୍ପତି (ପାଣ୍ଠି) ବ୍ୟବହାର କରିବାକୁ ଅନୁମତି ଦିଆଯିବ ।
ଏହି ପଦକ୍ଷେପ ଇରାନ ପାଇଁ ଏକ ପ୍ରୋତ୍ସାହନ ଭାବରେ ଦେଖାଯାଉଛି, ଯାହାଦ୍ୱାରା ସେ ଆମେରିକା ସହିତ ଏକ ଚୂଡ଼ାନ୍ତ ଚୁକ୍ତି ଉପରେ ଏକ ବ୍ୟାପକ ରାଜିନାମାରେ ପହଂଚିପାରିବ ବୋଲି ଖବରକାଗଜ ରିପୋର୍ଟ କରିଛି ।
ପ୍ରସ୍ତାବିତ ବ୍ୟବସ୍ଥା ଅନୁଯାୟୀ, ବର୍ତମାନ କତାରରେ ଫ୍ରିଜ୍ ହୋଇଥିବା ପାଣ୍ଠିର ବ୍ୟବହାର ଖାଦ୍ୟ, ଔଷଧ ଏବଂ ଅନ୍ୟାନ୍ୟ ମାନବିକ ସାମଗ୍ରୀ କିଣିବା ପାଇଁ ହେବ ବୋଲି ୱାଲ୍ ଷ୍ଟ୍ରିଟ୍ ଜର୍ଣ୍ଣାଲ୍ କହିଛି । ସୂତ୍ରରୁ ଖବରକାଗଜକୁ କୁହାଯାଇଛି ଯେ, ଏହି ପଦ୍ଧତି ଭବିଷ୍ୟତରେ ଇରାନର ଅନ୍ୟ ଜବତ ସମ୍ପତି ସମ୍ବନ୍ଧରେ ରିହାତି ଦେବା ପାଇଁ ଏକ ଆଧାର ଭାବରେ କାର୍ଯ୍ୟ କରିପାରିବ ।
ରିପୋର୍ଟ ଅନୁଯାୟୀ, ଇରାନ ଏପର୍ଯ୍ୟନ୍ତ ଏହି ପ୍ରସ୍ତାବରେ ରାଜି ହୋଇନାହିଁ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ
