ନୂଆଦିଲ୍ଲୀ, ୨୫ ଜୁଲାଇ (ହି.ସ.)- ଆୟକର ପଇଠ କରୁଥିବା ଟିକସଦାତାମାନଙ୍କ ପାଇଁ ଆଇ. ଟି. ଆର. ଦାଖଲ କରିବା ବାଧ୍ୟତାମୂଳକ । ଆୟକର ରିଟର୍ଣ୍ଣ (ଆଇ. ଟି. ଆର.) ଦାଖଲ କରିବାର ଅନ୍ତିମ ତାରିଖ ପାଖେଇ ଆସୁଛି । ଆର୍ôଥକ ବର୍ଷ ୨୦୨୫-୨୬ (ଆକଳନ ବର୍ଷ ୨୦୨୬-୨୭) ନିମନ୍ତେ ଆଇ. ଟି. ଆର. ଦାଖଲ କରିବାର ଶେଷ ତାରିଖ ଜୁଲାଇ ୩୧ ତାରିଖ ୨୦୨୬ ସ୍ଥିର ହୋଇଛି । ଆଇ.ଟି.ଆର. ଦାଖଲ କରିବା ପାଇଁ ଏବେ ମାତ୍ର ୬ ଦିନ ବାକି ରହିଛି ।
ଆୟକର ବିଭାଗ ଶନିବାର ଦିନ ଏକ ଏକ୍ସ ପୋଷ୍ଟରେ କହିଛି ଯେ, ଶେଷ ମୁହୂର୍ତ ପର୍ଯ୍ୟନ୍ତ ଅପେକ୍ଷା କରନ୍ତୁ ନାହିଁ, ଆକଳନ ବର୍ଷ ୨୦୨୬-୨୭ ନିମନ୍ତେ ନିଜର ଆଇ.ଟି.ଆର.-୧ ଏବଂ ଆଇ.ଟି.ଆର.-୨, ୩୧ ଜୁଲାଇ, ୨୦୨୬ ପୂର୍ବରୁ ଦାଖଲ କରନ୍ତୁ । ବିଭାଗ କହିଛି ଯେ ଷଗ୍ଧଗ୍ଧକ୍ଟ୍ର://ସଦ୍ଭମକ୍ଟଜ୍ଞରଗ୍ଧବଙ୍ଘ.ଶକ୍ଟଙ୍ଖ.ସଦ୍ଭ କୁ ଯାଆନ୍ତୁ ଏବଂ କୌଣସି ଜୋରିମାନା ବିନା ଜୁଲାଇ ୩୧ ପୂର୍ବରୁ ଆପଣଙ୍କ ଆୟକର ରିଟର୍ଣ୍ଣ (ଆଇ.ଟି.ଆର.) ଦାଖଲ କରନ୍ତୁ ।
ଆୟକର ବିଭାଗ କହିଛି ଯେ, ଅଧିକାଂଶ ବେତନଭୋଗୀ ଏବଂ ବ୍ୟକ୍ତିଗତ ଟିକସଦାତା ଜୁଲାଇ ୩୧ ଅନ୍ତିମ ତାରିଖ ଏବଂ ସମୟକୁ ଏଡ଼ାଇବା ପାଇଁ ସରକାରୀ ଆୟକର ଇ-ଫାଇଲିଂ ପୋର୍ଟାଲକୁ ଯାଇ ସେମାନଙ୍କର ରିଟର୍ଣ୍ଣ ଦାଖଲ କରିବା ଆବଶ୍ୟକ । ଯଦି ଆପଣ ଜୁଲାଇ ୩୧ର ସମୟସୀମା ଅତିକ୍ରମ କରନ୍ତି, ତେବେ ଆପଣଙ୍କ ପାଖରେ ବିଳମ୍ବରେ ରିଟର୍ଣ୍ଣ ଦାଖଲ କରିବାର ବିକଳ୍ପ ରହିଛି, କିନ୍ତୁ ଏଥିରେ ବିଳମ୍ବ କଲେ ଆପଣଙ୍କୁ ଜୋରିମାନା, ଅତିରିକ୍ତ ସୁଧ ଏବଂ ଅନେକ ଟିକସ ଲାଭ ହରାଇବାକୁ ପଡିପାରେ ।
ଉଲ୍ଲେଖଯୋଗ୍ୟ ଯେ, ଆୟକର ଅଧିନିୟମ, ୧୯୬୧ ର ଧାରା ୧୩୯ (୪) ଅନୁଯାୟୀ, ଯେଉଁ ଟିକସଦାତାମାନେ ଧାର୍ଯ୍ୟ ତାରିଖ ସୁଦ୍ଧା ରିଟର୍ଣ୍ଣ ଦାଖଲ କରିବାକୁ ସକ୍ଷମ ନୁହଁନ୍ତି, ସେମାନେ ୩୧ ଡିସେମ୍ବର ୨୦୨୬ ସୁଦ୍ଧା କିମ୍ବା ମୂଲ୍ୟାଙ୍କନ ପ୍ରକ୍ରିୟା ସମାପ୍ତ ହେବା ପୂର୍ବରୁ ସେମାନଙ୍କର ବିଳମ୍ବ ରିଟର୍ଣ୍ଣ ଦାଖଲ କରିପାରିବେ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ
25 Jul 2026