ପଶ୍ଚିମ ସିଂହଭୂମି ୧୧ଅକ୍ଟୋବର
(ହି.ସ.)- ଝାଡ଼ଖଣ୍ଡର ପଶ୍ଚିମ ସିଂହଭୂମି (ଚାଇବାସା) ଜିଲ୍ଲାର
ସାରାଣ୍ଡାର ଘନ ଜଙ୍ଗଲରେ ଶୁକ୍ରବାର ହୋଇଥିବା ଆଇଇଡି ବିସ୍ଫୋରଣରେ ସିଆରପିଏଫର ୬୦ତମ ବାଟାଲିୟନର
ହେଡ୍ କନଷ୍ଟେବଳ (ଜିଡି) ମହେନ୍ଦ୍ର ଲସ୍କର ସହିଦ ହୋଇଛନ୍ତି।ତାଙ୍କୁ ଗୁରୁତର
ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିଲା ଏବଂ ଚିକିତ୍ସା ସମୟରେ ଶୁକ୍ରବାର ରାତିରେ ତାଙ୍କର
ମୃତ୍ୟୁ ହୋଇଥିଲା। ସେ ଆସାମର ବାସିନ୍ଦା ଥିଲେ। ବାଟାଲିୟନ ମଧ୍ୟରେ ଶୋକର ପରିବେଶ ସୃଷ୍ଟି
ହୋଇଛି।ଏହି ବିସ୍ଫୋରଣରେ ଆହତ ଇନ୍ସପେକ୍ଟର (ଜିଡି) କୌଶଳ କୁମାର ମିଶ୍ରା ଏବଂ ଏଏସଆଇ (ଜିଡି)
ରାମକୃଷ୍ଣ ଗାଗରାଇଙ୍କୁ ରାଉରକେଲାର ଆପୋଲୋ ହସ୍ପିଟାଲରେ ଭର୍ତ୍ତି କରାଯାଇଛି। ଉଭୟଙ୍କ ଅବସ୍ଥା ଏବେ ବିପଦମୁକ୍ତ ଥିବା ଜଣାପଡ଼ିଛି। ଆହତ ଏଏସଆଇ
ରାମକୃଷ୍ଣ ଗାଗରାଇ ଝାଡ଼ଖଣ୍ଡର ଖରସାୱାନ ବିଧାୟକ ଦଶରଥ ଗାଗରାଇଙ୍କ ଭାଇ। ସିଆରପିଏଫ ଅଧିକାରୀମାନେ
କହିଛନ୍ତି ଯେ ଆହତମାନଙ୍କୁ ସର୍ବୋତ୍ତମ ଚିକିତ୍ସା ଯୋଗାଇ ଦିଆଯାଉଛି ବୋଲି କହିଛନ୍ତି। ସେମାନେ
କହିଛନ୍ତି ଯେ ଯବାନ ମହେନ୍ଦ୍ର ଲସ୍କରଙ୍କ ବଳିଦାନ ବ୍ୟର୍ଥ ଯିବ ନାହିଁ। ଘଟଣା ପରେସୁରକ୍ଷା ବାହିନୀ ଅଞ୍ଚଳରେ ସର୍ଚ୍ଚ ଅପରେସନକୁ ଜୋରଦାର କରିଛନ୍ତି
ଏବଂ ମାଓବାଦୀଙ୍କ ସନ୍ଧାନ ଜାରି ରହିଛି।
ଏହି ବିସ୍ଫୋରଣ ଶୁକ୍ରବାର ସନ୍ଧ୍ୟା ପ୍ରାୟ ୪ଟା ସମୟରେ ହୋଇଥିଲା।ସୁରକ୍ଷା
ବାହିନୀ ନକ୍ସଲ ପ୍ରଭାବିତ ଅଞ୍ଚଳରେ ସର୍ଚ୍ଚ
ଅପରେସନ୍ କରୁଥିଲେ। ଏହି ସମୟରେ ମାଓବାଦୀଙ୍କ ଦ୍ୱାରା ପୁର୍ବରୁ ଲଗାଯାଇଥିବା ଏକ ଆଇଇଡି ବିସ୍ଫୋରଣ ହୋଇଥିଲା।ବିସ୍ଫୋରଣ ପରେଅଞ୍ଚଳରେ ଏକ ଏନକାଉଣ୍ଟର ମଧ୍ୟ ହୋଇଥିଲା। ଉଲ୍ଲେଖନୀୟ ଯେ ଗତ କିଛି
ମାସ ମଧ୍ୟରେ ସାରଣ୍ଡା ଅଞ୍ଚଳରେ ଆଇଇଡି ବିସ୍ଫୋରଣ ଘଟଣା ବୃଦ୍ଧି ପାଇଛି। ୮ ଅଗଷ୍ଟ ତାରିଖରେ
ସିଆରପିଏଫର ୨୦୯ତମ କୋବରା ବାଟାଲିୟନର ଦୁଇ ଜଣ ସୈନିକ ଆହତ ହୋଇଥିବାବେଳେ ୨୨ ମାର୍ଚ୍ଚରେ ଜଣେ
ସବ-ଇନ୍ସପେକ୍ଟର ଚିକିତ୍ସା ସମୟରେ ମୃତ୍ୟୁବରଣ କରିଥିଲେ। ଏପ୍ରିଲରେ ମଧ୍ୟ ଝାଡ଼ଖଣ୍ଡ ଜାଗୁଆରର
ଜଣେ ସୈନିକ ଆଇଇଡି ବିସ୍ଫୋରଣରେ ସହିଦ ହୋଇଥିଲେ।
---------------
ହିନ୍ଦୁସ୍ଥାନ ସମାଚାର / ରଶ୍ମିତା