ବୋକାରୋ, ୧୨ ଅକ୍ଟୋବର (ହି.ସ.)- ଶନିବାର ବିଳମ୍ବିତ ରାତିରେ ବୋକାରୋ ସହରରେ ଏକ ବଡ଼ ଦୁର୍ଘଟଣା ଟଳିଯାଇଛି । ସିଟି ପୋଲିସ ଷ୍ଟେସନ ଅଂଚଳର ସେକ୍ଟର ୧ବି ସ୍ଥିତ ହିନ୍ଦୁସ୍ତାନ ଷ୍ଟିଲ କନଷ୍ଟ୍ରକ୍ସନ ଲିମିଟେଡ (ଏଚଏସସିଏଲ) କଲୋନୀରେ ଏକ ଚାରି ମହଲା କୋଠାର ପଛ ଭାଗ ହଠାତ୍ ଭୁଶୁଡ଼ି ପଡ଼ିବାରୁ ଅଂଚଳରେ ଆତଙ୍କ ଖେଳି ଯାଇଥିଲା । ଦୁର୍ଘଟଣା ସମୟରେ କୋଠାରେ ଅନେକ ପରିବାର ଉପସ୍ଥିତ ଥିଲେ, କିନ୍ତୁ ସମସ୍ତେ ସମୟ ମଧ୍ୟରେ ବାହାରକୁ ବାହାରି ଆସିବାରେ ସଫଳ ହୋଇଥିଲେ ।
ସୂଚନା ଅନୁଯାୟୀ, ସେକ୍ଟର ୧ବି ର ଘର ନମ୍ବର ୩୫୧ରୁ ୩୬୬ ମଧ୍ୟରେ ଏହି ଦୁର୍ଘଟଣା ଘଟିଥିଲା । ପୁରୁଣା ଏବଂ ଜୀର୍ଣ୍ଣ କୋଠାର ପଛ ଭାଗ ହଠାତ୍ ଭୁଶୁଡ଼ି ପଡ଼ିଥିଲା । ପ୍ରଚଣ୍ଡ ଶବ୍ଦ ଶୁଣି ବାସିନ୍ଦାମାନେ ଘରୁ ବାହାରକୁ ବାହାରି ଆସିଥିଲେ ଏବଂ ଘଟଣାସ୍ଥଳରେ ଲୋକଙ୍କ ଭିଡ଼ ଦେଖିବାକୁ ମିଳିଥିଲା । ସୂଚନା ମିଳିବା କ୍ଷଣି ସିଟି ଥାନା ପୋଲିସ, ନଗର ନିଗମ ଏବଂ ସିଭିଲ ଡିଫେନ୍ସ ଦଳ ଘଟଣାସ୍ଥଳରେ ପହଂଚିଥିଲେ । ସୁରକ୍ଷା ଦୃଷ୍ଟିରୁ ଅଂଚଳକୁ ଘେରାବନ୍ଦୀ କରାଯାଇଛି ଏବଂ ସତର୍କତା ସ୍ୱରୂପ ଆଖପାଖର ଘରଗୁଡ଼ିକୁ ମଧ୍ୟ ଖାଲି କରାଯାଇଛି ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ