ମାଲକାନଗିରି , ୨ ଅକ୍ଟୋବର (ହି.ସ.)- ମାଲକାନଗିରି ଜିଲ୍ଲା ମୋଟୁ ଠାରୁ ଆରମ୍ଭ ହେଲା ରାଜ୍ୟ କଂଗ୍ରେସ ପିସିସି ସଭାପତି ଭକ୍ତ ଚରଣ ଦାସଙ୍କ “ଗାନ୍ଧୀ ପଥେ ଓଡିଶା” ପଦଯାତ୍ରା। ପ୍ରଥମେ ମୋଟୁ ସ୍ଥିତ ମୁଗି ପଏଣ୍ଟ ଠାରେ ମହାତ୍ମାଗାନ୍ଧୀ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ।
ଏହାପରେ ଏକ ସାଧାରଣ ସଭାରେ ଯୋଗ ଦେଇ ରାଜ୍ୟ ସରକାର ଙ୍କ ମିଛ ପ୍ରତିଶୃତି ଏବଂ ଭୋଟ ଚୋରି ଉପରେ ଭାଷଣ ଦେଇ ବର୍ଷିଥିଲେ। ଏହାପରେ ଏକ ବିଶାଳ ପଦଯାତ୍ରା ରେ ମୋଟୁ ଠାରୁ ନିଜର ପଦଯାତ୍ରା ଆରମ୍ଭ କରିଥିଲେ ପିସିସି ସଭାପତି ଶ୍ରୀ ଦାସ। ଏହି ପଦଯାତ୍ରା ରେ ବିରୋଧୀ ଦଳ ନେତା ରାମଚନ୍ଦ୍ର କାଡାମ, ଚିତ୍ରକୋଣ୍ଡା ବିଧାୟକ ମଙ୍ଗୁ ଖୂଲ, ଜିଲ୍ଲା କଂଗ୍ରେସ ଗ୍ରେସ ସଭାପତି ଜି ଶ୍ରୀନିବାସ ରାଓ, , ରାଜ୍ୟ ଯୁବ ସଭାପତି ରଣଜିତ ପାତ୍ର, ରାଜ୍ୟ ଯୁବ କଂଗ୍ରେସ କଂଗ୍ରେସକାର୍ଯ୍ୟକାରୀ ସଭାପତି କୃଷ୍ଣଚନ୍ଦ୍ର ମହାନ୍ତି, କୋରାପୁୂଟ ଜିଲ୍ଲା କଂଗ୍ରେସ ନେତା କଂଗ୍ରେସ ସଭାପତି ରୂପକ ତୁରୁକ, ପୂର୍ବତନ ବିଧାୟକ ନିମାଇଁ ସରକାର, ମାଲା ମାଢ଼ିଙ୍କ ସମେତ ଅବିଭକ୍ତ କୋରାପୁଟ ଜିଲ୍ଲାର ବହୁ ନେତାମାନେ ସାମିଲ ହୋଇଥିଲେ। ଆଜି ଲଗାଣ ବର୍ଷା ହେବା ସତ୍ତ୍ବେ ମଧ୍ୟ ଏହି ବିଶାଳ ପଦଯାତ୍ରାରେ କଂଗ୍ରେସର ଶତାଧିକ କର୍ମୀ ସାମିଲ ହୋଇଥିଲେ।
---------------
ହିନ୍ଦୁସ୍ଥାନ ସମାଚାର / ଶିବବ୍ରତ