ଭୁବନେଶ୍ୱର, 7 ଅକ୍ଟୋବର (ହି.ସ.)

- ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସେବା ଯାତ୍ରାର ଅପରାଜେୟ 24

ବର୍ଷ

ପୂର୍ଣ୍ଣ ହେବା ଅବସରରେ ତାଙ୍କୁ ଶୁଭେଚ୍ଛା ଜଣାଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

। ଏନେଇ ସୋସିଆଲ ମିଡିଆ ଏକ୍ସରେ କେନ୍ଦ୍ରମନ୍ତ୍ରୀ କହିଛନ୍ତି ଯେ, ରାଷ୍ଟ୍ରସେବା ଓ ଜନସେବାକୁ

ନିଜ ଜୀବନର ଧ୍ୟେୟ ମନେକରି ‘ବିକାଶଶୀଳ ଭାରତ’

ପାଇଁ

ଦିନ-ରାତି ଅନବରତ ପରିଶ୍ରମ କରୁଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସେବା ଯାତ୍ରାର

ଅପରାଜେୟ 24 ବର୍ଷ ପୂର୍ଣ୍ଣ ହେବା ଓ 25ତମ ବର୍ଷରେ ପ୍ରବେଶ କରିବା

ଅବସରରେ ହାର୍ଦ୍ଧିକ ଶୁଭେଚ୍ଛା ଓ ଅଭିନନ୍ଦନ ଜଣାଉଛି ।

କେନ୍ଦ୍ରମନ୍ତ୍ରୀ କହିଛନ୍ତି ଯେ,ଗୁଜରାଟର ମୁଖ୍ୟମନ୍ତ୍ରୀରୁ ଆରମ୍ଭ କରି ବର୍ତ୍ତମାନ ଭାରତର

ପ୍ରଧାନସେବକ ପର୍ଯ୍ୟନ୍ତ, ଦୃଢ଼ ସଂକଳ୍ପ,

ନିସ୍ୱାର୍ଥ

ସମର୍ପଣ ଓ ରାଷ୍ଟ୍ରହିତକୁ ସର୍ବୋପରି ରଖି, ଶ୍ରୀ ନରେନ୍ଦ୍ର ମୋଦିଙ୍କ ଏହି ଅଦ୍ଭୁତ

ଯାତ୍ରା ଭାରତୀୟ ଗଣତନ୍ତ୍ର ଓ ସଂବିଧାନିକ ମୂଲ୍ୟବୋଧକୁ ଆତ୍ମସାତ କରି,

ଗରିବ,

ଶୋଷିତ,

ବଞ୍ଚିତ,

କୃଷକ,

ମହିଳା

ଓ ଯୁବକଙ୍କ ଉନ୍ନତିକୁ ନିବେଦିତ ରହିଛି।

ରାଜ୍ୟ ଠାରୁ ଆରମ୍ଭ କରି କେନ୍ଦ୍ର ପର୍ଯ୍ୟନ୍ତ ପ୍ରାୟ 25 ବର୍ଷର ଏହି ଅବିରତ

ଯାତ୍ରା କେବଳ ରାଜନୀତିର କଥା ନୁହେଁ, ବରଂ ଏହା ହେଉଛି ଏକ ସମର୍ପଣ,

ସୁଶାସନ

ଓ ଅନ୍ତ୍ୟୋଦୟର ପ୍ରେରଣାଦାୟୀ ଜୀବନ୍ତ ଗାଥା। ପ୍ରଧାନମନ୍ତ୍ରୀ ମୋଦି ଜି ତାଙ୍କ କାର୍ଯ୍ୟକାଳରେ ‘ସବକା ସାଥ,

ସବକା

ବିକାଶ, ସବକା ବିଶ୍ୱାସ ଓ ସବକା ପ୍ରୟାସ’କୁ ଜନସେବାର ମୂଳମନ୍ତ୍ର

ବାନ୍ଧିଛନ୍ତି।

ଅନ୍ତର୍ଜାତୀୟ ସ୍ତରରେ ଭାରତର ଗରିମାକୁ ନୂତନ ଶିଖରରେ ପହଞ୍ଚାଇଛନ୍ତି ଏବଂ ବିଶ୍ୱକୁ ଭାରତର

ଶକ୍ତି, ସଂସ୍କୃତି ଓ ମାନବିକ ଦୃଷ୍ଟିକୋଣ ସହିତ ପରିଚିତ କରାଇଛନ୍ତି। ମହାପ୍ରଭୁ

ଜଗନ୍ନାଥଙ୍କ ଆଶୀର୍ବାଦରେ ତାଙ୍କର ଏହି ଅମୃତ ଜନସେବା ଯାତ୍ରା ଅବିରତ ଭାବରେ ଜାରି ରୁହୁ,

ଏହାହିଁ

ପ୍ରାର୍ଥନା କରୁଛନ୍ତି ଧର୍ମେନ୍ଦ୍ର ପ୍ରଧାନ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା