ଚଷା ସମାଜକୁ ସାମ୍ବିଧାନିକ

ପ୍ରଦତ୍ତ ଅଧିକାର ପ୍ରଦାନ କରିବା ପାଇଁ ଆମେ ବଦ୍ଧ ପରିକର - ଧର୍ମେନ୍ଦ୍ର ପ୍ରଧାନ

ବାମୁର/ଅନୁଗୋଳ, ଡିସେମ୍ବର ୨୮ - ଚଷା

ସମାଜକୁ ସାମ୍ବିଧାନିକ ପ୍ରଦତ୍ତ ଅଧିକାର ପ୍ରଦାନ କରିବା ପାଇଁ ଆମ ସରକାର ବଦ୍ଧ ପରିକର ବୋଲି

ଆଜି ଅନୁଗୋଳ ଜିଲ୍ଲା ବାମୁର ଠାରେ ଆୟୋଜିତ ‘ରାଜ୍ୟସ୍ତରୀୟ ଚଷା ମହାସମାବେଶ’ରେ ଯୋଗଦେଇ କହିଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।

ଶ୍ରୀ ପ୍ରଧାନ କହିଛନ୍ତି

ସମାଜର ସାମଗ୍ରିକ ବିକାଶ ପାଇଁ ଏହି ସମ୍ମିଳନୀରେ ଅନେକ ଗଠନମୂଳକ ପ୍ରସ୍ତାବ ଆସିବା ସହ

ସାମ୍ବିଧାନିକ ଅଧିକାର, ଶିକ୍ଷା,

ସ୍ୱାସ୍ଥ୍ୟ ଏବଂ ରୋଜଗାର

ଉପରେ ଗୁରୁତ୍ୱାରୋପ କରାଯାଇଛି,

ଯାହା ଆଗାମୀ ଦିନରେ ଏକ

ସକରାତ୍ମକ ପ୍ରଭାବ ପକାଇବ । ସେ କହିଛନ୍ତି ଓଡ଼ିଶାର ଚଷା ଜାତି କେନ୍ଦ୍ରୀୟ ଓବିସି ତାଲିକାରେ

ସାମିଲ ଥିଲା ବେଳେ ଚଷା ସମାଜର ଅନ୍ୟ ଜାତି/ଉପଜାତି/ବର୍ଗଙ୍କ ସମେତ ଓଡ଼ିଶା ସରକାରଙ୍କ ଦ୍ୱାରା

ରାଜ୍ୟ ଏସଇବିସି ତାଲିକାରେ ସ୍ୱୀକୃତିପ୍ରାପ୍ତ ୧୦୮ଟି ସମ୍ପ୍ରଦାୟକୁ କେନ୍ଦ୍ରୀୟ ଓବିସି

ତାଲିକାରେ ସାମିଲ କରିବା ପାଇଁ କେନ୍ଦ୍ର ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରୀ ଡାକ୍ତର

ବୀରେନ୍ଦ୍ର କୁମାରଙ୍କୁ ପତ୍ର ଲେଖି ଅନୁରୋଧ କରିଛି । ଏହି ସମ୍ପ୍ରଦାୟର ଜାତି/ଉପଜାତି/ବର୍ଗର

ଲୋକମାନଙ୍କୁ କେନ୍ଦ୍ରୀୟ ତାଲିକାରେ

ଅନ୍ତର୍ଭୁକ୍ତ କରାଗଲେ ସେମାନଙ୍କୁ ସମାନ ଭାବେ ସର୍ବଭାରତୀୟ ସ୍ତରରେ ସ୍ଥାନ ସଂରକ୍ଷଣ ଓ

କଲ୍ୟାଣକାରୀ ଯୋଜନାର ସୁବିଧା ମିଳିପାରିବ,

ଯାହା ସେମାନଙ୍କର ଆର୍ଥିକ

ଓ ଶିକ୍ଷାଗତ ଅଭିବୃଦ୍ଧିରେ ସହାୟକ ହେବ ।

ଅପରପକ୍ଷରେ ମୋଦୀ ସରକାରରେ

ମେଡିକାଲ ୟୁଜି ପିଜି ସିଟରେ ଓବିସିଙ୍କୁ ସର୍ବଭାରତୀୟ କୋଟାରେ ୧୫ ପ୍ରତିଶତ ସଂରକ୍ଷଣ ମିଳୁଛି ।

ପେଟ୍ରୋଲ ପମ୍ପ ଆବଣ୍ଟନରେ ୨୭ ପ୍ରତିଶତ ଓବିସି ସଂରକ୍ଷଣ ଅଛି । ଏହି ବର୍ଗର ଲୋକଙ୍କୁ ସାମ୍ବିଧାନିକ ପ୍ରଦତ୍ତ ଅଧିକାର

ପ୍ରଦାନ କରିବା ପାଇଁ ଆମ ସରକାର ବଦ୍ଧ ପରିକର ।

ପ୍ରଧାନମନ୍ତ୍ରୀ ନରେନ୍ଦ୍ର

ମୋଦୀ ‘ବିକଶିତ ଓଡ଼ିଶା’

ଓ ‘ବିକଶିତ ଭାରତ’ର ସ୍ୱପ୍ନ ପୂରଣ କରିବା ପାଇଁ ହେଲେ କୃଷିକୁ କେବଳ ପାରମ୍ପରିକ

ପଦ୍ଧତିରେ ସୀମିତ ନ ରଖି ଏହାକୁ ରୋଜଗାରର ମୁଖ୍ୟ ଆଧାର କରିବାକୁ ପଡ଼ିବ । ବର୍ତ୍ତମାନ ବିଶ୍ୱ

ସ୍ତରରେ ଜୈବିକ ଓ ପ୍ରାକୃତିକ ଚାଷର ଚାହିଦା ବଢୁଥିବାରୁ ଓଡ଼ିଶାର ପନିପରିବା ଓ କୃଷିଜାତ

ଦ୍ରବ୍ୟକୁ ବିଦେଶ ବଜାରକୁ ପଠାଇବା ପାଇଁ ଉନ୍ନତ ବ୍ୟବସ୍ଥା କରାଯିବ । ଓଡ଼ିଶାରେ ଚାଷ ସହ ଜଡ଼ିତ

ପ୍ରତ୍ୟେକ ବ୍ୟକ୍ତିଙ୍କୁ ଏକ ବୃହତ୍ତର ମଞ୍ଚରେ ପ୍ରତିଷ୍ଠିତ କରିବା ସହ ସାମ୍ବିଧାନିକ ଅଧିକାର ଓ

ସାମାଜିକ ଦାୟିତ୍ୱ ମଧ୍ୟରେ ସମନ୍ୱୟ ରକ୍ଷା କରିବା ଆମର ମୁଖ୍ୟ ଲକ୍ଷ୍ୟ ବୋଲି ସେ କହିଛନ୍ତି ।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ