ଭୁବନେଶ୍ୱର, 05 ଡିସେମ୍ବର (ହି.ସ.) ରାଜ୍ୟରେ ପ୍ରାଥମିକ ଶିକ୍ଷକ ମାନେ ଗ୍ରେଡ ପେ ସମେତ ବିଭିନ୍ନ ପ୍ରସଙ୍ଗ ନେଇ ଆନ୍ଦୋଳନ ପ୍ରସଙ୍ଗ ଆଜି ବିଧାନସଭାରେ ଉଠିଛି । ବିଜେଡି ବିଧାୟକ ଗୌତମ ବୁଦ୍ଧ ଦାସ ଏହି ପ୍ରସଙ୍ଗ ଆଜି ବିଧାନସଭାରେ ଉଠାଇଛନ୍ତି ।

ସେ ଶୂନ୍ୟକାଳରେ ଏହି ପ୍ରସଙ୍ଗ ଉଠାଇ କହିଛନ୍ତି ଯେ, 2018 ମସିହା ଠାରୁ ପ୍ରାଥମିକ ଶିକ୍ଷକ ମାନେ ସେମାନଙ୍କର ଗ୍ରେଡ ପେ ବଢାଇବାକୁ ଅପେକ୍ଷା କରିଛନ୍ତି । ସେମାନଙ୍କର ଦାବି ଯୁକ୍ତିଯୁକ୍ତ । ସେମାନେ ଏହି ଦାବି ସହିତ ଅନ୍ୟାନ୍ୟ ଦାବି ନେଇ ବିଧାନସଭା ସମ୍ମୁଖରେ ବିକ୍ଷୋଭ କରୁଛନ୍ତି । ତେଣୁ ତାଙ୍କର ଗ୍ରେଡ ପେ ବୃଦ୍ଧି କରିବା ସହ ଅନ୍ୟାନ୍ୟ ଦାବିକୁ ସରକାର ସ୍ୱୀକାର କରନ୍ତୁ ବୋଲି ସେ ଅନୁରୋଧ କରିଛନ୍ତି ।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ