ସମ୍ବଲପୁର, ୦୬ ଡିସେମ୍ବର(ହି.ସ.) – ଆଂଚଳିକ ଶିକ୍ଷା ନିର୍ଦ୍ଦେଶାଳୟ ସମ୍ବଲପୁରର ନିର୍ଦ୍ଦେଶକ ଡ଼. ମୁରଲିଧର ମାଝୀ ରେଢ଼ାଖୋଲ ଉପଖଣ୍ଡ ଅନ୍ତର୍ଗତ ନାକଟିଦେଉଳ ସ୍ନାତକ ମହାବିଦ୍ୟାଳୟ ପରିଦର୍ଶନ କରିଛନ୍ତି। ସେ ଅନୁଷ୍ଠାନର ବିଭିନ୍ନ ବିଭାଗ, ଗ୍ରନ୍ଥାଗାର, ସଭାକକ୍ଷ, ବିଜ୍ଞାନାଗାର, କମ୍ପୁଟର କେନ୍ଦ୍ର, ଛାତ୍ରାବାସ ଓ ଛାତ୍ରୀ ନିବାସ ବୁଲି ଦେଖିବା ସହିତ ଅଧ୍ୟାପକ, ଅଧ୍ୟାପିକା, କର୍ମଚାରୀ ଓ ଛାତ୍ରଛାତ୍ରୀମାନଙ୍କ ସହିତ କଥାବାର୍ତା କରି ବିଭିନ୍ନ ଅସୁବିଧା ତଥା ସମସ୍ୟା ବିଷୟରେ ପଚାରି ବୁଝିଥିଲେ। ଏହି ଅବସରରେ ଡ଼. ମାଝୀ ଅଧ୍ୟକ୍ଷ ସୁଧୀର କୁମାର ସାହୁଙ୍କ ସହିତ ନାକ୍‌(ଏନଏଏ ସି) ଗ୍ରେଡ଼ ନିମନ୍ତେ ଆବେଦନ ନେଇ ଆଲୋଚନା କରିଥିଲେ। ଝାରସୁଗୁଡ଼ା ଓ ଏସ୍ ପି ୨ୟ ବାଟାଲିୟନ ଓଡ୍ରାଫ ୟୁନିଟ୍ ର ଆସିଷ୍ଟାଂଟ ସବ୍ ଇନ୍ସପେକ୍ଟର ତେଜବାହାଦୁର ଗୁରୁଙ୍ଗ୍ ଓ ତାଙ୍କ ଟିମ ଙ୍କ ପ୍ରଶିକ୍ଷଣ ଓ ଏନ୍ ସି ସି ୟୁନିଟ୍ ର ପରିଚାଳନା ରେ ଅନୁଷ୍ଠିତ ବିପର୍ଯ୍ୟୟ ପରିଚାଳନା ତାଲିମ ଶିବିରକୁ ଡ଼. ମାଝୀ ଉଦଘାଟନ କରିଥିଲେ। ବିଭିନ୍ନ ପ୍ରାକୃତିକ ବିପର୍ଯ୍ୟୟ ରେ ଦେଖାଦେଉଥିବା ବିପଦ ଓ ତାକୁ ସାମନା କରିବା ପାଇଁ ବିଭିନ୍ନ କୌଶଳ ଓ ପ୍ରସ୍ତୁତି ର ଆବଶ୍ୟକତା ସମ୍ପର୍କରେ ଆଲୋକପାତ କରିଥିଲେ। ଆଂଚଳିକ ଶିକ୍ଷା ନିର୍ଦ୍ଦେଶକ ନାକଟିଦେଉଳ ସ୍ନାତକ ମହାବିଦ୍ୟାଳୟ ପରିଦର୍ଶନ ଓ ଅନୁଧ୍ୟାନକୁ ଅଂଚଳବାସୀ ସ୍ୱାଗତ କରିଥିଲେ।

ହିନ୍ଦୁସ୍ଥାନ ସମାଚାର/ଶୈଳେଶ/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ଶୈଳେଶ