ଭୁବନେଶ୍ୱର, ୩୦ ମଇ (ହି.ସ.) ଓଡ଼ିଶାର ବରିଷ୍ଠ ରାଜନେତା ଏବଂ କାମାକ୍ଷାନଗର ପୂର୍ବତନ ବିଧାୟକ ପ୍ରସନ୍ନ ପଟ୍ଟନାୟକଙ୍କ ଗତକାଲି ରାତିରେ ଭୁବନେଶ୍ୱର ଥିବା ଏକ ବେସରକାରୀ ହସ୍ପିଟାଲରେ ଚିକିତ୍ସାଧୀନାବସ୍ଥାରେ ଦେହାନ୍ତ ହୋଇଛି। ମୃତ୍ୟୁବେଳକୁ ତାଙ୍କୁ ୭୪ ବର୍ଷ ବୟସ ହୋଇଥିଲା ।

ପ୍ରସନ୍ନ ପଟ୍ଟନାୟକ ଓଡ଼ିଶାରେ ଭାରତୀୟ ଜନତା ପାର୍ଟି (ବିଜେପି) ପକ୍ଷରୁ ପ୍ରଥମ ବିଧାୟକ ଭାବେ ନିର୍ବାଚିତ ହୋଇଥିଲେ । ସେ ଜଣେ ଜନପ୍ରିୟ ନେତା ଭାବରେ ପରିଚିତ ଥିଲେ ।

ତାଙ୍କର ବିୟୋଗ ଖବର ଶୁଣି ବିଭିନ୍ନ ରାଜନୈତିକ ଦଳର ନେତାମାନେ ଗଭୀର ଶୋକ ପ୍ରକାଶ କରିଛନ୍ତି। ସେମାନେ କହିଛନ୍ତି ଯେ, ରାଜ୍ୟର ଉନ୍ନତିରେ ପ୍ରସନ୍ନ ପଟ୍ଟନାୟକଙ୍କ ଅବଦାନ କେବେ ଭୁଲିହେବ ନାହିଁ।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ