ଭୁବନେଶ୍ୱର,୧୭ ଜୁନ (ହି.ସ.) - ଅମୃତ ଭାରତ ଷ୍ଟେସନ ଯୋଜନା ଅଧୀନରେ ଭୁବନେଶ୍ୱର ରେଳ ଷ୍ଟେସନର ଚାଲୁରହିଥିବା ପୁନର୍ବିକାଶ କାର୍ଯ୍ୟର ଏକ ଅଂଶ ଭାବରେ, ଭୁବନେଶ୍ୱର ରେଳ ଷ୍ଟେସନକୁ ବିଶ୍ୱସ୍ତରୀୟ ମାନଦଣ୍ଡରେ ଉନ୍ନୀତ କରିବା ଲକ୍ଷ୍ୟରେ ଯାତ୍ରୀ ସୁବିଧା ଏବଂ ଭିତିଭୂମିକୁ ଉନ୍ନତ କରିବା ପାଇଁ ଗୁରୁତ୍ୱପୂର୍ଣ୍ଣ ପଦକ୍ଷେପ ନିଆଯାଇଛି । ବିଦ୍ୟମାନ ଅସ୍ଥାୟୀ ସେଡ୍ ରେ ନିର୍ମାଣ କାର୍ଯ୍ୟକଳାପକୁ ଦୃଷ୍ଟିରେ ରଖି, ଅସ୍ଥାୟୀ ସେଡ୍ ରୁ ପୂର୍ବରୁ କାର୍ଯ୍ୟ କରୁଥିବା ଯାତ୍ରୀ ସଂରକ୍ଷଣ ପ୍ରଣାଳୀ (ପିଆରଏସ) ଏବଂ ଅଣସଂରକ୍ଷିତ ଟିକେଟିଂ ପ୍ରଣାଳୀ (ୟୁଟିଏସ) କାଉଣ୍ଟରଗୁଡ଼ିକୁ ବର୍ତମାନ ଅସ୍ଥାୟୀ ଭାବରେ ନବନିର୍ମିତ ନୂତନ ନିର୍ମିତ ଭୂମିସ୍ତରୀୟ ପ୍ରସ୍ଥାନ କନକୋର୍ସକୁ ସ୍ଥାନାନ୍ତରିତ କରାଯାଇଛି। ଏହି ବ୍ୟବସ୍ଥା ଅସ୍ଥାୟୀ ସେଡ୍ ସ୍ଥାନରେ ନିର୍ମାଣ କାର୍ଯ୍ୟ ସୁଗମ ଭାବରେ ଆଗକୁ ବଢ଼ିବା ସହିତ ଟିକେଟିଂ ସେବାର ନିରବଚ୍ଛିନ୍ନ ଉପଲବ୍ଧତାକୁ ସୁନିଶ୍ଚିତ କରିବ।
ଯାତ୍ରୀଙ୍କ ଗତିବିଧିକୁ ଆହୁରି ସହଜ କରିବା ପାଇଁ ଟାଉନ୍ ବସ୍ ଷ୍ଟାଣ୍ଡ/ମନ୍ଦିର ପାର୍ଶ୍ୱରୁ ଏକ ନୂତନ ନିର୍ମିତ ଆପ୍ରୋଚ୍ ରୋଡ୍ ଖୋଲାଯାଇଛି ଯାହା ଷ୍ଟେସନକୁ ଉନ୍ନତ ସଂଯୋଗ ଏବଂ ଅସୁବିଧାମୁକ୍ତ ପ୍ରବେଶକୁ ସକ୍ଷମ କରିବ । ଏହି ପୁନର୍ବିକାଶ ପ୍ରୟାସରେ ଏକ ପ୍ରମୁଖ ମାଇଲଖୁଣ୍ଟ ହେଉଛି ଏକ ନୂତନ ନିର୍ମିତ ଭୂମିସ୍ତରୀୟ ପ୍ରସ୍ଥାନ କନକୋର୍ସ ମାଧ୍ୟମରେ ପ୍ଲାଟଫର୍ମ ନମ୍ବର ୧ କୁ ସିଧାସଳଖ ପ୍ରବେଶର ସୁଯୋଗ ଖୋଲିବା ଯାହା ଭିଡ଼ ହ୍ରାସ କରିବ ଏବଂ ଯାତ୍ରୀ ପ୍ରବାହକୁ ଉଲ୍ଲେଖନୀୟ ଭାବରେ ଉନ୍ନତ କରିବ ବୋଲି ଆଶା କରାଯାଉଛି । ଚାଲୁଥିବା ଷ୍ଟେସନ ଭବନରେ ସ୍ଥାନାନ୍ତରିତ ୟୁଟିଏସ ଏବଂ ପିଆରଏସ କାଉଣ୍ଟରଗୁଡ଼ିକ ଯାତ୍ରୀମାନଙ୍କ ପାଇଁ ଅଧିକ ସ୍ଥାନ ଉପଲବ୍ଧ କରାଇବା ସହ ଯାତ୍ରୀ ମାନଙ୍କ ଯାତାୟାତ ପାଇଁ ସୁବିଧା ପ୍ରଦାନ କରିବ ।
---------------
ହିନ୍ଦୁସ୍ଥାନ ସମାଚାର / ବନ୍ଦନା
