ନୂଆଦିଲ୍ଲୀ, ୨୫ ଜୁନ୍(ହି.ସ.) – କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହ ବୁଧବାର ଦିନ ସମ୍ବିଧାନ ହତ୍ୟା ଦିବସ ଉପରେ କହିଛନ୍ତି ଯେ ଜରୁରୀକାଳ ଭାରତୀୟ ଲୋକତନ୍ତ୍ରର ସବୁଠାରୁ କଳା ଅଧ୍ୟାୟ ଥିଲା, ଯାହାକୁ ଦେଶକୁ ସବୁବେଳେ ମନେ ରଖିବା ଦରକାର, ଯାହାଫଳରେ ସେ ତ୍ରାସଦୀ ଦ୍ୱିତୀୟଥର ଦୋହରା ନଯାଉ।
ଅମିତ ଶାହ ଦେଶରେ ଜରୁରୀକାଳ ଲାଗୁ ହେବା ସହିତ ୫୦ ବର୍ଷ ପୁରା ହେବା ଉପରେ ଦିଲ୍ଲୀର ତ୍ୟାଗରାଜ ସ୍ପୋର୍ଟସ କମ୍ପଲେକ୍ସରେ ଆୟୋଜିତ ସମ୍ବିଧାନ ହତ୍ୟା ଦିବସ କାର୍ଯ୍ୟକ୍ରମକୁ ମୁଖ୍ୟ ଅତିଥି ଭାବେ ସମ୍ବୋଧିତ କରିଥିଲେ। ଶ୍ରୀ ଶାହ କହିଛନ୍ତି ଯେ ୨୫ ଜୁନ୍ ୧୯୭୫ ରାତିରେ ଲଗାଯାଇଥିବା ଜରୁରୀକାଳ ସମ୍ବିଧାନର ଆତ୍ମାକୁ ନଷ୍ଟ କରିଥିଲା। ଦେଶକୁ ଏକ ଜେଲ୍ଖାନା ବନାଇ ଦେଇଥିଲା, ନ୍ୟାୟପାଳିକାକୁ ମୌନ କରିଦିଆ ଯାଇଥିଲା ଏବଂ ପ୍ରେସର କଲମରୁ ସ୍ୟାହି ଛଡ଼ାଇ ନିଆଯାଇଥିଲା। ଏଥିପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହିଦିନକୁ ସମ୍ବିଧାନ ହତ୍ୟା ଦିବସ ରୂପେ ପାଳନ କରିବାକୁ ସ୍ଥିର କରିଛନ୍ତି।
ଏହି ଅବସରରେ ପ୍ରଧାନମନ୍ତ୍ରୀ ମୋଦୀ ଦ୍ୱାରା ଲିଖିତ ପୁସ୍ତକ ଦି ଇମରଜେନ୍ସିଂ ଡାଇରିଜ: ଇୟର ଦୈଟ ଫୋଜର୍ଡ ଆୱାର ଲିଡର୍ସର ଉନ୍ମୋଚନ ମଧ୍ୟ କରାଯାଇଥିଲା। ଶାହ କହିଛନ୍ତି ଯେ ଏହି ପୁସ୍ତକ ନରେନ୍ଦ୍ର ମୋଦୀଙ୍କ ଜରୁରୀକାଳୀନ ଅବସରରେ ଏକ ୨୪-୨୫ ବର୍ଷୀୟ ଯୁବସଂଘ ପ୍ରଚାରକ ରୂପେ ଭୂମିଗତ ସଂଘର୍ଷ, ମିସା ବନ୍ଦୀମାନଙ୍କ ସାହାଯ୍ୟ ଏବଂ ଗୁପ୍ତ ସମାଚାର ପତ୍ରର ବିତରଣ ପରି ପ୍ରୟାସକୁ ଦର୍ଶାଏ। ପ୍ରଧାନମନ୍ତ୍ରୀ ମୋଦୀ ସାଧୁ, ସରଦାରଜୀ, ହିପ୍ପୀ, ଅଗରବତୀ ବା ସମାଚାର ପତ୍ର ବିକ୍ରେତା ରୂପେ କାମ କରିଛନ୍ତି। ସେ ଯୁବକମାନଙ୍କୁ ଏହି ପୁସ୍ତକକୁ ପଢ଼ିବାକୁ ଅନୁରୋଧ କରିଛନ୍ତି।
ଅମିତ ଶାହ କହିଛନ୍ତି ଯେ ଜରୁରୀକାଳ ସମୟରେ କଂଗ୍ରେସର ସରକାର ଏକ ବିଚାର ସ୍ଥାପିତ କରିବାକୁ ଚେଷ୍ଟା କରିଥିଲା। ରାଷ୍ଟ୍ର ଠାରୁ ବଡ଼ ପାର୍ଟି, ପାର୍ଟି ଠାରୁ ବଡ଼ ପରିବାର ଏବଂ ପରିବାର ଠାରୁ ବଡ଼ ବ୍ୟକ୍ତି। ଏହାର ଆଲଟ ଆଜି ଭାରତ ପ୍ରଥମ ଚିନ୍ତା ଦେଶବାସୀମାନଙ୍କ ମନରେ ଜାଗୃତ ହୋଇଛି, ଯାହା ୧୯ ମାସ ଜେଲ୍ରେ ବନ୍ଦ ଲୋକତନ୍ତ୍ର ରକ୍ଷକଙ୍କ କୁର୍ବାନୀର ପରିଣାମ ଅଟେ।
ହିନ୍ଦୁସ୍ଥାନ ସମାଚାର/ରବି/ବୀଣାପାଣି
.......................................
ହିନ୍ଦୁସ୍ଥାନ ସମାଚାର / ବୀଣାପାଣି