ଭୁବନେଶ୍ୱର, 29 ଜୁନ୍ (ହି.ସ.)- ପୁରୀ ଦଳ ଚକଟା ଘଟଣାରେ ସନ୍ଧ୍ୟା ସୁଦ୍ଧା ଆକ୍ସନ ସହ ମୁଖ୍ୟମନ୍ତ୍ରୀଙ୍କ
ଇସ୍ତଫା ଦାବି କଲା ବିଜେଡି । ବିଜେଡି ବିଧାୟକ ଅରୁଣ ସାହୁ କହିଛନ୍ତି ଯେ, ଯିଏ ଦୋଷୀ ତା
ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ନେଇ ମୁଣ୍ଡ ଗଡ଼ାନ୍ତୁ । ଚଳିତ ବର୍ଷ ରଥଯାତ୍ରାରେ
ଘଟିଥିବା ବିଭ୍ରାଟ ପାଇଁ ମୁଖ୍ୟମନ୍ତ୍ରୀ ଇସ୍ତଫା ଦିଅନ୍ତୁ ।
ଅରୁଣ ସାହୁ କହିଛନ୍ତି ଯେ, ଏ ବର୍ଷ ନନ୍ଦିଘୋଷ ଗଡ଼ିଲାନି,
ଦଳଚକଟାରେ
ଆହତ ହେଲେ, ସରକାର ତଥ୍ୟ ଲୁଚାଇଲେ । ଏହାର ପରିଣାମ ସ୍ୱରୂପ ଗତକାଲି ଦଳଚକଟାରେ
ତିନି ଜଣ ମଲେ,ଅନେକ ଆହତ ହେଲେ । ସରକାର କିଛି
ଶିଖିବାକୁ ଚାହୁଁ ନାହାନ୍ତି ।
ସେ କହିଛନ୍ତି , ବିଜେପି
ନେତା ପ୍ରଧାନମନ୍ତ୍ରୀଙ୍କ ମନ କି ବାତ ଶୁଣୁଛନ୍ତି । ଅଘଟଣ ସମୟରେ ମୁଖ୍ୟମନ୍ତ୍ରୀ,
ମନ୍ତ୍ରୀ,
ମୁଖ୍ୟ
ଶାସନ ସଚିବ, ଡିଜିପି ଡେରା ପକାଇବା କଥା । ପ୍ରଧାନମନ୍ତ୍ରୀ ମନ କି ବାତରେ ଦଳଚକଟା
କଥା କୁହନ୍ତୁ । ଦାୟୀ ମାନଙ୍କୁ କାହିଁକି ଶାସ୍ତି ଦେଉ ନାହାନ୍ତି?
ଯଦି
ସରକାର ନିଜେ ଦାୟୀ, ଇସ୍ତଫା ଦିଅନ୍ତୁ ।
ବିଜେଡି ବିଧାୟକ କହିଛନ୍ତି ଯେ, କୋଟି କୋଟି ଲୋକଙ୍କ ଭାବାବେଗ ସହ ଖେଳୁଛନ୍ତି । କି ତଦନ୍ତ
କରିବେ? ବଳଭଦ୍ରଙ୍କ ପଡିବା ତଦନ୍ତ ରିପୋର୍ଟ କୁଆଡ଼େ ଗଲା?
ଗୋଟେ
ଭୁଲ ଲୁଚାଇବାକୁ ସରକାର ଭୁଲ ପରେ ଭୁଲ କରି ଚାଲିଛନ୍ତି । ଓଡ଼ିଆ ଅସ୍ମିତା ରସା ତଳକୁ ଗଲାଣି ।
ଯିଏ ଦାୟୀ, ଆଜି ରାତି ସୁଦ୍ଧା ବହିଷ୍କାର କର । କିଏ 15000 କର୍ଡନ ପାସ ଦେଲେ,
ତଦନ୍ତ
ହେଉ? ମୁଖ୍ୟମନ୍ତ୍ରୀ ଇସ୍ତଫା ଦିଅନ୍ତୁ ବୋଲି ସେ ଦାବି କରିଛନ୍ତି ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
29 Jun 2025
