ଭୁବନେଶ୍ୱର, 10 ଜୁଲାଇ (ହି.ସ.)- ଆଜିଠୁ ରାଜ୍ୟର
ସମସ୍ତ ପେଟ୍ରୋଲ୍ ପମ୍ପରେ ତେଲ ସଙ୍କଟ ଆଶଙ୍କା ଦେଖାଦେଇଛି । ଆଶଙ୍କା କଲେ ପେଟ୍ରୋଲିୟମ୍
ଡିଲର୍ ସଂଘ ସାଧାରଣ ସମ୍ପାଦକ । ଆଜି ଅନେକ ପେଟ୍ରୋଲ୍ ପମ୍ପ୍ରେ ତେଲ ସରିଯିବ ବୋଲି କହିଛନ୍ତି
ସଞ୍ଜୟ ଲାଠ । ଆଜିଠାରୁ ରାଜ୍ୟରେ ତେଲ କ୍ରାଇସିସ୍ ଦେଖିବାକୁ ମିଳିପାରେ । ଯଦି ତେଲ ପରିବହନ
ବନ୍ଦ ରହିବ, ତେବେ ଜଟିଳ ସମସ୍ୟା ସୃଷ୍ଟି ହେବ । ଓଡ଼ିଶା ଡ୍ରାଇଭର ମହାସଂଘର
ଷ୍ଟିଅରିଂ ଛାଡ଼ ଆନ୍ଦୋଳନ ଯୋଗୁ ସମସ୍ୟା ଉପୁଜିଛି ।
ଓଡିଶାରେ ହଜାର ହଜାର
ବାଣିଜ୍ୟିକ ଗାଡି ଡ୍ରାଇଭରଙ୍କ ଅନିଶ୍ଚିତକାଳ ଧାରଣା ଯୋଗୁ ରାଜ୍ୟରେ ପେଟ୍ରୋଲ୍, ଡିଜେଲ୍ ଓ ଏଲପିଜି ଯୋଗାଣ ଭୟଙ୍କର ଭାବେ ପ୍ରଭାବିତ ହେଉଛି, ଯାହା ଫଳରେ ଇନ୍ଧନ ସଂକଟ ଗଭୀର ନେବାର
ଆଶଙ୍କା ଦେଖାଦେଇଛି ।
ଉତ୍କଳ ପେଟ୍ରୋଲିୟମ ଡିଲର୍ସ
ଆସୋସିଏସନ୍ର ସମ୍ପାଦକ ସଂଜୟ ଲାଠ କହିଛନ୍ତି ଯେ ପେଟ୍ରୋଲ ପମ୍ପରେ ଇନ୍ଧନ ଭର୍ତ୍ତି ଟ୍ୟାଙ୍କର
ପହଂଚିପାରିନି । ଅନେକ ପେଟ୍ରୋଲ ପମ୍ପ ଖାଲି ହୋଇସାରିଲାଣି ।
ପାରାଦୀପ, ବାଲେଶ୍ୱର, ଜଟଣୀ ଓ ଝାରସୁଗୁଡ଼ାର ମୁଖ୍ୟ ଇନ୍ଧନ ଡିପୋଗୁଡ଼ିକ ଧାରଣା ଯୋଗୁ ବନ୍ଦ
ଅଛି । ପରିସ୍ଥିତି ସାମାନ୍ୟ ନ ହେଲେ, ପ୍ରଶାସନ ପୋଲିସ୍ ବଳ
ସହଯୋଗରେ ଇନ୍ଧନ ଯୋଗାଣ ପୁନଃ ସ୍ଥାପିତ କରିବା ସଂପର୍କରେ ବିଚାର କରିପାରେ ।
ଏହି ବିକ୍ଷୋଭ ଓଡ଼ିଶା
ଡ୍ରାଇଭର୍ସ୍ ମହାସଂଘ ପକ୍ଷରୁ ଦିଆଯାଇଛି, ଯାହା ଫଳରେ ସାରା ରାଜ୍ୟରେ
ସାର୍ବଜନୀନ ପରିବହନ ଓ ଆବଶ୍ୟକୀୟ ଯୋଗାଣ ଶୃଙ୍ଖଳା ଠପ୍ ହୋଇପଡ଼ିଛି ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
