ବଲାଙ୍ଗିର, 12 ଜୁଲାଇ (ହି.ସ.)

ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଳକ ଝରିଆଲ ପଞ୍ଚାୟତରେ ମନରେଗା ଯୋଜନାର ମେଟ୍ରିଆଲ୍ କାମ ରେ ବ୍ୟାପକ ଅନିୟମିତତା ହେବା ସହ କୌଣସି କାମ ନ କରି ଲକ୍ଷାଧିକ ଟଙ୍କା ମେଟ୍ରିଆଲ୍ ଟଙ୍କା ଭେଣ୍ଡର ଏକାଉଣ୍ଟ ରେ ଟଙ୍କା ପକାଇ ଥିବା ନେଇ ଶତାଧିକ ଝରିଆଲ ପଞ୍ଚାୟତବାସୀ ବଙ୍ଗୋମୁଣ୍ଡା ବିଡ଼ିଓ ବାସନ୍ତୀ ସେଠି ଙ୍କୁ ଏକ ଅଭିଯୋଗପତ୍ର ସୋମବାର ପ୍ରଦାନ କରିଥିଲେ। କିନ୍ତୁ ଅଭିଯୋଗ କରିବାର ଅନେକ ଦିନ ପରେ ମଧ୍ଯ ବଙ୍ଗୋମୁଣ୍ଡା ବ୍ଳକ ପ୍ରଶାସନ କାର୍ଯ୍ୟାନୁଷ୍ଠାନ ଶୂନ ଦେଖା ଦେଇଥିବା ବେଳେ ଦୁର୍ନୀତି ଚାପିବାକୁ ପ୍ରୟାସ ଆରମ୍ଭ ହୋଇଛି। ଝରିଆଲ ପଞ୍ଚାୟତବାସୀଙ୍କ ଅଭିଯୋଗ ଆନୁସାରେ ମନରେଗାର ଯୋଜନାରେ ମେଟ୍ରିଆଲ୍ କାମ ହୋଇଥିବା ତଲରବନ୍ଦ ଟେଙ୍କ ରାଣୀପୁର, ବେହେରାବନ୍ଦ ଟେଙ୍କ ରାଣୀପୁର, ଉପରବନ୍ଦ ଟେଙ୍କ ରାଣୀପୁର, ଝରିଆଲରୁ ଝାକରପଡା ରାସ୍ତା, ନର୍ଲାବନ୍ଦରୁ ବାଲିଖମାର ରାସ୍ତା, ରାଣୀପୁର ଝରିଆଲ ଆରଡି ରାସ୍ତା ଠାରୁ ରୁରାଲ ପାର୍କ, ପ୍ଳେଗ୍ରାଉଣ୍ଡ ଝରିଆଲ, ନୂଆବନ୍ଦ ଟେଙ୍କ ଝରିଆଲ ଏହି ୮ ଟି କାମ ପଞ୍ଚାୟତରୁ ଚଳିତ ୨୦୨୪-୨୫ ଓ ୨୦୨୫-୨୬ ରେ ମନରେଗା ର ଯୋଜନାରେ ୨୩ ଲକ୍ଷରୁ ଉର୍ଦ୍ଧ୍ବ ଟଙ୍କା ମେଟ୍ରିଆଲ୍ କାମ ନ କରି ଭେଣ୍ଡର ଏକାଉଣ୍ଟ ଟଙ୍କା ପକା ଯାଇଥିବା ଅଭିଯୋଗ ଆଣିଛନ୍ତି। ବର୍ତ୍ତମାନ ଯାଏ ବ୍ଳକ ପ୍ରଶାସନ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନ କରିବାକୁ ଏହି ସମସ୍ତ ମେଟ୍ରିଆଲ୍ କାମ କରି ନିଜେ କରିଥିବା ଦୁର୍ନୀତିକୁ ଚାପି ଦେବାକୁ ପ୍ରାୟସ ଆରମ୍ଭ କରିଛନ୍ତି ପଞ୍ଚାୟତ ପ୍ରତିନିଧି ଓ ଦାଇତ୍ବ ଥିବା କର୍ମଚାରୀ। ସେପଟେ ଏହି ଦୁର୍ନୀତିରେ ବଙ୍ଗୋମୁଣ୍ଡା ବିଡ଼ିଓ ମଧ୍ଯ ସାମିଲ ଥିବା ଯୋଗୁଁ ସେମାନଙ୍କ ବିରୋଧ କାର୍ଯ୍ୟାନୁଷ୍ଠାନ ଗ୍ରହଣ କରୁନଥିବା ଅଭିଯୋଗ ଆଣିଛନ୍ତି ଝରିଆଲ ପଞ୍ଚାୟତର ଅଭିଯୋଗକାରୀ ମାନେ ଗୋଟିଏ ପଞ୍ଚାୟତରେ କାମ ନ କରି ସରକାରୀ ରାଜକୋଷରୁ ଲକ୍ଷାଧିକ ଟଙ୍କା କଳା । ଏ ନେଇ ଲିଖିତ ଅଭିଯୋଗ ମଧ୍ଯ କରାଗଲା ସେ ଉପରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପରିବର୍ତ୍ତେ ପୁଣି ଟଙ୍କା ହଡ଼ପ କରିଥିବା କାର୍ଯ୍ୟ କୁ ନିର୍ମାଣ କରି ଦେଇ ଦୁର୍ନୀତି ଚାପିବାକୁ ପ୍ରାୟସ ଆରମ୍ଭ କରିଥିବା ଅଭିଯୋଗ ହେଉଛି। ଅନ୍ୟପକ୍ଷରେ ଝରିଆଲ ପଞ୍ଚାୟତ ଦାଇତ୍ବ ଥିବା କନିଷ୍ଠ ଯନ୍ତ୍ରୀ ଜୟ ନାରାୟଣ ବାଗ ଏକ ସାଙ୍ଘାତିକ ପ୍ରତିକ୍ରିୟା ଦେଇଛନ୍ତି। ବର୍ତ୍ତମାନ ଯେଉଁ ମେଟ୍ରିଆଲ୍ କାମ ବିଲ ଉଠୁଛି ବୋଲି ଝରିଆଲ ପଞ୍ଚାୟତ କିଛି ଲୋକ ଯେଉଁ ଅଭିଯୋଗ ଆଣିଛନ୍ତି ସେହି ବିଲ୍ ମୋ ଅଜଣାତ ରେ କରାଯାଇଛି । କିଏ ବିଲ କରିଛି ମୁଁ ଜାଣି ନାହିଁ ବୋଲି କହିଛନ୍ତି। ତାଙ୍କ ପ୍ରତିକ୍ରିୟା ଶୁଣିବା ପରେ ଆମକୁ ମଧ୍ଯ ଚକିତ କରିଛି । ପଞ୍ଚାୟତ ଅଧିନ ଶରେ ଯେଉଁ କୌଣସି ସରକାରୀ ନିର୍ମାଣ କାର୍ଯ୍ୟ କରାଯାଇଥାଏ ତାହା ଦାଇତ୍ବ ଥିବା କନିଷ୍ଠ ଯନ୍ତ୍ରୀଙ୍କ ତତ୍ତ୍ବାବଧାନ ଉଁ କରାଯାଏ ଏବଂ ସେମାନେ କାର୍ଯ୍ୟ ତଦାରଖ କଲା ପରେ ବିଲ ହୋଇଥାଏ କିନ୍ତୁ ଏହି ଝରିଆଲ ପଞ୍ଚାୟତ ରେ କାମ ନ କରି ୨୩ ଲକ୍ଷ ରୁ ଉର୍ଦ୍ଧ୍ବ ଟଙ୍କା ବିଲ ଉଠୁଥିବା ନେଇ ଅଭିଯୋଗ କାମ ରେ ଦାଇତ୍ବ ଥିବା କନିଷ୍ଠ ଯନ୍ତ୍ରୀଙ୍କ ବିନା ଅନୁମତି କେମିତି ବିଲ ବୋଲି ବଡ ପ୍ରଶ୍ନ ଉଠୁଛି। ସରକାରୀ ନିୟମ ଉଲଙ୍ଘନ କରି କେମିତି ଚାଳିଛି ଏହି କାରବାର ତାହା ତଦନ୍ତ ସାପେକ୍ଷ ଅଟେ। ପୂର୍ବ ମଧ୍ଯ ଏହି ଝରିଆଲ ପଞ୍ଚାୟତ ରେ ମନରେଗାର ଯୋଜନା ନାରେ ବ୍ୟାପକ ଅନିୟମିତା ସହ ଅନେକ ସମୟରେ ଶ୍ରମିକ ବଦଳ ରେ ମେସ୍ସିନ ଜରିଆ କାମ କରି ଶ୍ରମିକ ଙ୍କୁ ନେଇ ଜିଓଟେକ କରି ତାଙ୍କ ବ୍ୟାଙ୍କ ଏକାଉଣ୍ଟ ରେ ମନରେଗା ଟଙ୍କା ଜମା କରାଯାଉଥିବା ଅଭିଯୋଗ ହୋଇ ଆସୁଛିକିନ୍ତୁ ଏହି ଦୁର୍ନୀତିରେ ବଙ୍ଗୋମୁଣ୍ଡା ବ୍ଳକ କାର୍ଯ୍ୟାଳୟର କିଛି ଜଣ କର୍ମଚାରୀ ହାତଗୁଞ୍ଜ ନେଇ ଏହି ଭଳି ଦୁର୍ନୀତି କୁ ଚାପି ଦେଉଥିବା ଅଭିଯୋଗ ହେଉଥିବା ବେଳେ ସବୁ ଜାଣି ଅଜଣା ବ୍ଳକ ମୂଖିଆ ବୋଲି ମଧ୍ଯ ଚର୍ଚ୍ଚା ହେଉଛି। ଏହି ପଞ୍ଚାୟତ କିଛି ନେତା ଶାସନ ଦଳ ନେତା ମାନଙ୍କ ଅତି ନିକଟତମ ଲୋକ ଆମ କିଏ କିଛି କରି ପାରିବ ନାହିଁ ବୋଲି ମଧ୍ଯ କହୁଥିବା ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି। ବଲାଙ୍ଗୀର ଜିଲ୍ଲାପାଳ ନଜର ଦେଇ କନିଷ୍ଠ ଯନ୍ତ୍ରୀଙ୍କ ବିନା ଅନୁମତି କେମିତି ବିଲ ଉଠୁଛି ସେନେଇ ତଦନ୍ତ କରି କାର୍ଯ୍ୟନୁଷ୍ଠାନ ନେବାକୁ ଦାବୀ ହେଉଛି।

ହିନ୍ଦୁସ୍ଥାନ ସମାଚାର / ଗୋପବନ୍ଧୁ